ជាតិ
មេគង្គ-ឡានឆាង៖ ហេតុអ្វីចិនធ្វើជាសហប្រធានអចិន្ត្រៃយ មិនប្ដូរវេនដូចប្រទេស៥ទៀត?
×![]()
ភ្នំពេញ៖ កិច្ចប្រជុំថ្នាក់ដឹកនាំកំពូល នៃកិច្ចសហប្រតិបត្តិការតំបន់មេគង្គ-ឡានឆាង បានបិទបញ្ចប់ កាលពីថ្ងៃទី១០ មករា ក្រោមលទ្ធផលផ្លែផ្កា លើការអនុម័តឯកសារចំនួន២ រវាងថ្នាក់ដឹកនាំប្រទេសទាំង៦ នៃអនុតំបន់។ កម្ពុជា បានផ្ទេរតំណែងសហប្រធានកិច្ចសហប្រតិបត្តិការនេះ ទៅប្រទេសឡាវ ដើម្បីធ្វើជាម្ចាស់ផ្ទះរៀបចំកិច្ចប្រជុំម្ដង។ ប៉ុន្តែចិន នៅតែជាសហប្រធានអចិន្ត្រៃយ៍ដោយមិនមានការប្តូរវេនឡើយ។ តើមូលហេតុអ្វី?
តំបន់មេគង្គ-ឡានឆាង ជាផ្លូវទឹកតភ្ជាប់ប្រទេសចំនួន៦ រួមមាន កម្ពុជា ថៃ ឡាវ វៀតណាម មីយ៉ាន់ម៉ា និងចិន។ ដើម្បីអភិវឌ្ឍន៍ និងរក្សាស្ថិរភាពក្នុងតំបន់មេគង្គ-ឡានឆាង ប្រទេសទាំង៦ រួមគ្នាបង្កើតឲ្យមានកិច្ចប្រជុំក្រុមការងាររួម, ប្រជុំក្រុមឧត្តមមន្ត្រី, កិច្ចប្រជុំរដ្ឋមន្ត្រីការបរទេស និងថ្នាក់ដឹកនាំកំពូលនៃកិច្ចសហប្រតិបត្តិការមេគង្គ-ឡានឆាង ក្រោមគំនិតផ្ដួចផ្ដើមរបស់ចិន ក្នុងទិសដៅដោះស្រាយបញ្ហានានាក្នុងតំបន់។ កិច្ចប្រជុំទាំងនេះ នឹងមានការប្ដូរវេនគ្នាធ្វើជាម្ចាស់ផ្ទះ សម្រាប់ប្រទេស៥ក្នុងតំបន់ទន្លេមេគង្គ លើកលែងតែចិន ដែលនៅតែធ្វើជាសហប្រធានអចិន្ត្រៃយ។
សម្ដេចនាយករដ្ឋមន្ត្រី ហ៊ុន សែន បាននិយាយថា៖« មូលហេតុដែល ចិន ត្រូវធ្វើជាសហប្រធានអចិន្ត្រៃយ៍ នៃកិច្ចសហប្រតិបត្តិការមេគង្គ-ឡានឆាង ដោយសារទន្លេឡានឆាង គឺស្ថិតនៅប្រទេសចិន ដោយមិនមានការហូរឆ្លងកាត់ប្រទេសដទៃ ដូចទន្លេមេគង្គ ដែលហូរឆ្លងកាត់ប្រទេសចំនួន៥ ឡើយ»។ ត្រង់ន័យនេះសម្ដេច ហ៊ុន សែន ចង់ពន្យល់ថា ការប្តូរវេនធ្វើជាសហប្រធាន គឺមានតែប្រទេស៥អនុវត្តប៉ុណ្ណោះ។ កម្ពុជាបានផ្ទេរតំណែងសហប្រធានកិច្ចសហប្រតិបត្តិការនេះ ទៅប្រទេសឡាវ ដើម្បីធ្វើជាម្ចាស់ផ្ទះរៀបចំកិច្ចប្រជុំម្ដង ក្រោយបញ្ចប់កិច្ចប្រជុំកិច្ចសហប្រតិបត្តិការតំបន់មេគង្គ-ឡានឆាង កាលពីថ្ងៃទី១០មករា ។
តួនាទីចិន នៅក្នុងតំបន់មេគង្គ-ឡានឆាង ត្រូវបានគេមើលឃើញថា ជាតួអង្គសំខាន់ក្នុងការជួយអភិវឌ្ឍប្រទេសក្នុងតំបន់ តាមរយៈការកសាងហេដ្ឋារចនាសម្ព័ន្ធ កសាងមន្ទីពេទ្យ ការលើកកម្ពស់វិស័យវិនិយោគ សេដ្ឋកិច្ច និងការជួយពង្រឹងកិច្ចសហប្រតិបត្តិការការពារសន្តិភាព ស្ថិរភាពក្នុងតំបន់ជាដើម។ នោះក៏ព្រោះថា ចិនដែលជាប្រទេសមហាអំណាច មានធនធាន និងសមត្ថភាពខ្ពស់ជាងគេ នៅក្នុងតំបន់មេគង្គ-ឡានឆាងនេះ។
សូមបញ្ជាក់ថា កិច្ចប្រជុំកំពូលមេដឹកនាំកិច្ចសហប្រតិបត្តិការមេគង្គ-ឡានឆាងក្នុងឆ្នាំ២០១៨នេះ មានមូលបទ «ទន្លេរបស់យើងដើម្បីសន្តិភាព និងការអភិវឌ្ឍប្រកបដោយចីរភាព» ហើយមេដឹកនាំប្រទេសទាំង៦ បានពិភាក្សាលើបញ្ហាសំខាន់ៗដើម្បីអភិវឌ្ឍតំបន់អនុមេគង្គ។ ការពង្រឹកទំនាក់ទំនង និងកំណត់កិច្ចសហប្រតិបត្តិការថ្មី ធ្វើឡើងក្រោមក្របខណ្ឌកិច្ចសហប្រតិបត្តិការបីបូកប្រាំ។ ក្របខណ្ឌកិច្ចសហប្រតិបត្តិការបីបូកប្រាំនេះសំដៅសរសរស្តម្ភបីបូករួមជាមួយវិស័យអាទិភាពចំនួនប្រាំដែលត្រូវបានកំណត់ដោយកិច្ចប្រជុំមេដឹកនាំកិច្ចសហប្រតិបត្តិការមេគង្គ-ឡានឆាងលើកទី ១។
សរសរស្តម្ភទាំងបីនោះមាននយោបាយ-សន្តិសុខ, សេដ្ឋកិច្ច និងការអភិវឌ្ឍ រួមជាមួយសង្គម និងទំនាក់ទំនងប្រជាជនទៅប្រជាជន។ ចំណែកវិស័យអាទិភាពចំនួនប្រាំមានដូចជាការផ្សាភ្ជាប់, កិច្ចសហប្រតិបត្តិការជំរុញសមត្ថភាពផលិត, កិច្ចសហប្រតិបត្តិសេដ្ឋកិច្ចឆ្លងដែន, កិច្ចសហប្រតិបត្តិការនៃការគ្រប់គ្រងទឹក និងកសិកម្ម និងកិច្ចសហប្រតិបត្តិការក្នុងការកាត់បន្ថយភាពក្រីក្រ៕
តំបន់មេគង្គ-ឡានឆាង ជាផ្លូវទឹកតភ្ជាប់ប្រទេសចំនួន៦ រួមមាន កម្ពុជា ថៃ ឡាវ វៀតណាម មីយ៉ាន់ម៉ា និងចិន។ ដើម្បីអភិវឌ្ឍន៍ និងរក្សាស្ថិរភាពក្នុងតំបន់មេគង្គ-ឡានឆាង ប្រទេសទាំង៦ រួមគ្នាបង្កើតឲ្យមានកិច្ចប្រជុំក្រុមការងាររួម, ប្រជុំក្រុមឧត្តមមន្ត្រី, កិច្ចប្រជុំរដ្ឋមន្ត្រីការបរទេស និងថ្នាក់ដឹកនាំកំពូលនៃកិច្ចសហប្រតិបត្តិការមេគង្គ-ឡានឆាង ក្រោមគំនិតផ្ដួចផ្ដើមរបស់ចិន ក្នុងទិសដៅដោះស្រាយបញ្ហានានាក្នុងតំបន់។ កិច្ចប្រជុំទាំងនេះ នឹងមានការប្ដូរវេនគ្នាធ្វើជាម្ចាស់ផ្ទះ សម្រាប់ប្រទេស៥ក្នុងតំបន់ទន្លេមេគង្គ លើកលែងតែចិន ដែលនៅតែធ្វើជាសហប្រធានអចិន្ត្រៃយ។
សម្ដេចនាយករដ្ឋមន្ត្រី ហ៊ុន សែន បាននិយាយថា៖« មូលហេតុដែល ចិន ត្រូវធ្វើជាសហប្រធានអចិន្ត្រៃយ៍ នៃកិច្ចសហប្រតិបត្តិការមេគង្គ-ឡានឆាង ដោយសារទន្លេឡានឆាង គឺស្ថិតនៅប្រទេសចិន ដោយមិនមានការហូរឆ្លងកាត់ប្រទេសដទៃ ដូចទន្លេមេគង្គ ដែលហូរឆ្លងកាត់ប្រទេសចំនួន៥ ឡើយ»។ ត្រង់ន័យនេះសម្ដេច ហ៊ុន សែន ចង់ពន្យល់ថា ការប្តូរវេនធ្វើជាសហប្រធាន គឺមានតែប្រទេស៥អនុវត្តប៉ុណ្ណោះ។ កម្ពុជាបានផ្ទេរតំណែងសហប្រធានកិច្ចសហប្រតិបត្តិការនេះ ទៅប្រទេសឡាវ ដើម្បីធ្វើជាម្ចាស់ផ្ទះរៀបចំកិច្ចប្រជុំម្ដង ក្រោយបញ្ចប់កិច្ចប្រជុំកិច្ចសហប្រតិបត្តិការតំបន់មេគង្គ-ឡានឆាង កាលពីថ្ងៃទី១០មករា ។
តួនាទីចិន នៅក្នុងតំបន់មេគង្គ-ឡានឆាង ត្រូវបានគេមើលឃើញថា ជាតួអង្គសំខាន់ក្នុងការជួយអភិវឌ្ឍប្រទេសក្នុងតំបន់ តាមរយៈការកសាងហេដ្ឋារចនាសម្ព័ន្ធ កសាងមន្ទីពេទ្យ ការលើកកម្ពស់វិស័យវិនិយោគ សេដ្ឋកិច្ច និងការជួយពង្រឹងកិច្ចសហប្រតិបត្តិការការពារសន្តិភាព ស្ថិរភាពក្នុងតំបន់ជាដើម។ នោះក៏ព្រោះថា ចិនដែលជាប្រទេសមហាអំណាច មានធនធាន និងសមត្ថភាពខ្ពស់ជាងគេ នៅក្នុងតំបន់មេគង្គ-ឡានឆាងនេះ។
សូមបញ្ជាក់ថា កិច្ចប្រជុំកំពូលមេដឹកនាំកិច្ចសហប្រតិបត្តិការមេគង្គ-ឡានឆាងក្នុងឆ្នាំ២០១៨នេះ មានមូលបទ «ទន្លេរបស់យើងដើម្បីសន្តិភាព និងការអភិវឌ្ឍប្រកបដោយចីរភាព» ហើយមេដឹកនាំប្រទេសទាំង៦ បានពិភាក្សាលើបញ្ហាសំខាន់ៗដើម្បីអភិវឌ្ឍតំបន់អនុមេគង្គ។ ការពង្រឹកទំនាក់ទំនង និងកំណត់កិច្ចសហប្រតិបត្តិការថ្មី ធ្វើឡើងក្រោមក្របខណ្ឌកិច្ចសហប្រតិបត្តិការបីបូកប្រាំ។ ក្របខណ្ឌកិច្ចសហប្រតិបត្តិការបីបូកប្រាំនេះសំដៅសរសរស្តម្ភបីបូករួមជាមួយវិស័យអាទិភាពចំនួនប្រាំដែលត្រូវបានកំណត់ដោយកិច្ចប្រជុំមេដឹកនាំកិច្ចសហប្រតិបត្តិការមេគង្គ-ឡានឆាងលើកទី ១។
សរសរស្តម្ភទាំងបីនោះមាននយោបាយ-សន្តិសុខ, សេដ្ឋកិច្ច និងការអភិវឌ្ឍ រួមជាមួយសង្គម និងទំនាក់ទំនងប្រជាជនទៅប្រជាជន។ ចំណែកវិស័យអាទិភាពចំនួនប្រាំមានដូចជាការផ្សាភ្ជាប់, កិច្ចសហប្រតិបត្តិការជំរុញសមត្ថភាពផលិត, កិច្ចសហប្រតិបត្តិសេដ្ឋកិច្ចឆ្លងដែន, កិច្ចសហប្រតិបត្តិការនៃការគ្រប់គ្រងទឹក និងកសិកម្ម និងកិច្ចសហប្រតិបត្តិការក្នុងការកាត់បន្ថយភាពក្រីក្រ៕
Tag:
មេគង្គ-ឡានឆាង
ចិន
© រក្សាសិទ្ធិដោយ thmeythmey.com
