ជាតិ
×![]()
ដោយ: ថ្មីៗ
ភ្នំពេញ៖ លោក សៅ បញ្ញា មន្ត្រីការិយាល័យរដ្ឋបាលនៃអគ្គស្នងការនគរបាលជាតិ ដែលលើកជើងធាក់មន្ត្រីចរាចរណ៍ចំកណ្តាលដើមទ្រូង ត្រូវបានលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ចោទប្រកាន់ចំនួន២បទ គឺ «បទហិង្សាដោយចេតនាមានស្ថានទម្ងន់ទោស និងបទប្រើប្រាស់គ្មានសិទ្ធិនូវសញ្ញាសម្គាល់ ដែលកំណត់ដោយអាជ្ញាធរសាធារណៈ»។ នេះបើតាមលោក លី សុផាណា អ្នកនាំពាក្យនៃអយ្យការអមសាលាដំបូងរាជធានីភ្នំពេញ ដែលបានប្រាប់អ្នកកាសែតតាមបណ្តាញទំនាក់ទំនងតេឡេក្រាម (Telegram) នៅថ្ងៃទី១១ ខែមករា ឆ្នាំ២០១៨នេះ ។
លោក លី សុផាណា អះអាងថា បន្ទាប់ពីចោទប្រកាន់រួចហើយ ព្រះរាជអាជ្ញា ក៏បញ្ជូនលោក សៅ បញ្ញា ទៅកាន់ចៅក្រមស៊ើបសួរ ដើម្បីចាត់ការបន្ត។
មាត្រា ២១៨ នៃក្រមព្រហ្មទណ្ឌ បានកំណត់ថា អំពើហិង្សាដោយចេតនា ត្រូវផ្តន្ទាទោសដាក់ពន្ធនាគារពី ២ឆ្នាំ ទៅ ៥ឆ្នាំ។ ឯមាត្រា៦១៤នៃក្រមព្រហ្មទណ្ឌ បានកំណត់ថា បទប្រើប្រាស់គ្មានសិទ្ធិនូវសញ្ញាសម្គាល់ ដែលកំណត់ដោយអាជ្ញាធរសាធារណៈ ត្រូវផ្តន្ទាទោសដាក់ពន្ធនាគារពី១ខែ ទៅ១ឆ្នាំ។
ក្រៅពីប្រឈមនឹងបញ្ហាផ្លូវច្បាប់ លោក សៅ បញ្ញា ដែលគេដឹងថាជាមន្ត្រីពាក់ស័ក្តិ៤ ត្រូវរងការរិះគន់យ៉ាងខ្លាំពីសាធារណជន ជាពិសេសអ្នកប្រើប្រាស់បណ្តាញសង្គមហ្វេសប៊ុក។ មកដល់ពេលនេះ ការរិះគន់តាមបណ្តាញសង្គមហ្វេសប៊ុក នៅតែបន្ត និងមានការទាមទារឲ្យដាក់ទោសទណ្ឌមន្ត្រីស័ក្តិ៤រូបនេះ ទៅតាមផ្លូវច្បាប់។
លោក អឿន ចំណាន មន្ត្រីចរាចរណ៍ ដែលរងអំពើហិង្សាពីលោកស័ក្តិ៤ បានចេញមករៀបរាប់ពីដំណើរដើមទង ដែលនាំឲ្យកើតហេតុនេះ។ លោក អឿន ចំណាន បាននិយាយក្នុងវីដេអូឃ្លីបមួយថា ដំបូង លោក បានណែនាំមន្ត្រីស័ក្តិ៤ ដែលបានបើកបរមិនត្រឹមត្រូវតាមច្បាប់ចរាចរណ៍។ មន្ត្រីចរាចរណ៍រូបនេះ បន្តថា ក្រោយមក មន្ត្រីស័ក្តិ៤ ក៏មករករឿងលោកតែម្តង។
ទង្វើរបស់មន្ត្រីស័ក្តិ៤ ដែលបានធ្វើទៅលើមន្ត្រីចរាចរណ៍ ត្រូវបានថតជាប់ដោយកាមេរ៉ាសុវត្ថិភាព។ តាមរយៈវីដេអូឃ្លីប ដែលបង្ហោះលើបណ្តាញសង្គមហ្វេសប៊ុក លោកស័ក្តិ៤ មើលទៅទំនងជាស្តីបន្ទោសមន្ត្រីចរាចរណ៍ ហើយមន្ត្រីចរាចរណ៍នោះ ក៏លើកដៃគោរព រហូតដល់ថ្នាក់លុតជង្គង់ នៅចំពោះមុខលោកស័ក្តិ៤ ថែមទៀត។ បន្ទាប់មក លោកស័ក្តិ៤ ក៏លើកជើងធាក់មន្ត្រីចរាចរណ៍តែម្តង បណ្តាលឲ្យដាច់ផ្ងារទៅក្រោយ។ មន្ត្រីចរាចរណ៍ មិនបានតតបទេ ប៉ុន្តែថែមទាំង ក្រោកឈរ ហើយបន្តលើកដៃគោរពលោកស័ក្តិ៤នោះដដែល៕
លោក លី សុផាណា អះអាងថា បន្ទាប់ពីចោទប្រកាន់រួចហើយ ព្រះរាជអាជ្ញា ក៏បញ្ជូនលោក សៅ បញ្ញា ទៅកាន់ចៅក្រមស៊ើបសួរ ដើម្បីចាត់ការបន្ត។
មាត្រា ២១៨ នៃក្រមព្រហ្មទណ្ឌ បានកំណត់ថា អំពើហិង្សាដោយចេតនា ត្រូវផ្តន្ទាទោសដាក់ពន្ធនាគារពី ២ឆ្នាំ ទៅ ៥ឆ្នាំ។ ឯមាត្រា៦១៤នៃក្រមព្រហ្មទណ្ឌ បានកំណត់ថា បទប្រើប្រាស់គ្មានសិទ្ធិនូវសញ្ញាសម្គាល់ ដែលកំណត់ដោយអាជ្ញាធរសាធារណៈ ត្រូវផ្តន្ទាទោសដាក់ពន្ធនាគារពី១ខែ ទៅ១ឆ្នាំ។
ក្រៅពីប្រឈមនឹងបញ្ហាផ្លូវច្បាប់ លោក សៅ បញ្ញា ដែលគេដឹងថាជាមន្ត្រីពាក់ស័ក្តិ៤ ត្រូវរងការរិះគន់យ៉ាងខ្លាំពីសាធារណជន ជាពិសេសអ្នកប្រើប្រាស់បណ្តាញសង្គមហ្វេសប៊ុក។ មកដល់ពេលនេះ ការរិះគន់តាមបណ្តាញសង្គមហ្វេសប៊ុក នៅតែបន្ត និងមានការទាមទារឲ្យដាក់ទោសទណ្ឌមន្ត្រីស័ក្តិ៤រូបនេះ ទៅតាមផ្លូវច្បាប់។
លោក អឿន ចំណាន មន្ត្រីចរាចរណ៍ ដែលរងអំពើហិង្សាពីលោកស័ក្តិ៤ បានចេញមករៀបរាប់ពីដំណើរដើមទង ដែលនាំឲ្យកើតហេតុនេះ។ លោក អឿន ចំណាន បាននិយាយក្នុងវីដេអូឃ្លីបមួយថា ដំបូង លោក បានណែនាំមន្ត្រីស័ក្តិ៤ ដែលបានបើកបរមិនត្រឹមត្រូវតាមច្បាប់ចរាចរណ៍។ មន្ត្រីចរាចរណ៍រូបនេះ បន្តថា ក្រោយមក មន្ត្រីស័ក្តិ៤ ក៏មករករឿងលោកតែម្តង។
ទង្វើរបស់មន្ត្រីស័ក្តិ៤ ដែលបានធ្វើទៅលើមន្ត្រីចរាចរណ៍ ត្រូវបានថតជាប់ដោយកាមេរ៉ាសុវត្ថិភាព។ តាមរយៈវីដេអូឃ្លីប ដែលបង្ហោះលើបណ្តាញសង្គមហ្វេសប៊ុក លោកស័ក្តិ៤ មើលទៅទំនងជាស្តីបន្ទោសមន្ត្រីចរាចរណ៍ ហើយមន្ត្រីចរាចរណ៍នោះ ក៏លើកដៃគោរព រហូតដល់ថ្នាក់លុតជង្គង់ នៅចំពោះមុខលោកស័ក្តិ៤ ថែមទៀត។ បន្ទាប់មក លោកស័ក្តិ៤ ក៏លើកជើងធាក់មន្ត្រីចរាចរណ៍តែម្តង បណ្តាលឲ្យដាច់ផ្ងារទៅក្រោយ។ មន្ត្រីចរាចរណ៍ មិនបានតតបទេ ប៉ុន្តែថែមទាំង ក្រោកឈរ ហើយបន្តលើកដៃគោរពលោកស័ក្តិ៤នោះដដែល៕
Tag:
តុលាការ
មន្ត្រីនគរបាល
ប្រើហិង្សា
© រក្សាសិទ្ធិដោយ thmeythmey.com
