ជាតិ
ជនបរទេស ចំនួន ១៤,០១៨នាក់ ត្រូវបានបញ្ជូនទៅប្រទេសកំណើតវិញ
× អគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានឃាត់ខ្លួន និងបណ្ដេញជនបរទេសចំនួន ២,៣៥៧នាក់ (ស្រី ៤១៧នាក់) មាន៥១សញ្ជាតិ ក្នុងចំណោមនេះជនវៀតណាមមានចំនួន ១,២២០នាក់(ស្រី២៧៩នាក់) ចេញពីកម្ពុជា។ នេះបើតាមការលើកឡើងរបស់ លោក សូ ខនបញ្ញារិទ្ធឹ អគ្គនាយករងអន្តោប្រវេសន៍ ក្នុងពិធីប្រជុំបូកសរុបលទ្ធផលការងារប្រចាំឆ្នាំ២០១៧ និងលើកទិសដៅការងារអនុវត្តបន្តឆ្នាំ២០១៨ កាលពីថ្ងៃទី១០ ខែមករា នេះ។ តាមការផ្សាយគេហទំព័រអគ្គស្នងការដ្ឋាននគរបាលជាតិ ថ្ងៃទី១១ ខែមករា ឆ្នាំ២០១៨។
សូមបញ្ជាក់ថា ចាប់ពីឆ្នាំ២០១៤ ដល់ថ្ងៃទី១៥ ខែធ្នូ ឆ្នាំ២០១៧ អគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានឃាត់ខ្លួន និងបណ្ដេញចេញ ជនបរទេសចំនួន ៨៥សញ្ជាតិ ដែលមានចំនួនសរុប ១៤,០១៨នាក់ (ស្រី២,៣៣៧នាក់) ក្នុងចំនួននេះជនជាតិវៀតណាមច្រើនជាងគេ មានចំនួន ១០,៩០៨នាក់ (ស្រី ២,០២៤នាក់)៕
Tag:
អន្តោប្រវេសន៍
សូ ខនបញ្ញារិទ្ធឹ
© រក្សាសិទ្ធិដោយ thmeythmey.com