ជាតិ
រាជរដ្ឋាភិបាលបើកឱ្យសាធារណជនទស្សនាពិព័រណ៍សមិទ្ធិផលនៃកិច្ចសហប្រតិបត្តិការមេគង្គ-ឡានឆាង
×![]()
ដោយ: សារព័ត៌មានថ្មីៗ
រាជរដ្ឋាភិបាលកម្ពុជា នឹងបើកឱ្យសាធារណជនបានចូលទស្សនាពិព័រណ៍នៃកិច្ចសហប្រតិបត្តិការមេគង្គ-ឡានឆាង លើកទី២ ចាប់ពីថ្ងៃទី១២ ដល់ថ្ងៃទី២០ ខែមករា នៅទីស្តីការគណៈរដ្ឋមន្ត្រី។ បំណងសំខាន់នៃការរៀបចំនេះ ដើម្បីឱ្យសាធារណជន បានយល់កាន់ តែច្បាស់ពីកិច្ចសហប្រតិបត្តិការមួយនេះ។
ទីស្តីការគណៈរដ្ឋមន្ត្រី តាមរយៈលិខិតរបស់ខ្លួនចុះថ្ងៃទី១១ ខែមករា បានបញ្ជាក់ពីពិព័រណ៍ សមិទ្ធិផលនៃកិច្ចសហប្រតិបត្តិការមេគង្គ-ឡានឆាង គោលបំណងដើម្បីឱ្យប្រជាពលរដ្ឋ មន្ត្រីរាជការ សិស្ស និស្សិត យល់កាន់តែច្បាស់ពីកិច្ចសហប្រតិបត្តិការរបស់ប្រទេសទាំង៥។ ទីស្តីការគណៈរដ្ឋមន្ត្រី នឹងបើកឱ្យសាធារណជន ចូលទស្សនាក្នុងពិព័រណ៍នេះ ចាប់ពីថ្ងៃទី១២ ដល់ថ្ងៃទី២០ ខែមករា ចាប់ពីម៉ោង ៨និង៣០នាទីព្រឹក រហូតដល់ម៉ោង ៥និង៣០នាទី រសៀល។
គួររម្លឹកថា កិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាង លើកទី២ ត្រូវបានបើក កាលពីរសៀលថ្ងៃទី១០ ខែមករា នៅវិមានសន្តិភាព នៃទីស្តីការគណៈរដ្ឋមន្ត្រី ដែលមានមេដឹកនាំប្រទេសចំនួន៥ចូលរួម។ កិច្ចប្រជុំនេះ ដឹកនាំដោយលោក លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិន និងសម្តេចនាយកដ្ឋមន្ត្រី ហ៊ុន សែន៕
© រក្សាសិទ្ធិដោយ thmeythmey.com
