ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ជំនួបដើម្បីស្វែងយល់ពីគ្នារវាងអ្នកកាសែត និងអ្នកនាំពាក្យ ត្រូវបានរៀបចំលើកដំបូង
12, Jan 2018 ,
11:31 am
រូបភាព
×
ដោយ:
រួបរួម
សហភាពសហព័ន្ធអ្នកសារព័ត៌មានកម្ពុជា (ស.ស.ស.ក) នាថ្ងៃសុក្រ ទី១២ ខែមករា នេះ រៀបចំជំនួបប្រចាំឆ្នាំលើកដំបូងរវាងអ្នកសារព័ត៌មាន និងអ្នកនាំពាក្យ។ វេទិកាដែលមានអ្នកចូលរួមប្រមាណ៨០នាក់ នេះ ធ្វើឡើងក្នុងគោលបំណងបង្កើនកម្រិតទំនាក់ទំនង ការជឿទុកចិត្តគ្នា រវាងអ្នកសុំព័ត៌មាន និងអ្នកផ្តល់ព័ត៌មាន។
«អ្នកនាំពាក្យ និងអ្នកសារព័ត៌មាន គឺជាដៃគូបំពេញឲ្យគ្នា ពីព្រោះម្ខាងជាអ្នកផ្តល់ខ្លឹមសារ ហើយម្ខាងទៀតជាអ្នកផ្សាយខ្លឹមសារនោះទៅកាន់ប្រជាជន»។ នេះជាការលើកឡើងរបស់លោក ហ៊ុយ វណ្ណៈ ប្រធានសហភាព សហ ព័ន្ធអ្នកសារព័ត៌មានកម្ពុជា (ស.ស.ស.ក) ដោយបន្ថែមថា ខ្លឹមសារព័ត៌មានដែលមិនច្បាស់លាស់ មិនស៊ីជម្រៅ និងមិនបានគ្រប់ជ្រុងជ្រោយ ធ្វើឲ្យពលរដ្ឋមិនមានមូលដ្ឋានត្រឹមត្រូវក្នុងការសម្រេចចិត្ត។
លោក ហ៊ុយ វណ្ណៈ រំពឹងថា «វេទិកាអ្នកសារព័ត៌មាន និងអ្នកនាំពាក្យ» នឹងពង្រឹងទំនាក់ទំនងក្នុងភាពជាដៃគូរវាងម្ចាស់ប្រភពព័ត៌មានទាំងពីរ ដែលជាការលើកកម្ពស់សិទ្ធិទទួលព័ត៌មាន និងការពង្រឹងគុណភាពនៃការផ្សព្វផ្សាយលើគ្រប់វិស័យនៅកម្ពុជា។
«វេទិកាអ្នកសារព័ត៌មាន និងអ្នកនាំពាក្យ» លើកដំបូង ដែលរៀបចំនៅទីស្នាក់ការ ស.ស.ស.ក ផ្ទាល់នេះ មានវត្តមានថ្នាក់នាំសារព័ត៌មាន អ្នកនាំពាក្យ និងភាគីពាក់ព័ន្ធប្រមាណ៨០នាក់។ វេទិកាពេញមួយថ្ងៃនេះ មានបទឧទ្ទេសនាមលើប្រធានសំខាន់ៗចំនួន៣ ដោយប្រធានបទទី១ វាគ្មិនដែលជាសាស្ត្រាចារ្យ តំណាងសារព័ត៌មាន និងតំណាងអ្នកនាំពាក្យ វាយតម្លៃរួមគ្នាលើកម្រិតទំនាក់ទំនងបច្ចុប្បន្នរវាងអ្នកសារព័ត៌មាន និងអ្នកនាំពាក្យ។
សម្រាប់ប្រធានបទទី២ តំណាងសារព័ត៌មាននឹងបង្ហាញពីតម្រូវការរបស់ខ្លួនដែលចង់បានពីអ្នកនាំពាក្យ ហើយប្រធានបទី៣ ផ្តោតទៅលើតម្រូវការរបស់អ្នកនាំពាក្យដែលចង់បានពីអ្នកសារព័ត៌មានវិញ។ ប្រធានបទទាំងពីរចុងក្រោយនេះ ផ្តល់ឱកាសដល់អ្នកសារព័ត៌មាន និងអ្នកនាំពាក្យ លើកឡើងពីការប្រឈមរបស់ខ្លួនទៅវិញទៅមក មុននឹងស្វែងរកដំណោះស្រាយរួមគ្នា។
តាមកម្មវិធី លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន នឹងចូលរួមក្នុងកម្មវិធីបិទវេទិកានេះ ជាមួយនឹងការផ្តល់អនុសាសន៍នានាជុំវិញតម្លៃនៃកិច្ចសហការល្អរវាងអ្នកនាំពាក្យ និងអ្នកសារព័ត៌មាន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អ្នកសារព័ត៌មាន
ហ៊ុយ វណ្ណៈ
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
4 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
5 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
6 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
1 សប្តាហ៍
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
4 ថ្ងៃ
អត្ថបទពេញនិយមបន្ថែម