ជាតិ
×![]()
បាងកក-ថៃ៖ ក្លិបអ្នកកាសែតកម្ពុជា ( Club of Cambodian Journalists) ត្រូវបានប្រកាសឲ្យក្លាយជាសមាជិកនៃសហព័ន្ធអ្នកកាសែតអាស៊ាន (Confederation of Asean Journalists) នារសៀលថ្ងៃទី២៦ខែមករានេះ។ ការបញ្ចូលសមាជិកភាពនៃក្លិបអ្នកកាសែតកម្ពុជា ទៅក្នុងអង្គការតំបន់មួយ ត្រូវបានធ្វើនៅក្នុងមហាសន្និបាតលើកទី១៩ នៃសហព័ន្ធអ្នកកាសែតអាស៊ាននៅក្នុងរាជធានីបាងកក។
ក្លិបអ្នកកាសែតកម្ពុជា (CCJ) បានក្លាយជាសមាជិកទី៨ នៃសហព័ន្ធអ្នកកាសែតអាស៊ាន (CAJ) មុនតំណាងអ្នកកាសែតមកពីប្រទេសប្រ៊ុយណេ និងមីយ៉ាន់ម៉ា។ វត្តមានរបស់ក្លិបអ្នកកាសែតកម្ពុជា នៅក្នុងអង្គការតំបន់អាស៊ានមួយនេះ នឹងធ្វើឲ្យសំឡេងរបស់កម្ពុជាកាន់តែមានតម្លៃ នៅក្នុងវិស័យសារព័ត៌មានក្នុងក្របខណ្ឌតំបន់។
ប្រតិភូក្លិបអ្នកកាសែតកម្ពុជាត្រូវបានដឹកនាំដោយលោក ពុយ គា ដែលជាអគ្គលេខាធិការអមដោយសមាជិកគណៈកម្មាធិការនាយករួមមានលោក លាង ដឺលុច, លោក នៅ សុភ័ស្ស និងលោក ខៀវ កូឡា។
លោក Thepchai Yong ប្រធានសហព័ន្ធអ្នកកាសែតអាស៊ាន (CAJ) បាននិយាយពីតួនាទីដ៏សំខាន់របស់ CCJ ក្នុងការចូលរួមជំរុញវិស័យសារព័ត៌មានក្នុងតំបន់ ជាពិសេសក្នុងក្របខណ្ឌ CAJ ឱ្យកាន់តែមានភាពរឹងមាំ ដើម្បីជាប្រយោជន៍ដល់សហគមន៍អាស៊ានទាំងមូល ។
លោក ពុយ គា បានថ្លែងនៅក្នុងមហាសន្និបាតយ៉ាងដូច្នេះ៖«ជាកិត្តិយសរបស់កម្ពុជា ដែលវិស័យព័ត៌មានរបស់យើង បានចាប់ផ្តើមដើរលើមហាវិថីមួយរបស់តំបន់ ហើយខ្ញុំសង្ឃឹមថា តាមរយៈសហព័ន្ធអ្នកកាសែតអាស៊ាន ដែលមានសមាជិកសរុបជាង៥ម៉ឺននាក់ ផែនទី កម្ពុជា និងប្រទេសកម្ពុជា កាន់តែរីកធំជាងមុន។ ធំក្នុងន័យថា ព័ត៌មានរបស់កម្ពុជា នឹងជ្រៀតចូលទៅក្នុងតំបន់ និងពិភពលោក កាន់តែទូលំទូលាយ ជាពិសេស ព័ត៌មានផ្នែក វប្បធម៌ សិល្បៈ និងទេសចរណ៍»។
ក្លិបអ្នកកាសែតកម្ពុជា ត្រូវបានបង្កើតឡើងក្នុងឆ្នាំ២០០០។ មកដល់ពេលនេះ ក្លិបអ្នកកាសែតកម្ពុជា មានសមាជិកសកម្មប្រមាណ៤០០នាក់។ លោក ប៉ែន បូណា ប្រធានក្លិបអ្នកកាសែតកម្ពុជា ក៏បានចាត់ទុកព្រឹត្តិការណ៍នេះថា ជាជំហានដ៏សំខាន់ ក្នុងការធ្វើសមាហរណកម្មអ្នកសារព័ត៌មានកម្ពុជា ទៅក្នុងតំបន់ និងក្នុងពិភពលោក ដែលនេះជាគោលបំណងរបស់ក្លិបអ្នកកាសែតកម្ពុជាជាយូរមកហើយ។
សហព័ន្ធអ្នកសារព័ត៌មានអាស៊ាន ត្រូវបានបង្កើតឡើងតាំងពីឆ្នាំ១៩៧៥ ដោយសមាគមអ្នកកាសែតមកពី៥ប្រទេស ថៃ ឥណ្ឌូណេស៊ី ហ្វីលីពីន ម៉ាឡេស៊ី និងសឹង្ហបុរី។ សមាគមអ្នកកាសែតវៀតណាម និងឡាវ បានចូលរួមតាមក្រោយ៕
ក្លិបអ្នកកាសែតកម្ពុជា (CCJ) បានក្លាយជាសមាជិកទី៨ នៃសហព័ន្ធអ្នកកាសែតអាស៊ាន (CAJ) មុនតំណាងអ្នកកាសែតមកពីប្រទេសប្រ៊ុយណេ និងមីយ៉ាន់ម៉ា។ វត្តមានរបស់ក្លិបអ្នកកាសែតកម្ពុជា នៅក្នុងអង្គការតំបន់អាស៊ានមួយនេះ នឹងធ្វើឲ្យសំឡេងរបស់កម្ពុជាកាន់តែមានតម្លៃ នៅក្នុងវិស័យសារព័ត៌មានក្នុងក្របខណ្ឌតំបន់។
ប្រតិភូក្លិបអ្នកកាសែតកម្ពុជាត្រូវបានដឹកនាំដោយលោក ពុយ គា ដែលជាអគ្គលេខាធិការអមដោយសមាជិកគណៈកម្មាធិការនាយករួមមានលោក លាង ដឺលុច, លោក នៅ សុភ័ស្ស និងលោក ខៀវ កូឡា។
លោក Thepchai Yong ប្រធានសហព័ន្ធអ្នកកាសែតអាស៊ាន (CAJ) បាននិយាយពីតួនាទីដ៏សំខាន់របស់ CCJ ក្នុងការចូលរួមជំរុញវិស័យសារព័ត៌មានក្នុងតំបន់ ជាពិសេសក្នុងក្របខណ្ឌ CAJ ឱ្យកាន់តែមានភាពរឹងមាំ ដើម្បីជាប្រយោជន៍ដល់សហគមន៍អាស៊ានទាំងមូល ។
លោក ពុយ គា បានថ្លែងនៅក្នុងមហាសន្និបាតយ៉ាងដូច្នេះ៖«ជាកិត្តិយសរបស់កម្ពុជា ដែលវិស័យព័ត៌មានរបស់យើង បានចាប់ផ្តើមដើរលើមហាវិថីមួយរបស់តំបន់ ហើយខ្ញុំសង្ឃឹមថា តាមរយៈសហព័ន្ធអ្នកកាសែតអាស៊ាន ដែលមានសមាជិកសរុបជាង៥ម៉ឺននាក់ ផែនទី កម្ពុជា និងប្រទេសកម្ពុជា កាន់តែរីកធំជាងមុន។ ធំក្នុងន័យថា ព័ត៌មានរបស់កម្ពុជា នឹងជ្រៀតចូលទៅក្នុងតំបន់ និងពិភពលោក កាន់តែទូលំទូលាយ ជាពិសេស ព័ត៌មានផ្នែក វប្បធម៌ សិល្បៈ និងទេសចរណ៍»។
ក្លិបអ្នកកាសែតកម្ពុជា ត្រូវបានបង្កើតឡើងក្នុងឆ្នាំ២០០០។ មកដល់ពេលនេះ ក្លិបអ្នកកាសែតកម្ពុជា មានសមាជិកសកម្មប្រមាណ៤០០នាក់។ លោក ប៉ែន បូណា ប្រធានក្លិបអ្នកកាសែតកម្ពុជា ក៏បានចាត់ទុកព្រឹត្តិការណ៍នេះថា ជាជំហានដ៏សំខាន់ ក្នុងការធ្វើសមាហរណកម្មអ្នកសារព័ត៌មានកម្ពុជា ទៅក្នុងតំបន់ និងក្នុងពិភពលោក ដែលនេះជាគោលបំណងរបស់ក្លិបអ្នកកាសែតកម្ពុជាជាយូរមកហើយ។
សហព័ន្ធអ្នកសារព័ត៌មានអាស៊ាន ត្រូវបានបង្កើតឡើងតាំងពីឆ្នាំ១៩៧៥ ដោយសមាគមអ្នកកាសែតមកពី៥ប្រទេស ថៃ ឥណ្ឌូណេស៊ី ហ្វីលីពីន ម៉ាឡេស៊ី និងសឹង្ហបុរី។ សមាគមអ្នកកាសែតវៀតណាម និងឡាវ បានចូលរួមតាមក្រោយ៕
Tag:
CCJ
CAJ
អ្នកកាសែតអាស៊ាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
