អន្តរជាតិ
ទោះគិតប្រយោជន៍ខ្លួនឯងមុន លោក ត្រាំ ថា អាមេរិកបើកចំហរសម្រាប់ការរកស៊ី
ប្រធានាធិបតី ដូណាល់ ត្រាំ ថ្លែងក្នុងវេទិកាសេដ្ឋកិច្ចពិភពលោក (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ក្នុងវេទិកាសេដ្ឋកិច្ចពិភពលោកលើកទី៤៨ នៅថ្ងៃទី២៦ ខែមករា ប្រធានាធិបតីអាមេរិក ដូណាល់ ត្រាំ បានថ្លែងសុន្ទរកថាការពារនយោបាយគិតផលប្រយោជន៍អាមេរិកមុនគេ «America First» ។ លោក ត្រាំ បានប្រាប់ជំនួបមេដឹកនាំពិភពលោក និងអ្នកជំនួញធំៗថា អាមេរិកលែងបិទភ្នែក ធ្វើមិនដឹងមិនឮនឹងការអនុវត្តពាណិជ្ជកម្មដែលគ្មានយុត្តិធម៌ និងមិនស្មើភាពទៀតហើយ តែអាមេរិកក៏មិនទ្វារទីផ្សាររបស់ខ្លួនដែរ។
លោក ដូណាល់ ត្រាំ ក្លាយជាប្រធានាធិបតិអាមេរិកដំបូងគេក្នុងយៈពេល១៨ឆ្នាំ ដែលថ្លែងសុន្ទរកថាក្នុងវេទិកាសេដ្ឋកិច្ចពិភពលោកនៅទីក្រុងដាវ៉ូស សហព័ន្ធស្វ៊ីស។ ចំពោះមុខអ្នកនយោបាយធំៗ ម្ចាស់ក្រុមហ៊ុនពិភពលោក លោក ត្រាំ បានលើកឡើងពីការមិនពេញចិត្តរបស់លោកចំពោះបរិបទពាណិជ្ជកម្មអន្តរជាតិនាពេលបច្ចុប្បន្ន ដែលអាមេរិកត្រូវខាតបង់ដោយសារការប្រកួតប្រជែងមិនយុត្តិធម៌ និងមិនស្មោះត្រង់។
ក្នុងការថ្លែងលើកដំបូង ដែលគេរង់ចាំស្ដាប់ជាយូរ លោក ត្រាំ ប្រកាសត្រង់ៗថា លោកនឹងជំរុញនយោបាយគិតពីប្រយោជន៍អាមេរិកមុនជារៀងរហូត ហើយអ្វីដែលលោកធ្វើ គឺលោករំពឹងរួចស្រេចហើយថា មេដឹកនាំផ្សេងៗក៏គិតពីប្រយោជន៍ប្រទេសខ្លួនដូចគ្នាដែរ។ ប៉ុន្តែលោកក៏និយាយដែរថា គិតប្រយោជន៍អាមេរិកមុន មិនមែនមានន័យថា អាមេរិកឯកោតែឯងឡើយ។ ពោល គឺពេលអាមេរិកលូតលាស់ ពិភពលោកក៏រីកចម្រើនដែរ។
ឆ្លៀតឱកាសនោះ លោក ត្រាំ ប្រកាសទាមទារឲ្យមានការអនុវត្តច្បាប់តឹងរ៉ឺងក្នុងវិស័យពាណិជ្ជកម្ម។ ដោយមិនបញ្ចេញឈ្មោះ លោកបានចោទប្រទសខ្លះថា បានអនុវត្តច្បាប់មិនយុត្តិធម៌ លួចកម្មសិទ្ធិបញ្ញា និងឧបត្ថម្ភក្រុមហ៊ុនក្នុងស្រុកដើម្បីប្រជែងជាមួយក្រុមហ៊ុនបរទេស។ ចាប់ពីពេលនេះ អាមេរិកនឹងពង្រឹងច្បាប់របស់ខ្លួន និងពង្រឹងសុច្ចរិតភាពក្នុងប្រព័ន្ធពាណិជ្ជកម្ម សំដៅបង្កើតប្រព័ន្ធរកស៊ីមួយដែលផ្ដល់ប្រយោជន៍សម្រាប់ប្រទេសទាំងអស់ មិនមែនអាមេរិកម្នាក់ឡើយ។
«អាមេរិកលែងធ្វើ្វខ្វាក់ចំពោះការសកម្មភាពមិនយុត្តិធម៌ទៀតហើយ។ យើងមិនអាចមានពាណិជ្ជកម្មសេរី និងបើកចំហឡើយ បើមានប្រទេសខ្លះកេងចំណេញលើប្រទេសដទៃទៀតនោះ។» នេះជាការបញ្ជាក់របស់លោក ត្រាំ ។ ចិនទំនងជាប្រទេសដែលលោក ត្រាំ ចង់និយាយសំដៅ តែមិនអាចបញ្ចេញឈ្មោះបាន ព្រោះកន្លងមក លោក ត្រាំ តែងរិះគន់ចិនជារឿយៗលើរឿងពាណិជ្ជកម្មនេះ។
យ៉ាងណាមិញ លោក ត្រាំ ក៏ឆ្លៀតអូសទាញអ្នកជំនួញធំៗដែលកំពុងជួបជុំគ្នានៅទីក្រុងដាវ៉ូស ឲ្យទៅបណ្ដាក់ទុនរកស៊ីនៅអាមេរិក។ លោកបញ្ជាក់ថា សព្វថ្ងៃនេះ គឺជាឱកាសល្អសម្រាប់ការយកលុយ ការងារ និងមុខជំនួញទៅកាន់អាមេរិក ព្រោះអាមេរិកបានបញ្ចុះពន្ធ និងកាត់បន្ថយបញ្ញតិ្តផ្សេងៗដើម្បីសម្រួលអ្នកវិនិយោគ។ បើតាមលោក ត្រាំ ពិភពលោកកំពុងមើលឃើញពីការងើបឡើងវិញ និងភាពខ្លាំងរបស់អាមេរិក៕
លោក ដូណាល់ ត្រាំ ក្លាយជាប្រធានាធិបតិអាមេរិកដំបូងគេក្នុងយៈពេល១៨ឆ្នាំ ដែលថ្លែងសុន្ទរកថាក្នុងវេទិកាសេដ្ឋកិច្ចពិភពលោកនៅទីក្រុងដាវ៉ូស សហព័ន្ធស្វ៊ីស។ ចំពោះមុខអ្នកនយោបាយធំៗ ម្ចាស់ក្រុមហ៊ុនពិភពលោក លោក ត្រាំ បានលើកឡើងពីការមិនពេញចិត្តរបស់លោកចំពោះបរិបទពាណិជ្ជកម្មអន្តរជាតិនាពេលបច្ចុប្បន្ន ដែលអាមេរិកត្រូវខាតបង់ដោយសារការប្រកួតប្រជែងមិនយុត្តិធម៌ និងមិនស្មោះត្រង់។
ក្នុងការថ្លែងលើកដំបូង ដែលគេរង់ចាំស្ដាប់ជាយូរ លោក ត្រាំ ប្រកាសត្រង់ៗថា លោកនឹងជំរុញនយោបាយគិតពីប្រយោជន៍អាមេរិកមុនជារៀងរហូត ហើយអ្វីដែលលោកធ្វើ គឺលោករំពឹងរួចស្រេចហើយថា មេដឹកនាំផ្សេងៗក៏គិតពីប្រយោជន៍ប្រទេសខ្លួនដូចគ្នាដែរ។ ប៉ុន្តែលោកក៏និយាយដែរថា គិតប្រយោជន៍អាមេរិកមុន មិនមែនមានន័យថា អាមេរិកឯកោតែឯងឡើយ។ ពោល គឺពេលអាមេរិកលូតលាស់ ពិភពលោកក៏រីកចម្រើនដែរ។
ឆ្លៀតឱកាសនោះ លោក ត្រាំ ប្រកាសទាមទារឲ្យមានការអនុវត្តច្បាប់តឹងរ៉ឺងក្នុងវិស័យពាណិជ្ជកម្ម។ ដោយមិនបញ្ចេញឈ្មោះ លោកបានចោទប្រទសខ្លះថា បានអនុវត្តច្បាប់មិនយុត្តិធម៌ លួចកម្មសិទ្ធិបញ្ញា និងឧបត្ថម្ភក្រុមហ៊ុនក្នុងស្រុកដើម្បីប្រជែងជាមួយក្រុមហ៊ុនបរទេស។ ចាប់ពីពេលនេះ អាមេរិកនឹងពង្រឹងច្បាប់របស់ខ្លួន និងពង្រឹងសុច្ចរិតភាពក្នុងប្រព័ន្ធពាណិជ្ជកម្ម សំដៅបង្កើតប្រព័ន្ធរកស៊ីមួយដែលផ្ដល់ប្រយោជន៍សម្រាប់ប្រទេសទាំងអស់ មិនមែនអាមេរិកម្នាក់ឡើយ។
«អាមេរិកលែងធ្វើ្វខ្វាក់ចំពោះការសកម្មភាពមិនយុត្តិធម៌ទៀតហើយ។ យើងមិនអាចមានពាណិជ្ជកម្មសេរី និងបើកចំហឡើយ បើមានប្រទេសខ្លះកេងចំណេញលើប្រទេសដទៃទៀតនោះ។» នេះជាការបញ្ជាក់របស់លោក ត្រាំ ។ ចិនទំនងជាប្រទេសដែលលោក ត្រាំ ចង់និយាយសំដៅ តែមិនអាចបញ្ចេញឈ្មោះបាន ព្រោះកន្លងមក លោក ត្រាំ តែងរិះគន់ចិនជារឿយៗលើរឿងពាណិជ្ជកម្មនេះ។
យ៉ាងណាមិញ លោក ត្រាំ ក៏ឆ្លៀតអូសទាញអ្នកជំនួញធំៗដែលកំពុងជួបជុំគ្នានៅទីក្រុងដាវ៉ូស ឲ្យទៅបណ្ដាក់ទុនរកស៊ីនៅអាមេរិក។ លោកបញ្ជាក់ថា សព្វថ្ងៃនេះ គឺជាឱកាសល្អសម្រាប់ការយកលុយ ការងារ និងមុខជំនួញទៅកាន់អាមេរិក ព្រោះអាមេរិកបានបញ្ចុះពន្ធ និងកាត់បន្ថយបញ្ញតិ្តផ្សេងៗដើម្បីសម្រួលអ្នកវិនិយោគ។ បើតាមលោក ត្រាំ ពិភពលោកកំពុងមើលឃើញពីការងើបឡើងវិញ និងភាពខ្លាំងរបស់អាមេរិក៕
Tag:
វេទិកាសេដ្ឋកិច្ចពិភពលោក
អាមេរិក
ដូណាល់ ត្រាំ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
