ពីនេះ ពីនោះ
ព័ត៍មានសុខភាព
គ្រាន់តែធ្វើការងារផ្ទះអាចចាត់ទុកជាការហាត់ប្រាណដែរទេ?
× យោងទៅតាមសេចក្តីរាយការណ៍របស់សារព័ត៌មាន Mirror បានឲ្យដឹងថា ការងារធ្វើក្នុងផ្ទះមិនមែនជាការហាត់ប្រាណឡើយ។ វាគ្រាន់តែជាការបោសសម្អាត និងជូតសម្ទាត ដូច្នេះវាមិនត្រូវបានគេចាត់ទុកថាត្រូវប្រើកម្លាំងធ្ងន់ធ្ងរ ឬខ្លាំងក្លាដើម្បីធ្វើឡើយ ហើយអ្នកដែលយល់បែបនេះច្រើនតែជាមនុស្សធាត់។
រឿងនេះគឺផ្អែកទៅលើការវិភាគមួយនៃទិន្នន័យសង្កេតចេញពីមនុស្សវ័យកណ្តាលក្នុងប្រភេទ Northern Ireland ប្រមាណច្រើនជាង ៤០០០នាក់។ គេបានរកឃើញថា អ្នកដែលនិយាយថា សកម្មភាពបែបធ្វើការក្នុងផ្ទះដូចជា ការងារបោសជូត ឬការថែសួន អាចបង្កើតបានជាផ្នែកដ៏ធំមួយនៃសកម្មភាពរាងកាយបែបកម្រិតមធ្យមទៅខ្លាំងក្លាបាន។
យ៉ាងណាមិញ សម្រាប់អ្នកដែលប្រាប់ថា ធ្វើការងារក្នុងផ្ទះកាន់តែច្រើន មាននិន្នាការធ្វើឲ្យសន្ទស្សន៍ទម្ងន់ធៀបនឹងកម្ពស់ខ្ពស់ជាង អ្នកដែលមិនសូវធ្វើការងារផ្ទះ។ អ្នកស្រាវជ្រាវបានបង្កើតនូវករណីមួយថា មនុស្សយើងប្រហែលជាធ្លាក់ក្នុងការគិតមិនល្អត្រង់ថា សកម្មភាពការងារក្នុងផ្ទះទាំងអស់សុទ្ធតែអាចចាត់ទុកថាជាសកម្មភាពហាត់ប្រាណដែរ។
យ៉ាងណាមិញ ការសិក្សានេះមានដែនកំណត់មួយចំនួនរបស់វាដែរ។ ឧទាហរណ៍ វាវាយតម្លៃទាំងសកម្មភាពផ្លូវកាយ និងសន្ទស្សន៍ទម្ងន់ធៀបនឹងកម្ពស់ ដូច្នេះវាមិនអាចឲ្យយើងនិយាយថា លទ្ធផលដែលគេរកឃើញអាចមានឥទ្ធិពលទៅលើអ្នកផ្សេងៗទៀតបានឡើយ។
សកម្មភាពត្រូវតែធ្វើឲ្យអ្នកហត់ ឬបែកញើសទើបអាចចាត់ទុកថាជាសកម្មភាពរាងកាយបែបកម្រិតមធ្យមទៅខ្លាំងក្លាបាន។ បើសិនជាមិនអាចបែបនេះទេ វាក៏មិនអាចចាត់ទុកថាជាសកម្មភាពរាងកាយដែរ ជាពិសេសការធ្វើវាតិចជាង ១៥០នាទីក្នុងមួយសប្តាហ៍៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com