កីឡាជាតិ
ជាតិ
កីឡាករកម្ពុជាបន្តជាប់ជម្រើសដំបូងនៅម៉ាឡេស៊ី ខណៈ Negeri របស់ឧត្តម បានបីពិន្ទុនៅសប្តាហ៍ទីពីរ
×![]()
មិនខុសពីសប្តាហ៍ទី១ឡើយទាំងកីឡាករ ចាន់ វឌ្ឍនាកា, ប្រាក់ មុន្នីឧត្តម, កែវ សុខផេង និង ធារី ចន្ថាប៊ីន សុទ្ធតែបានបង្ហាញខ្លួនលើទីលានក្នុងសប្តាហ៍ទី២នៃការប្រកួតក្របខណ្ឌលីគកំពូល Malaysia Premier League 2018។ តែក្នុងចំណោមកីឡាករកម្ពុជាទាំងនេះ កែវ សុខផេង ជាកីឡាករកម្ពុជាទី១ដែលរកបានគ្រាប់បាល់ជូនក្រុម។
កីឡាករកម្ពុជា៤រូបដែលទៅប្រកបអាជីពក្នុងក្របខណ្ឌលីគកំពូលម៉ាឡេស៊ីរួមមាន ចាន់ វឌ្ឍនាកា លេងឲ្យ Pahang FA F.C, កែវ សុខផេង PKNP F.C, ប្រាក់ មុន្នីឧត្តម Negeri Sembilan F.C និង ធារី ចន្ថាប៊ីន លេងឲ្យ Terengganu F.C សុទ្ធតែបានបង្ហាញខ្លួនលើទីលានក្នុងក្លិបរៀងៗខ្លួន។ លើសពីនេះ ពួកគេសុទ្ធតែជាប់ជម្រើសដំបូងសម្រាប់ការប្រកួតនេះ។
សម្រាប់ការប្រកួតក្នុងសប្តាហ៍ទី២កាលពីថ្ងៃទី៦ កុម្ភៈ ក្រុម PKNP F.C របស់ខ្សែប្រយុទ្ធ កែវ សុខផេង បានចាញ់ក្រុម Johor Darul Ta’zim F.C ក្នុងលទ្ធផល ៣-០ មុនតទល់ជាមួយក្រុម Kedah F.C នារសៀលថ្ងៃទី១១ កុម្ភៈ នៅកីឡដ្ឋាន Negeri Pulau Pinang Stadium។
ជាមួយគ្នានេះក្រុម Terengganu F.C របស់ ធារី ចន្ថាប៊ីន ក្រោយស្មើ ២-២ ជាមួយ PKNS F.C ក្នុងជំនួបបើឆាក បានបន្តស្មើ ១-១ ជាមួយ Kelantan FA F.C។ ក្រុមនេះត្រូវតទល់ជាមួយក្រុម Selangor F.C នារាត្រីថ្ងៃទី១០ កុម្ភៈ នៅកីឡដ្ឋាន Sultan Ismail Nasiruddin Shah Stadium។
ការប្រកួតនៅកីឡដ្ឋាន Shah Alam Stadium កាលពីថ្ងៃទី៧ កុម្ភៈ ក្រុម Pahang FA F.C របស់ខ្សែប្រយុទ្ធឆ្នើម ចាន់ វឌ្ឍនាកា បន្តមិនស្គាល់ជ័យជម្នះដោយចាញ់ក្រុម PKNS F.C ក្នុងលទ្ធផល ១-០ មុនប្រជែងជាមួយក្រុម Kelantan F.C នារាត្រីថ្ងៃទី១០ កុម្ភៈ នៅកីឡដ្ឋាន Darul Makmur Stadium សម្រាប់សប្តាហ៍ទី៣។
នៅកីឡដ្ឋាន Tuanku Abdul Rahman Stadium ក្រុម Negeri Sembilan F.C របស់ខ្សែបម្រើ ប្រាក់ មុន្នីឧត្តម បានយកឈ្នះក្រុម Kuala Lumpur F.C ក្នុងលទ្ធផល ២-០ មុនតទល់ជាមួយក្រុម Melaka F.C នារាត្រីថ្ងៃទី១១ កុម្ភៈ នៅកីឡដ្ឋាន Hang Jebat Stadium។
ក្រោយឆ្លងកាត់ការប្រកួតពីរសប្តាហ៍ក្រុម Negeri Sembilan F.C របស់កីឡាករ ប្រាក់ មុន្នីឧត្តម ឈរលើគេក្នុងចំណោមក្រុមទាំង៤ដែលកីឡាករកម្ពុជាកំពុងប្រកបអាជីព។ ក្នុងនោះក្រុម មុន្នីឧត្តម ឈរលេខរៀងទី៥ដោយមាន៣ពិន្ទុ រីឯក្រុមរបស់ សុខផេង ឈរលេខ៧ដោយមាន៣ពិន្ទុដូចគ្នា។ ចំណែកក្រុម ធារី ចន្ថាប៊ីន ឈរលេខរៀងទី៨ដោយមាន២ពិន្ទុ ខណៈក្រុម ចាន់ វឌ្ឍនាកា ឈរលេខរៀងទី១០ដោយមាន១ពិន្ទុ។
ក្នុងចំណោមកីឡាករកម្ពុជាទាំង៤រូប មានតែខ្សែប្រយុទ្ធ កែវ សុខផេង ម្នាក់ប៉ុណ្ណោះ ដែលបានសាងកំណត់ត្រាក្នុងក្របខណ្ឌលីគកំពូលម៉ាឡេស៊ី តាមរយៈរកគ្រាប់បាល់ជ័យជម្នះ ១-០ សម្រាប់ PKNP F.C ក្នុងជំនួបបើកឆាក។ ប៉ុន្តែកីឡាករ ចាន់ វឌ្ឍនាកា ទោះបីមិនអាចរកគ្រាប់ជូនក្រុម តែរូបគេបានដើរយ៉ាងសំខាន់ក្នុងក្រុម តាមរយៈបញ្ជូនបាល់ល្អៗឲ្យមិត្តរួមក្រុម ការទាត់បាល់ពិន័យ និងការតាមបិទពីគូប្រជែងជាដើម៕
កីឡាករកម្ពុជា៤រូបដែលទៅប្រកបអាជីពក្នុងក្របខណ្ឌលីគកំពូលម៉ាឡេស៊ីរួមមាន ចាន់ វឌ្ឍនាកា លេងឲ្យ Pahang FA F.C, កែវ សុខផេង PKNP F.C, ប្រាក់ មុន្នីឧត្តម Negeri Sembilan F.C និង ធារី ចន្ថាប៊ីន លេងឲ្យ Terengganu F.C សុទ្ធតែបានបង្ហាញខ្លួនលើទីលានក្នុងក្លិបរៀងៗខ្លួន។ លើសពីនេះ ពួកគេសុទ្ធតែជាប់ជម្រើសដំបូងសម្រាប់ការប្រកួតនេះ។
សម្រាប់ការប្រកួតក្នុងសប្តាហ៍ទី២កាលពីថ្ងៃទី៦ កុម្ភៈ ក្រុម PKNP F.C របស់ខ្សែប្រយុទ្ធ កែវ សុខផេង បានចាញ់ក្រុម Johor Darul Ta’zim F.C ក្នុងលទ្ធផល ៣-០ មុនតទល់ជាមួយក្រុម Kedah F.C នារសៀលថ្ងៃទី១១ កុម្ភៈ នៅកីឡដ្ឋាន Negeri Pulau Pinang Stadium។
ជាមួយគ្នានេះក្រុម Terengganu F.C របស់ ធារី ចន្ថាប៊ីន ក្រោយស្មើ ២-២ ជាមួយ PKNS F.C ក្នុងជំនួបបើឆាក បានបន្តស្មើ ១-១ ជាមួយ Kelantan FA F.C។ ក្រុមនេះត្រូវតទល់ជាមួយក្រុម Selangor F.C នារាត្រីថ្ងៃទី១០ កុម្ភៈ នៅកីឡដ្ឋាន Sultan Ismail Nasiruddin Shah Stadium។
ការប្រកួតនៅកីឡដ្ឋាន Shah Alam Stadium កាលពីថ្ងៃទី៧ កុម្ភៈ ក្រុម Pahang FA F.C របស់ខ្សែប្រយុទ្ធឆ្នើម ចាន់ វឌ្ឍនាកា បន្តមិនស្គាល់ជ័យជម្នះដោយចាញ់ក្រុម PKNS F.C ក្នុងលទ្ធផល ១-០ មុនប្រជែងជាមួយក្រុម Kelantan F.C នារាត្រីថ្ងៃទី១០ កុម្ភៈ នៅកីឡដ្ឋាន Darul Makmur Stadium សម្រាប់សប្តាហ៍ទី៣។
នៅកីឡដ្ឋាន Tuanku Abdul Rahman Stadium ក្រុម Negeri Sembilan F.C របស់ខ្សែបម្រើ ប្រាក់ មុន្នីឧត្តម បានយកឈ្នះក្រុម Kuala Lumpur F.C ក្នុងលទ្ធផល ២-០ មុនតទល់ជាមួយក្រុម Melaka F.C នារាត្រីថ្ងៃទី១១ កុម្ភៈ នៅកីឡដ្ឋាន Hang Jebat Stadium។
ក្រោយឆ្លងកាត់ការប្រកួតពីរសប្តាហ៍ក្រុម Negeri Sembilan F.C របស់កីឡាករ ប្រាក់ មុន្នីឧត្តម ឈរលើគេក្នុងចំណោមក្រុមទាំង៤ដែលកីឡាករកម្ពុជាកំពុងប្រកបអាជីព។ ក្នុងនោះក្រុម មុន្នីឧត្តម ឈរលេខរៀងទី៥ដោយមាន៣ពិន្ទុ រីឯក្រុមរបស់ សុខផេង ឈរលេខ៧ដោយមាន៣ពិន្ទុដូចគ្នា។ ចំណែកក្រុម ធារី ចន្ថាប៊ីន ឈរលេខរៀងទី៨ដោយមាន២ពិន្ទុ ខណៈក្រុម ចាន់ វឌ្ឍនាកា ឈរលេខរៀងទី១០ដោយមាន១ពិន្ទុ។
ក្នុងចំណោមកីឡាករកម្ពុជាទាំង៤រូប មានតែខ្សែប្រយុទ្ធ កែវ សុខផេង ម្នាក់ប៉ុណ្ណោះ ដែលបានសាងកំណត់ត្រាក្នុងក្របខណ្ឌលីគកំពូលម៉ាឡេស៊ី តាមរយៈរកគ្រាប់បាល់ជ័យជម្នះ ១-០ សម្រាប់ PKNP F.C ក្នុងជំនួបបើកឆាក។ ប៉ុន្តែកីឡាករ ចាន់ វឌ្ឍនាកា ទោះបីមិនអាចរកគ្រាប់ជូនក្រុម តែរូបគេបានដើរយ៉ាងសំខាន់ក្នុងក្រុម តាមរយៈបញ្ជូនបាល់ល្អៗឲ្យមិត្តរួមក្រុម ការទាត់បាល់ពិន័យ និងការតាមបិទពីគូប្រជែងជាដើម៕
Tag:
បាល់ទាត់
Malaysia Premier League 2018
© រក្សាសិទ្ធិដោយ thmeythmey.com
