ជាតិ
ក្រសួងអប់រំ ឲ្យគ្រឹះស្ថានសិក្សាទាំងអស់ជួយទប់ស្កាត់ភាពមិនប្រក្រតី នៅថ្ងៃ១៤ កុម្ភៈ
×![]()
ភ្នំពេញ៖ ក្រសួងអប់រំ បានចេញសេចក្តីណែនាំមួយ ប្រាប់ដល់គ្រឹះស្ថានសិក្សារដ្ឋ និងឯកជនទាំងអស់ ឲ្យផ្សព្វផ្សាយតាមគ្រប់មធ្យោបាយ ពីអត្ថន័យបុណ្យនៃក្ដីស្រឡាញ់ ថ្ងៃទី១៤ កុម្ភៈ ដល់សិស្សានុសិស្សរបស់ខ្លួន។
ការណែនាំនេះ ធ្វើឡើងដោយសារតែក្រសួងអប់រំសង្កេតឃើញថា សិស្សានុសិស្សមួយចំនួនយល់ច្រឡំថា ថ្ងៃទី១៤ កុម្ភៈ គឺជាថ្ងៃបុណ្យសង្សារ ឬជាថ្ងៃណាត់ជួបគូស្នេហ៍ ហើយប៉ុន្មានឆ្នាំចុងក្រោយ ទិវានេះបានធ្វើឲ្យយុវវ័យខ្លះភ្លើតភ្លើនភ្លេចការសិក្សា បាត់បង់កិត្តិយស និងសេចក្ដីថ្លៃថ្នូររបស់ខ្លួន ដោយប្រាសចាកវប្បធម៌ និងប្រពៃណីជាតិ។
ក្រៅតែពីការពន្យល់ពីអត្ថន័យថ្ងៃ ១៤ កុម្ភៈ ក្រសួងអប់រំក៏ណែនាំគ្រឹះស្ថានអប់រំទាំងអស់ ឲ្យអនុវត្តបទបញ្ជាផ្ទៃក្នុងឲ្យបានម៉ឺងម៉ាត់ ពិសេសការគ្រប់គ្រងសីលធម៌ វិន័យ និងតាមដានអវត្តមានសិស្ស។ គ្រឹះស្ថានអប់រំ ត្រូវជំរុញដំណើររបស់ក្រុមប្រឹក្សាយុវជន ក្រុមប្រឹក្សាកុមារប្រចាំសាលា ដោយអនុវត្តសកម្មភាព «មិត្តអប់រំមិត្ត»។ បើតាសេចក្តីណែនាំរបស់ក្រសួងអប់រំ ដោយបន្តទៀតថា គ្រប់គ្រឹះស្ថានអប់រំ ក៏ត្រូវមានទំនាក់ទំនងជិតស្និទ្ធជាមួយមាតាបិតាសិស្ស ដើម្បីសហការគ្នាអប់រំ ណែនាំ និងកែលម្អសិស្ស៕
Tag:
ក្រសួងអប់រំ
បុណ្យនៃក្ដីស្រឡាញ់
© រក្សាសិទ្ធិដោយ thmeythmey.com
