ជាតិ
ឆេះផ្សារសែនមនោរម្យ៖ មនុស្ស២នាក់ស្លាប់ និង៣នាក់របួសធ្ងន់ ឆេះផ្សារសែនមនោរម្យ រូបភាពពីអគ្គស្នងការនគរបាលជាតិ
× ភ្នំពេញ៖ មនុស្ស២នាក់បានស្លាប់ និង៣នាក់ រងរបួសធ្ងន់ នៅក្នុងពេលឆេះផ្សារ សែនមនោរម្យ ក្នុងខេត្តមណ្ឌលគិរី កាលពីម៉ោង២រំលងអធ្រាត្រ ថ្ងៃទី១០ ខែកុម្ភៈ។ លោក ស្វាយ សំអ៊ាង អភិបាលខេត្ត មិនទាន់អាចបញ្ជាក់ពីមូលហេតុនៃការឆាប់ឆេះឡើយ ដោយបញ្ជាក់ដូច្នេះ៖«អាជ្ញាធរមិនទាន់សន្និដ្ឋានបានទេ មន្ត្រីជំនាញកំពុងស្រាវជ្រាវបន្ថែម»។
អភិបាលខេត្តមណ្ឌលគិរី បញ្ជាក់ប្រាប់សារព័ត៌មានថ្មីៗទៀតថា នេះជាលើកទី១ ដែលខេត្តមណ្ឌលគិរី ជួបហេតុការណ៍អគ្គិភ័យខ្លាំង រហូតមានមនុស្សស្លាប់ និងត្រូវប្រើឡានទឹកជាង១០០គ្រឿងបែបនេះ។ តាមអភិបាលខេត្តដដែល ភ្លើងបានរលត់ទៅវិញនៅម៉ោងប្រមាណ ៧ព្រឹក ហើយផ្ទះ និងតូប ជិត២០០ បានខូចខាត៕
Tag:
ឆេះផ្សារ
សែនមនោរម្យ
មណ្ឌលគិរី
© រក្សាសិទ្ធិដោយ thmeythmey.com