មានអ្នកអង្កេតការណ៍ជិត៥រយនាក់ ដែលឃ្លាំមើលការបោះឆ្នោតព្រឹទ្ធសភា នៅថ្ងៃនេះ

ជាតិ

នយោបាយជាតិ

មានអ្នកអង្កេតការណ៍ជិត៥រយនាក់ ដែលឃ្លាំមើលការបោះឆ្នោតព្រឹទ្ធសភា នៅថ្ងៃនេះ

25, Feb 2018 , 10:32 am

រូបភាព

ដោយ: ប៉ូ សាគុន

ភ្នំពេញ៖ អ្នកសង្កេតការណ៍ពេញសិទ្ធិ មានចំនួន៤៦២នាក់ ដែលចូលតាមដានការបោះឆ្នោតជ្រើសតាំងសមាជិកព្រឹទ្ធសភានីតិកាលទី៤ ដែលកំពុងដំណើរនៅថ្ងៃទី២៥ ខែកុម្ភៈ ឆ្នាំ២0១៨នេះ។ សេចក្តីប្រកាសព័ត៌មានរបស់គណៈគណកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា អ្នកសង្កេតទាំងនោះ មកពីអង្គការជាតិ៣៧២នាក់ និងមកពីគណបក្សនយោបាយ៨៣នាក់។ លោក សោម សូរីដា អគ្គលេខាធិការរងរបស់គ.ជ.ប បន្ថែមថា ឯអង្កេតការណ៍៧នាក់ទៀត មកពីស្ថានទូតជប៉ុន និងស្ថានទូតម៉ាឡេស៊ី។

អង្គការជាតិ ដែលដាក់អ្នកអង្កេតការណ៍ មានចំនួន១២ ដូចជា សហភាពសហព័ន្ធយុវជនកម្ពុជា, សមាគមសហព័ន្ធនិស្សិត បញ្ញាវ័ន្ត ប្រជាធិបតេយ្យកម្ពុជា, សមាគមពាណិជ្ជករវ័យក្មេងកម្ពុជា និងសមាគមគ្រឹះស្ថានឧត្តមសិក្សាកម្ពុជា ជាដើម។ ឯគណបក្ស ដែលដាក់អ្នកសង្កេតការណ៍ គឺគណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សខ្មែររួបរួមជាតិ និងគណបក្សយុវជនកម្ពុជា។ គណបក្សទាំង៤នេះហើយ ដែលចូលរួមប្រកួតប្រជែងក្នុងការបោះឆ្នោតជ្រើសតាំងសមាជិកព្រឹទ្ធសភា៕