កុមារាម្នាក់នៅចិនបាញ់នោមដាក់ជណ្តើរយន្ត បណ្តាលឲ្យដាច់ចរន្ត និងគាំង

ប្លែកៗ

អន្តរជាតិ

កុមារាម្នាក់នៅចិនបាញ់នោមដាក់ជណ្តើរយន្ត បណ្តាលឲ្យដាច់ចរន្ត និងគាំង

03, Mar 2018 , 9:30 pm

រូបភាព

ដោយ: ធីតា

កុមារាវ័យជាង១០ម្នាក់ កំពុងតែល្បីល្បាញនៅលើបណ្តាញសង្គម Weibo និងបណ្តាញសង្គមផ្សេងៗទៀតនៅប្រទេសចិន តាំងពីថ្ងៃទី២៣ ខែកុម្ភៈ មកម្ល៉េះ ប៉ុន្តែភាពល្បីល្បាញនេះ មិនមែនជាគំរូសម្រាប់ក្មេងដទៃទៀតនោះឡើយ។

តាមរយៈឃ្លីបវីដេអូដែលថតដោយកាមេរាសុវត្ថិភាពក្នុងអគារមួយនៃខេត្ត Chongqing ប្រទេសចិន កុមាររូបនោះ បានបាញ់នោមដាក់លើប៊ូតុងក្នុងជណ្តើរយន្ត។ ភ្លាមនោះ ជណ្តើរយន្តចេញផ្សែង បន្ទាប់មកទ្វារលែងដំណើរការ បើទោះបីជាក្មេងប្រុសរូបនោះ ប្រឹងចុចបើកយ៉ាងណាក៏ដោយ។ បន្ថែមពីលើនោះទៀត ភ្លើងក្នុងជណ្តើរយន្តបានរលត់ ដែលធ្វើក្មេងប្រុស កាន់តែភ័យខ្លាច។

ទោះបីជាយ៉ាងណាក៏ដោយ បើតាមការផ្សាយរបស់សារព័ត៌មាននានារបស់ចិន កុមារារូបនោះ ត្រូវជួយសង្គ្រោះទាន់ពេលវេលាដោយក្រុមសន្តិសុខក្នុងអាគារ។ រឿងរ៉ាវត្រូវយកធ្វើជាគំរូ និងជាការព្រមានសម្រាប់កុមារ ហើយឪពុកម្តាយក៏ទទួលរងនូវការស្តីបន្ទោសផងដែរ ចំពោះការបណ្តោយឲ្យក្មេងតូចនៅជណ្តើរយន្តតែម្នាក់ឯង៕