កីឡាអន្តរជាតិ
អន្តរជាតិ
F1៖ Hamilton នៃក្រុម Mercedes អះអាងថា រថយន្តម៉ូដែលថ្មីខ្លួន មានល្បឿនលឿន Lewis Hamilton (ស្តាំ) និង Valtteri Bottas (ឆ្វេង) នាពិធីបង្ហាញរថយន្ត Mercedes-AMG F1 W09 EQ Power+ ឆ្នាំ២០១៨ ។ រូបថត AFP
× កីឡាករចក្រភពអង់គ្លេស Lewis Hamilton នៃក្រុម Mercedes AMG Petronas បានអះអាងថា Mercedes Formula ១ ម៉ូដែលឆ្នាំ២០១៨ (Mercedes-AMG F1 W09 EQ Power+) មានល្បឿនលឿងជាងរថយន្តដែលគេបានជិះកាលពីឆ្នាំមុនៗ ។ កីឡាករវ័យ៣៣ឆ្នាំរូបនេះ បានទៅដល់ទីមុនគេនាការប្រកួតសាកល្បងដើមរដូវកាលនៅក្រុងបាសេឡូណា ប្រទេសអេស្ប៉ាញ។
ម្ចាស់ជើងឯកកីឡាប្រណាំងរថយន្ត Formula One ពិភពលោក Lewis Hamilton បានប្រើថិរវេលា ១នាទី និង១៩.៣៣៣វិនាទី កាលពីដើមខែមីនា កន្លងមក នាការប្រកួតសាកល្បងថ្ងៃចុងក្រោយនៃព្រឹត្តិការណ៍ Formula One ឬកាំជ្រួចលើដីរាបនៅទីលាន Circuit de Catalynya ក្រុងបាសេឡូណា។
Hamilton ដែលគ្រប់គ្រងតំណែងជើងឯកពិភពលោក៤សម័យកាល បានអះអាងថា រថយន្ត Mercedes F១ ឆ្នាំ២០១៨ មានល្បឿនលឿនជាងរថយន្តដែលខ្លួនបានបើក កាលពីឆ្នាំមុនៗ ។ នេះបើតាមការផ្សាយរបស់សារព័ត៌មានកីឡា AutoSport។
នាការប្រកួតសាកល្បងថ្ងៃដំបូង កីឡាករអង់គ្លេសរូបនេះ ធ្វើបានសម្រេចតែ២៥ជុំប៉ុណ្ណោះ ព្រោះអាកាសធាតុមិនអំណោយផល ដោយសារព្រិល និងភ្លៀងធ្លាក់ខ្លាំង។ មួយសប្តាហ៍នៃការប្រកួតសាកល្បង Hamilton ធ្វើសម្រេចបាន៩៤ជុំ ដោយនៅជុំទី៦៩ គេរកសម្រេចបានល្បឿនដ៏លឿនបំផុត ជាមួយថិរវេលា ១នាទី និង១៩.៣៣៣វិនាទី។
«ពិតជាមានការវិវត្តន៍ជាងរថយន្តកាលពីឆ្នាំមុន យើងមានសំបកកង់យ៉ាងមាំទាំ ដែលធ្វើឲ្យការបើកបរដំណើរការទៅប្រសើរ»។ នេះជាការលើកឡើងរបស់ Hamilton ជាមួយនឹងក្តីរំពឹងវិជ្ជមានសម្រាប់ការប្រកួតដណ្តើមជើងឯកពិភពលោកនាថ្ងៃទី២៥ ខែមីនា ខាងមុខ ដោយចាប់ផ្តើមពី Australian Grand Prix។
លទ្ធផលនៃការបើកបរសាកល្បងដើមរដូវកាលនៅទីលាន Circuit de Catalynya ក្រុងបាសេឡូណា៖
១. Lewis Hamilton (អង់គ្លេស) Mercedes ១:១៩.៣៣៣
២. Stoffel Vandoorne (បែលហ្ស៊ិក) McLaren-Renault ១:១៩.៨៥៤
៣. Sebastian Vettel (អាល្លឺម៉ង់) Ferrari ១:២០.២៤១
៤. Kevin Magnussen (ដាណឺម៉ាក) Haas-Ferrari ១:២០.៣១៧
៥. Fernando Alonso (អេស្ប៉ាញ) McLaren-Renault ១:២០.៩២៩
៦. Carlos Sainz (អេស្ប៉ាញ) Renault ១:២០.៩៤០
៧. Lance Stroll (កាណាដា) William-Mercedes ១:២១.១៤២
៨. Sergio Perez (ម៉ិកស៊ិក) Force India-Mercedes ១:២១.៩៧៣
៩. Max Verstappen (ហូឡង់) Red Bull-Renault ១:២២.០៥៨
១០. Pierre Gasly (បារាំង) Toro Rosso-Honda ១:២២.១៣៤
១១. Nico Hulkenberg (អាល្លឺម៉ង់) Renault ១:២២.៥០៧
១២. Valtteri Bottas (ហ្វាំងឡង់) Mercedes ១:២២.៧៨៩
១៣. Charles Leclerc (ម៉ូណាកូ) Sauber-Ferrari ១:២២.៨០៨
១៤. Marcus Ericsson (ស៊ុយអែត) Sauber-Ferrari ១:២៣.៨២៥
១៥. Sergey Sirotkin (រុស្ស៊ី) Williams-Mercedes ១:៣១.៩៧៩ ៕
Tag:
Formula One
Lewis Hamilton
© រក្សាសិទ្ធិដោយ thmeythmey.com