ច្បាប់ផ្តន្ទាទោសអ្នកប្រមាថព្រះមហាក្សត្រ ត្រូវបានដាក់ឲ្យអនុវត្តជាផ្លូវការហើយ

ជាតិ

ច្បាប់ផ្តន្ទាទោសអ្នកប្រមាថព្រះមហាក្សត្រ ត្រូវបានដាក់ឲ្យអនុវត្តជាផ្លូវការហើយ

06, Mar 2018 , 3:00 pm

រូបភាព

ដោយ: ថ្មីៗ

ពីថ្ងៃនេះទៅ បុគ្គលណាក៏ដោយ ឲ្យតែរកឃើញថាបានប្រមាថព្រះមហាក្សត្រនៃប្រទេសកម្ពុជា នឹងត្រូវទទួលទោស តាមមាត្រា៤៣៧ (ស្ទួន) នៃក្រមព្រហ្មទណ្ឌ។ មាត្រាថ្មីនេះ បានក្លាយជាច្បាប់ពេញលក្ខណៈនិងបានចូលជាធរមានហើយ បន្ទាប់ពីសម្តេច សាយ ឈុំ ប្រធានព្រឹទ្ធសភាចាំផ្ទះ ដែលកំពុងទទួលរាជានុសិទ្ធិជាប្រមុខរដ្ឋស្តីទី បានចុះហត្ថលេខា លើព្រះរាជក្រម ដើម្បីប្រកាសឲ្យប្រើប្រាស់ កាលពីថ្ងៃទី២៧ ខែកុម្ភៈ ឆ្នាំ២0១៨។

មាត្រា៤៣៧ (ស្ទួន) នៃក្រមព្រហ្មទណ្ឌ ដែលទើបនឹងត្រូវបានតាក់តែងឡើង បានកំណត់ទោសយ៉ាងដូច្នេះថា៖«បុគ្គលណា ដែលប្រមាថព្រះមហាក្សត្រ នឹងត្រូវផ្តន្ទាទោសឲ្យជាប់ពន្ធនាគារពី ១ ទៅ ៥ឆ្នាំ និងពិន័យជាប្រាក់ពី ២លានរៀល ទៅ១០លានរៀល។ ឯនីតីបុគ្គល ដែលសំដៅលើអង្គភាព ស្ថាប័ន អង្គការ ឬក្រុមហ៊ុន ជាដើម អាចនឹងត្រូវពិន័យជាប្រាក់ពី ១០លានរៀល ទៅ៥០លានរៀល ព្រមទាំងទោសផ្សេងៗទៀត ក្នុងករណីប្រមាថព្រះមហាក្សត្រ»។

តាមន័យច្បាប់ ការប្រមាថ គឺសំដៅលើសកម្មភាពរបស់បុគ្គលណាមួយ ដែលបានប្រព្រឹត្តដោយវាចា កាយវិការ សំណេរ គំនូរ ឬវត្ថុ ដែលបង្កឲ្យប៉ះពាល់ដល់សេចក្តីថ្លៃថ្នូររបស់អ្នកដទៃ៕

អត្ថបទទាក់ទង

នីតិបុគ្គល ដែលប្រមាថព្រះមហាក្សត្រ អាចនឹងត្រូវរំលាយចោល

អ្នកប្រមាថព្រះមហាក្សត្រ នឹងត្រូវជាប់ពន្ធនាគារពី ១ ទៅ ៥ឆ្នាំ