ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
៤៦ ស្ថាប័នអប់រំមកពីប្រទេសអូស្ត្រាលី នឹងមកដល់ប្រទេសកម្ពុជាដើម្បីជួបជាមួយសិស្សនិស្សិត និងអាណាព្យាបាល
09, Mar 2018 ,
11:14 am
រូបភាព
×
ដោយ:
ជី ដាណា
នៅថ្ងៃទី ១៥ ខែមីនា ឆ្នាំ២០១៨ ខាងមុខនេះ អ្នកតំណាងមកពីស្ថាប័នអប់រំ ៤៦ មកពីប្រទេសអូស្ត្រាលីនឹងធ្វើដំណើរមកក្រុងភ្នំពេញ ដើម្បីផ្តល់យោបល់ និងការណែនាំជូនដល់សិស្ស និស្សិត និង អាណាព្យាបាល អំពីជម្រើសសិក្សានៅប្រទេសអូស្ត្រាលីនៅឯពិព័រណ៍កម្មវិធីប្រឹក្សាពីឱកាសសិក្សានៅអូស្ត្រាលី ដែលត្រូវបានរៀបចំជារៀងរាល់ឆ្នាំដោយ IDP Education។ IDP Education មានបទពិសោធន៍ជាង ៤៨ ឆ្នាំជាអ្នកឯកទេសផ្នែកអប់រំអន្តរជាតិនៅជុំវិញពិភពលោក និងប្រតិបត្ដិការនៅកម្ពុជាអស់រយៈពេលជាង ២៦ ឆ្នាំមកហើយ។
ពិព័រណ៍ការសិក្សានេះ ត្រូវបានធ្វើឡើងដើម្បីផ្តល់ជាវេទិកាដ៏ល្អបំផុត សម្រាប់ សិស្ស និស្សិត និង អាណាព្យាបាល ធ្វើការជួបផ្ទាល់ជាមួយ សាលា សាកលវិទ្យាល័យ និង ស្ថាប័នអប់រំល្បីៗមកពីទូទាំងអូស្ត្រាលី។ហើយអាចផ្តល់ការណែនាំអំពីជម្រើសសិក្សា តម្លៃសិក្សា តម្លៃការរស់នៅ និងដំណើរការដាក់ពាក្យសុំទិដ្ឋាការនៅប្រទេសអូស្ត្រាលី។ ស្ថាប័នអប់រំ របស់ប្រទេសអូស្ត្រាលីទាំងនេះនឹង ធ្វើបទបង្ហាញពីជម្រើសសិក្សានានាចាប់ពីថ្នាក់ វិទ្យាល័យ ថ្នាក់បចេ្ចកទេស ឧត្តមសិក្សា និង ថ្នាក់ក្រោយឧត្តមសិក្សាផងដែរ។
អូស្ត្រាលីបានក្លាយជាជម្រើសដ៏ពេញនិយមមួយសម្រាប់អ្នកចង់ទៅបន្តការសិក្សានៅបរទេស ដោយសារមានសិស្សនិស្សិតកម្ពុជារាប់រយនាក់ ជ្រើសទៅសិក្សានៅទីនោះ ជារៀងរាល់ឆ្នាំ។ អគ្គនាយកប្រចាំប្រទេសកម្ពុជារបស់ស្ថាប័ន IDP/ACE លោក ម៉ៅ ស្រេង បានមានប្រសាសន៍ថា៖ " ដំណើរការសមាហ័រណកម្មអាស៊ាន និង សេដ្ឋកិច្ចបែបទំនើប គឺពឹងផ្អែកលើការអប់រំដែលមានគុណភាព និងមានលក្ខណៈទូលំទូលាយជាលក្ខណះអន្តរជាតិ ហើយដែលជាទ្រព្យដ៏មានសារៈសំខាន់មួយសម្រាប់សិស្សនិស្សិតកម្ពុជាក្នុងការប្រកួតប្រជែងក្នុងទីផ្សារការងារ"។ លោកក៏បានបន្តទៀតថា៖ "ដោយហេតុផលនេះហើយ បច្ចុប្បន្នមាន សិស្សនិស្សិតកម្ពុជាកាន់តែច្រើនឡើងៗ បានពិចារណាយកការបន្តការសិក្សានៅក្រៅប្រទេស ជាជម្រើស នៅក្នុងផែនការសិក្សាអប់រំរបស់ខ្លួន ដើម្បីប្រកួតប្រជែងសម្រាប់ការងារដែលគេប្រាថ្នា"។
បន្ថែមទៀតនោះក៏មានវត្តមានរបស់មន្ត្រីស្ថានទូតអូស្ត្រាលីប្រចាំនៅប្រទេសកម្ពុជាផ្នែក ទិដ្ឋាការ ក៏នឹងចូលរួមពិព័ណ៍ការសិក្សានេះផងដែរ។ លោក Cuong Vu មន្ត្រីអន្តោប្រវេសន៍ជាន់ខ្ពស់នៃស្ថានទូតអូស្ត្រាលីប្រចាំនៅប្រទេសកម្ពុជា មានប្រសាសន៍ថា៖ "អូស្ត្រាលីនៅតែជាទិសដៅនៃជម្រើសសម្រាប់និស្សិតអន្ដរជាតិ ហើយការអប់រំអន្ដរជាតិគឺជាផ្នែកសំខាន់នៃសេដ្ឋកិច្ចអូស្ត្រាលី។
ក្រសួងមហាផ្ទៃ បានប្តេជ្ញាគាំទ្រដល់ឧស្សាហកម្មដ៏សំខាន់នេះខណៈដែលយើងនៅតែធានារក្សាទុកភាពត្រឹមត្រូវក្នុងការសុំទិដ្ឋាការ។
ដោយឡែក មជ្ឈមណ្ឌលអូស្រា្តលីសម្រាប់ការបណ្តុះបណ្តាល (ACE) ក៏នឹងមានវត្តមានក្នុងកម្មវិធីនេះ ដើម្បីផ្តល់នូវព័ត៌មានទាក់ទងនឹងការសិក្សាភាសាអង់គ្លេស ដើម្បីត្រៀមខ្លួនបំពេញលក្ខខណ្ឌតម្រូវរបស់ស្ថាប័នអប់រំអូស្ត្រាលី។ មន្ត្រីមណ្ឌលប្រលង IELTS ប្រចាំប្រទេសកម្ពុជា ក៏នឹងត្រៀមខ្លួន ផ្តល់ ប្រឹក្សាពី ការចុះឈ្មោះប្រលង និងការត្រៀមប្រលង IELTS។
ប្រធានផ្នែកទំនាក់ទំនងសិស្ស និស្សិតទៅសិក្សានៅក្រៅប្រទេស លោក ឈាង វ៉ាន់តាក់ បានមានប្រសាសន៌ថា៖ "កម្មវិធីប្រឹក្សាពីឱកាសសិក្សានៅអូស្ត្រាលី នឹងអនុញ្ញាតឱ្យនិស្សិតធ្វើដំណើរទៅប្រទេសអូស្ត្រាលី និយាយជាមួយស្ថាប័ននានាពីវិស័យផ្សេងៗគ្នានៃការអប់រំនិងជួយពួកគេឱ្យពិចារណាថាតើកម្រិតនិងមុខវិជ្ជាណាដែលត្រឹមត្រូវសម្រាប់ខ្លួនឯង" ។ លោកបានបន្ថែមទៀតថា៖ "សេវាកម្មរបស់ពួកយើង មិនគ្រាន់តែផ្តល់ការរៀបចំឯកសារ និងទិដ្ឋាការប៉ុណ្ណោះទេ ពួកយើងនៅតែបន្តការរៀបចំ និងជួយរហូតដល់សិស្ស និស្សិតទៅដល់ប្រទេសអូស្ត្រាលីផងដែរ"។
គួរបញ្ជក់ដែលថា IDP Education គឺជាស្ថាប័នធំជាងគេបង្អស់លើពិភពលោកដែលបានដើរតួនាទីក្នុងការបញ្ជូនសិស្ស និស្សិត ទៅសិក្សានៅប្រទេសអូស្ត្រាលី ដែលមានការិយាល័យចំនួនជាង ១០០កន្លែង ក្នុង៣០ប្រទេសជុំវិញពិភពលោក ដែលបានជួយសិស្សនិស្សិតកម្ពុជាទៅសិក្សានៅប្រទេសអូស្រា្តលី តាំងពីឆ្នាំ ១៩៩៤។ IDP ក៏បញ្ជូន សិស្ស និស្សិត ទៅសិក្សានៅ កាណាដា ណូវេហ្សេឡង់ ចក្រភពអង់គ្លេស និងសហរដ្ឋអាមេរិកផងដែរ។ ការប្រឹក្សា នឹងការបំពេញទម្រង់បែបបទសិក្សា ត្រូវបានផ្តល់ជូនដោយស្ថាប័ន IDP ដោយឥតគិតថ្លៃ។IDP Education ជាសា្ថប័នដែលចូលរួមបង្កើតឡើងដោយ សាកលវិទ្យាល័យ ៣៨ របស់ប្រទេសអូស្រា្តលី។
ព័ត៌មានបន្ថែមស្តីអំពីការពិព័រណ៍សិក្សា
ទីកន្លែង៖ សណ្ឋាគារ កាំប៉ូឌីយ៉ាណា
ពេលវេលា៖ ថ្ងៃ ព្រហស្បតិ៍ ទី ១៥ ខែ មិនា ឆ្នាំ ២០១៨ ចាប់ពីម៉ោង ៩ ព្រឹកដល់ ៤ ល្ងាច
សម្រាប់ព៌ត័មានបន្ថែមទំនាក់ទំនង លោក ឈាង វ៉ាន់តាក់ តាមរយៈទូរស័ព្ទលេខ:
០២៣ ២២២ ៣២៥ និង អ៊ីម៉ែល:
[email protected]
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
10 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម