អន្តរជាតិ
រូបភាព AFP
×![]()
ដោយ: តន ចាន់រិទ្ធារ៉ា
មកទល់ពេលនេះ កូរ៉េខាងជើងមិនទាន់និយាយអ្វីទាំងអស់ជុំវិញគម្រោងនៃជំនួបរវាងលោកគីម ជុងអ៊ុន និងលោកដូណាល់ ត្រាំ ។ គេមិនទាន់ឃើញទាល់តែសោះការផ្សាយពីគម្រោងនេះនៅតាមសារព័ត៌មានកូរ៉េខាងជើង ខណៈរដ្ឋាភិបាលកូរ៉េខាងជើងក៏មិនទាន់ចេញមុខប្រកាសអ្វីដែរជុំវិញរឿងនេះដែរ។ ព័ត៌មានទាំងអស់ទាក់ទងជំនួបប្រវត្តិសាស្ត្រនៅខែឧសភា ត្រូវបានទម្លាយដោយមន្ត្រីកូរ៉េខាងត្បូងនៅសេតវិមាន ហើយត្រូវបានផ្សព្វផ្សាយពេញពិភពលោក។
នៅថ្ងៃទី៩ ខែមីនា ប្រធានាធិបតីអាមេរិកដូណាល់ ត្រាំ បង្កការភ្ញាក់ផ្អើលខ្លាំង ក្រោយយល់ព្រមជួបមេដឹកនាំកូរ៉េខាងជើង គីម ជុងអ៊ុន នៅខែឧសភា។ សារព័ត៌មានពេញពិភពលោកបានចុះផ្សាយពីបញ្ហានេះ។ ប៉ុន្តែមកទល់ថ្ងៃទី១២ ខែមីនា គេមិនឃើញកូរ៉េខាងជើងចេញសេចក្ដីថ្លែងការណ៍ផ្លូវការណាមួយពាក់ព័ន្ធគម្រោងជំនួបនេះឡើយ ហើយសារព័ត៌មានកូរ៉េខាងជើងក៏មិនបានផ្សាយពីព័ត៌មាននេះដូចគ្នា។
ឯកូរ៉េខាងត្បូង ដែលជាអ្នកប្រកាសព័ត៌មាននៃគម្រោងជំនួបរវាងលោក ត្រាំ និងលោក គីម នោះ ក៏មិនទាន់បានទទួលការឆ្លើយតបវិញដែរ។ អ្នកនាំពាក្យក្រសួងបង្រួបបង្រួមកូរ៉េ Baik Tae-hyun និយាយថា កូរ៉េខាងជើងទំនងជាត្រូវការពេលវេលាបន្ថែម និងបង្ហាញឥរិយាបថប្រុងប្រយ័ត្ន មុននឹងឆ្លើយតបវិញ។ នេះបើតាមទីភ្នាក់ងារព័ត៌មាន Yonhap ។
ខុសពីកូរ៉េខាងជើង ប្រធានាធិបតីអាមេរិកបាននិយាយជាច្រើនលើកពាក់ព័ន្ធជំនួបលើកដំបូងជាមួយមេដឹកនាំកូរ៉េខាងជើង។ លោក ត្រាំ បានបង្ហាញជំនឿចិត្តថា ការចរចាជាមួយលោក គីម អាចទទួលបានលទ្ធផលល្អប្រសើរ ហើយកិច្ចព្រមព្រៀងដែលសម្រេចបាន នឹងក្លាយជាកិច្ចព្រមព្រៀងល្អជាងគេបំផុតរបស់ពិភពលោក។ លើសពីនោះ លោក ត្រាំ ទំនងជាជឿទាំងស្រុងសម្ដីសន្យាមិនបាញ់មីស៊ីល ឬសាកល្បងនុយក្លេអ៊ែរពីសំណាក់កូរ៉េខាងជើង។
គម្រោងជួបគ្នារវាងលោក ត្រាំ និងលោក គីម គឺជាចំណុចរបត់ថ្មីមិនធ្លាប់មានក្នុងការដោះស្រាយវិបត្តិនុយក្លេអ៊ែររបស់កូរ៉េខាងជើង ព្រោះមិនដែលមានប្រធានាធិបតីអាមេរិកក្នុងតំណែងជួបជជែកជាមួយមេដឹកនាំកូរ៉េខាងជើងឡើយ។ ទោះជាយល់ព្រមជួបគ្នាក្ដី ទីកន្លែង និងពេលវេលាជាក់លាក់នៃជំនួបនេះ នៅមិនទាន់កំណត់នៅឡើយ ខណៈគេឃើញទីតាំងមួយចំនួនអាចធ្វើម្ចាស់ផ្ទះបានដូចជា តំបន់គ្មានកងទ័ព កោះជេជូរបស់កូរ៉េខាងត្បូង ទីក្រុងប៉េកាំង ឬទីក្រុងហ្សឺណែវជាដើម។
ការមិនទាន់កំណត់ទីតាំង និងពេលវេលានៃជំនួបកម្រនេះ អាចជាមូលហេតុដែលកូរ៉េខាងជើងមិនទាន់និយាយអ្វីសោះបីថ្ងៃមកនេះ។ ជាទម្លាប់ កូរ៉េខាងជើងមិនប្រកាសព័ត៌មានដែលមិនច្បាស់លាស់ឡើយ លុះត្រាតែមានព័ត៌មានជាក់លាក់គ្រប់ជ្រុងជ្រោយទើបចេញសេចក្ដីប្រកាសតែម្ដង។ សព្វថ្ងៃនេះ សូម្បីតែជំនួបរវាងលោក គីម និងលោកប្រធានាធិបតី មូន ចេអ៊ីន ក៏កូរ៉េខាងជើងមិនមានសេចក្ដីថ្លែងការណ៍អ្វីដែរ៕
នៅថ្ងៃទី៩ ខែមីនា ប្រធានាធិបតីអាមេរិកដូណាល់ ត្រាំ បង្កការភ្ញាក់ផ្អើលខ្លាំង ក្រោយយល់ព្រមជួបមេដឹកនាំកូរ៉េខាងជើង គីម ជុងអ៊ុន នៅខែឧសភា។ សារព័ត៌មានពេញពិភពលោកបានចុះផ្សាយពីបញ្ហានេះ។ ប៉ុន្តែមកទល់ថ្ងៃទី១២ ខែមីនា គេមិនឃើញកូរ៉េខាងជើងចេញសេចក្ដីថ្លែងការណ៍ផ្លូវការណាមួយពាក់ព័ន្ធគម្រោងជំនួបនេះឡើយ ហើយសារព័ត៌មានកូរ៉េខាងជើងក៏មិនបានផ្សាយពីព័ត៌មាននេះដូចគ្នា។
ឯកូរ៉េខាងត្បូង ដែលជាអ្នកប្រកាសព័ត៌មាននៃគម្រោងជំនួបរវាងលោក ត្រាំ និងលោក គីម នោះ ក៏មិនទាន់បានទទួលការឆ្លើយតបវិញដែរ។ អ្នកនាំពាក្យក្រសួងបង្រួបបង្រួមកូរ៉េ Baik Tae-hyun និយាយថា កូរ៉េខាងជើងទំនងជាត្រូវការពេលវេលាបន្ថែម និងបង្ហាញឥរិយាបថប្រុងប្រយ័ត្ន មុននឹងឆ្លើយតបវិញ។ នេះបើតាមទីភ្នាក់ងារព័ត៌មាន Yonhap ។
ខុសពីកូរ៉េខាងជើង ប្រធានាធិបតីអាមេរិកបាននិយាយជាច្រើនលើកពាក់ព័ន្ធជំនួបលើកដំបូងជាមួយមេដឹកនាំកូរ៉េខាងជើង។ លោក ត្រាំ បានបង្ហាញជំនឿចិត្តថា ការចរចាជាមួយលោក គីម អាចទទួលបានលទ្ធផលល្អប្រសើរ ហើយកិច្ចព្រមព្រៀងដែលសម្រេចបាន នឹងក្លាយជាកិច្ចព្រមព្រៀងល្អជាងគេបំផុតរបស់ពិភពលោក។ លើសពីនោះ លោក ត្រាំ ទំនងជាជឿទាំងស្រុងសម្ដីសន្យាមិនបាញ់មីស៊ីល ឬសាកល្បងនុយក្លេអ៊ែរពីសំណាក់កូរ៉េខាងជើង។
គម្រោងជួបគ្នារវាងលោក ត្រាំ និងលោក គីម គឺជាចំណុចរបត់ថ្មីមិនធ្លាប់មានក្នុងការដោះស្រាយវិបត្តិនុយក្លេអ៊ែររបស់កូរ៉េខាងជើង ព្រោះមិនដែលមានប្រធានាធិបតីអាមេរិកក្នុងតំណែងជួបជជែកជាមួយមេដឹកនាំកូរ៉េខាងជើងឡើយ។ ទោះជាយល់ព្រមជួបគ្នាក្ដី ទីកន្លែង និងពេលវេលាជាក់លាក់នៃជំនួបនេះ នៅមិនទាន់កំណត់នៅឡើយ ខណៈគេឃើញទីតាំងមួយចំនួនអាចធ្វើម្ចាស់ផ្ទះបានដូចជា តំបន់គ្មានកងទ័ព កោះជេជូរបស់កូរ៉េខាងត្បូង ទីក្រុងប៉េកាំង ឬទីក្រុងហ្សឺណែវជាដើម។
ការមិនទាន់កំណត់ទីតាំង និងពេលវេលានៃជំនួបកម្រនេះ អាចជាមូលហេតុដែលកូរ៉េខាងជើងមិនទាន់និយាយអ្វីសោះបីថ្ងៃមកនេះ។ ជាទម្លាប់ កូរ៉េខាងជើងមិនប្រកាសព័ត៌មានដែលមិនច្បាស់លាស់ឡើយ លុះត្រាតែមានព័ត៌មានជាក់លាក់គ្រប់ជ្រុងជ្រោយទើបចេញសេចក្ដីប្រកាសតែម្ដង។ សព្វថ្ងៃនេះ សូម្បីតែជំនួបរវាងលោក គីម និងលោកប្រធានាធិបតី មូន ចេអ៊ីន ក៏កូរ៉េខាងជើងមិនមានសេចក្ដីថ្លែងការណ៍អ្វីដែរ៕
Tag:
កូរ៉េខាងជើង
អាមេរិក
ដូណាល់ ត្រាំ
គីម ជុងអ៊ុន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
