រតនាគារជាតិ បានបញ្ចេញប្រាក់រៀលជាង ៧០០ពាន់លានរៀល នៅមុនចូលឆ្នាំខ្មែរនេះ

ជាតិ

សេដ្ឋកិច្ច

រតនាគារជាតិ បានបញ្ចេញប្រាក់រៀលជាង ៧០០ពាន់លានរៀល នៅមុនចូលឆ្នាំខ្មែរនេះ

10, Apr 2018 , 10:39 pm

រូបភាព

ដោយ:

ភ្នំពេញ៖ រតនាគារជាតិ នៃក្រសួងសេដ្ឋកិច្ច និងហិរញ្ញវត្ថុ បានបញ្ចេញប្រាក់ជាង ៧០០ពាន់លានរៀល (ប្រមាណជិត ២០០លានដុល្លារ) នៅកំឡុងចុងខែមីនា និងដើមខែមេសានេះ ខណៈរដ្ឋាភិបាលអនុវត្តតារាងប្រាក់បៀវត្សថ្មី និងបើកប្រាក់ឧបត្ថមដល់មន្ត្រីរាជការ។

ប្រមុខរដ្ឋាភិបាល សម្ដេច ហ៊ុន សែន មានប្រសាសន៍ថា សាច់ប្រាក់នៅក្នុងរតនាគារជាតិ បានធ្លាក់ចុះប្រមាណជាង ៧០០ពាន់លានរៀល ដែលត្រូវបានបញ្ចេញសម្រាប់បើកប្រាក់បៀវត្ស ដែលទើបត្រូវដំឡើងថ្មី និងបូករួមប្រាក់ឧបត្ថមមន្ត្រីរាជការ ៥ម៉ឺនរៀលក្នុងម្នាក់ នាឱកាសបុណ្យចូលឆ្នាំខ្មែរនេះ។ សម្ដេចបានថ្លែងដូចនេះនៅក្នុងពិធីប្រគល់សញ្ញាបត្រជូននិស្សិតនៃសាកលវិទ្យាល័យជាតិគ្រប់គ្រង នៅថ្ងៃទី១០ខែមេសានេះ។

នេះគឺជាចំនួនប្រាក់រៀលដ៏ច្រើន ដែលបានចាក់បញ្ចូលក្នុងសកម្មភាពសេដ្ឋកិច្ច ស្របគ្នានឹងសន្ទុះប្រើប្រាស់ប្រាក់រៀលក្នុងអាជីវកម្មតូចៗ ក្នុងកំឡុងបុណ្យចូលឆ្នាំខ្មែរ។
ទោះបីមានសន្ទុះចាយប្រាក់រៀល តែតម្លៃប្រាក់រៀលបានកើនឡើងតិចតួចប៉ុណ្ណោះ។ អត្រាប្ដូរប្រាក់ថ្ងៃនេះយោងតាមធនាគារជាតិ គឺ ១ដុល្លារ ស្មើ ៤០១០រៀល។
សម្ដេច ហ៊ុន សែន អះអាងថា ទោះបីមានការបញ្ចេញប្រាក់រៀលច្រើនដូចលើកឡើងខាងលើនោះក្ដី តែអត្រាប្ដូរប្រាក់នៅតែមានស្ថិរភាពដដែល៕