អន្តរជាតិ
ណាជីប រ៉ាហ្សាក់៖ អ្នកនយោបាយចាស់វស្សា មហាធៀ គួរតែទទួលបានពានរង្វាន់តួសម្តែងល្អបំផុត
រូបភាព៖ AFP
×![]()
ខណៈការបោះឆ្នោតជាតិម៉ាឡេស៊ី កាន់តែខិតជិតមកដល់ លោកនាយករដ្ឋមន្ត្រី ណាជីប រ៉ាហ្សាក់ កាន់តែលេងសម្តីផ្លែផ្កាឲ្យអតីតនាយករដ្ឋមន្ត្រី និងជាអ្នកនយោបាយចាស់វស្សាម៉ាឡេស៊ី លោក មហាម៉ាត់ មហាធៀ។ លោក ណាជីប បានព្រលយថា សកម្មភាពនយោបាយរបស់លោក មហាធៀ ធ្វើឲ្យលោកសមនឹងទទួលបានពានសម្តែងល្អកម្រិតពិភពលោក ។
លោកនាយករដ្ឋមន្ត្រី ណាជីប បានបង្ហាញការហួសចិត្ត ចំពោះការផ្លាស់ប្តូរឥរិយាបថស្ទើរតែ ៣៦០ដឺក្រេ របស់គូប្រជែងដ៏មានឥទ្ធិពលរបស់ខ្លួន គឺលោក មហាធៀ ពាក់ព័ន្ធនឹងការរួមជីវភាពនយោបាយជាមួយមេបក្សប្រឆាំងលោក អាន់វ៉ា អ៊ីប្រាហ៊ីម។ លោកនាយករដ្ឋមន្ត្រី បានមើលឃើញឥរិយាបថរបស់លោក មហាធៀ ថាជាការធ្វើនយោបាយ គ្មានគោលជំហរច្បាស់លាស់ ។
តាមការចុះផ្សាយរបស់សារព័ត៌មាន The Nation របស់ថៃ នៅថ្ងៃ២៥ មេសា លោក ណាជីប បាននិយាយផ្លែផ្កាទៅកាន់លោកមហាធៀយ៉ាងដូច្នេះថា៖«គាត់ (មហាធៀ) គឺជាតួសម្តែងដ៏ល្អបំផុត ។ ពីមុន លោកបានហៅ លោក អាន់វ៉ាថា ជាបុគ្គលដែលគួរឲ្យខ្លាចបំផុត»។
លោកបន្តថាថា៖«មហាធា ថែមទាំងធ្លាប់ប្រើពាក្យធ្ងន់ៗ ដែលខ្ញុំ មិនហ៊ានសូម្បីតែនិយាយតាមឡើងវិញ ផង។ ក៏ប៉ុន្តែចុងក្រោយ គាត់បែរជាទៅស្កាត់ជួបលោក អាន់វ៉ា ដល់កន្លែងជំនុំជម្រះក្តីនៅតុលាការ និងថែមទាំងចាប់ដៃគ្នានៅទីនោះទៀតផង» ។
លោកនាយករដ្ឋមន្ត្រី ដែលជាប្រមុខបក្សកាន់អំណាចម៉ាឡេស៊ី(UMNO) បច្ចុប្បន្ន បានបន្តទៀតថា លោកមិនអាចធ្វើរឿងដូច ដែលលោក មហាធៀ កំពុងធ្វើឡើយ។ សម្រាប់លោក បុគ្គលម្នាក់ៗ ត្រូវតែមានគោលជំហរសម្រាប់ខ្លួន ឲ្យបានរឹងមាំក្នុងជីវិតនយោបាយ។
គួរជម្រាបផងដែរថា នៅសប្តាហ៍មុន គណៈកម្មការរៀបចំការបោះឆ្នោតម៉ាឡេស៊ី បានប្រកាសថា ការបោះឆ្នោតជ្រើសរើសសមាជិកសភាម៉ាឡេស៊ី នឹងត្រូវប្រព្រឹត្តឡើងនៅថ្ងៃទី ៩ខែឧសភាខាងមុខនេះហើយ។ គេមើលឃើញថា ការបោះឆ្នោតនេះនឹងមានការប្រកួតប្រជែងខ្លាំង រវាងបក្សកាន់អំណាច ជាមួយនឹងបក្សថ្មីដែលត្រូវបានបង្កើតឡើងរួមគ្នារវាងអតីតនាយករដ្ឋមន្ត្រីម៉ាឡេស៊ី មហាធៀ ជាមួយនឹងមេបក្សប្រឆាំងម៉ាឡេស៊ី អាន់វ៉ា ដែលកំពុងស្ថិតក្នុងពន្ធនាគារនោះ ។
សូមជម្រាបបន្តិចថា ដោយសារតែការមិនពេញចិត្តលើការដឹកនាំរបស់លោកណាជីប លោក មហាធៀ ជាមួយនឹងគូសត្រូវនយោបាយចាស់របស់លោកគឺ លោក អាន់វ៉ា ដោយរក្សាទុកគំនុំចាស់មួយឡែក។ អ្នកទាំងពីររំពឹងថា ពួកគេអាចចាប់ដៃគ្នាផ្តួលលោក ណាជីប ដែលកំពុងតែដឹកនាំបក្សកាន់អំណាច ដែលបានដឹកនាំម៉ាឡេស៊ីតាំងពីប្រទេសមួយនេះទទួលបានឯករាជ្យមកម្ល៉េះនោះ។ ក្នុងការបោះឆ្នោតឆ្នាំ ២០១៣ បក្សកាន់អំណាចបានឈ្នះឆ្នោតទាំងប្រផិតប្រផើយប៉ុណ្ណោះ៕
លោកនាយករដ្ឋមន្ត្រី ណាជីប បានបង្ហាញការហួសចិត្ត ចំពោះការផ្លាស់ប្តូរឥរិយាបថស្ទើរតែ ៣៦០ដឺក្រេ របស់គូប្រជែងដ៏មានឥទ្ធិពលរបស់ខ្លួន គឺលោក មហាធៀ ពាក់ព័ន្ធនឹងការរួមជីវភាពនយោបាយជាមួយមេបក្សប្រឆាំងលោក អាន់វ៉ា អ៊ីប្រាហ៊ីម។ លោកនាយករដ្ឋមន្ត្រី បានមើលឃើញឥរិយាបថរបស់លោក មហាធៀ ថាជាការធ្វើនយោបាយ គ្មានគោលជំហរច្បាស់លាស់ ។
តាមការចុះផ្សាយរបស់សារព័ត៌មាន The Nation របស់ថៃ នៅថ្ងៃ២៥ មេសា លោក ណាជីប បាននិយាយផ្លែផ្កាទៅកាន់លោកមហាធៀយ៉ាងដូច្នេះថា៖«គាត់ (មហាធៀ) គឺជាតួសម្តែងដ៏ល្អបំផុត ។ ពីមុន លោកបានហៅ លោក អាន់វ៉ាថា ជាបុគ្គលដែលគួរឲ្យខ្លាចបំផុត»។
លោកបន្តថាថា៖«មហាធា ថែមទាំងធ្លាប់ប្រើពាក្យធ្ងន់ៗ ដែលខ្ញុំ មិនហ៊ានសូម្បីតែនិយាយតាមឡើងវិញ ផង។ ក៏ប៉ុន្តែចុងក្រោយ គាត់បែរជាទៅស្កាត់ជួបលោក អាន់វ៉ា ដល់កន្លែងជំនុំជម្រះក្តីនៅតុលាការ និងថែមទាំងចាប់ដៃគ្នានៅទីនោះទៀតផង» ។
លោកនាយករដ្ឋមន្ត្រី ដែលជាប្រមុខបក្សកាន់អំណាចម៉ាឡេស៊ី(UMNO) បច្ចុប្បន្ន បានបន្តទៀតថា លោកមិនអាចធ្វើរឿងដូច ដែលលោក មហាធៀ កំពុងធ្វើឡើយ។ សម្រាប់លោក បុគ្គលម្នាក់ៗ ត្រូវតែមានគោលជំហរសម្រាប់ខ្លួន ឲ្យបានរឹងមាំក្នុងជីវិតនយោបាយ។
គួរជម្រាបផងដែរថា នៅសប្តាហ៍មុន គណៈកម្មការរៀបចំការបោះឆ្នោតម៉ាឡេស៊ី បានប្រកាសថា ការបោះឆ្នោតជ្រើសរើសសមាជិកសភាម៉ាឡេស៊ី នឹងត្រូវប្រព្រឹត្តឡើងនៅថ្ងៃទី ៩ខែឧសភាខាងមុខនេះហើយ។ គេមើលឃើញថា ការបោះឆ្នោតនេះនឹងមានការប្រកួតប្រជែងខ្លាំង រវាងបក្សកាន់អំណាច ជាមួយនឹងបក្សថ្មីដែលត្រូវបានបង្កើតឡើងរួមគ្នារវាងអតីតនាយករដ្ឋមន្ត្រីម៉ាឡេស៊ី មហាធៀ ជាមួយនឹងមេបក្សប្រឆាំងម៉ាឡេស៊ី អាន់វ៉ា ដែលកំពុងស្ថិតក្នុងពន្ធនាគារនោះ ។
សូមជម្រាបបន្តិចថា ដោយសារតែការមិនពេញចិត្តលើការដឹកនាំរបស់លោកណាជីប លោក មហាធៀ ជាមួយនឹងគូសត្រូវនយោបាយចាស់របស់លោកគឺ លោក អាន់វ៉ា ដោយរក្សាទុកគំនុំចាស់មួយឡែក។ អ្នកទាំងពីររំពឹងថា ពួកគេអាចចាប់ដៃគ្នាផ្តួលលោក ណាជីប ដែលកំពុងតែដឹកនាំបក្សកាន់អំណាច ដែលបានដឹកនាំម៉ាឡេស៊ីតាំងពីប្រទេសមួយនេះទទួលបានឯករាជ្យមកម្ល៉េះនោះ។ ក្នុងការបោះឆ្នោតឆ្នាំ ២០១៣ បក្សកាន់អំណាចបានឈ្នះឆ្នោតទាំងប្រផិតប្រផើយប៉ុណ្ណោះ៕
Tag:
ម៉ាឡេស៊ី
ណាជីប រ៉ាហ្សាក់
បោះឆ្នោត
អាស៊ាន
© រក្សាសិទ្ធិដោយ thmeythmey.com
