អន្តរជាតិ
មី «Pyongyang naengmyeon» ដែលមេដឹកនាំកូរ៉េទាំងពីរពិសា លក់ដាច់យ៉ាងខ្លាំងនៅសេអ៊ូល
×![]()
ដោយ: ធីតា
នាអាហារពេលល្ងាចនៃជំនួបរវាងលោក គីម ជុងអ៊ុន និងលោក មូន ចេអ៊ីន នៅ Panumjom មីមួយប្រភេទរបស់កូរ៉េខាងជើង ក្លាយជាអាហារដ៏សំខាន់សម្រាប់មេដឹកនាំទាំងពីរ។ បន្ទាប់ពីពេលនោះមក ហាងជាច្រើននៅក្រុងសេអ៊ូល ប្រទេសកូរ៉េខាងត្បូង ទទួលបានភ្ញៀវយ៉ាងច្រើនសន្ធឹកសន្ធាប់ ដែលបរិភោគមីត្រជាក់ «Pyongyang naengmyeon»។
នៅហាង Nampo Myeonok ក្នុងក្រុងសេអ៊ូល ម្ចាស់ហាងមិនអាចឆ្លើយតាមតម្រូវការភ្ញៀវបាននោះឡើយ ពីព្រោះពួកគាត់សុទ្ធកុម្ម៉ង់ទិញមីត្រជាក់ «Pyongyang naengmyeon» ដែលជាអាហារនៃជំនួបប្រវត្តិសាស្ត្ររវាងមេដឹកនាំបងប្អូនកូរ៉េទាំងពីរ។
យោងតាមការផ្សាយរបស់ AFP ភ្ញៀវបានរង់ចាំយ៉ាងហោចប្រមាណ៤០នាទី ទើបអាចបានញ៉ាំមី ដោយសារមនុស្សរង់ចាំច្រើនសន្ធឹកសន្ធាប់។ «Pyongyang naengmyeon» ជាប្រភេទមីត្រជាក់ ដែលលាយដោយបន្លែ និងសាច់ ហើយមានរសជាតិឆ្ងាញ់។
នាជំនួបរវាងជាមួយលោក គីម ជុងអ៊ុនកាលពីថ្ងៃសុក្រ លោក មូន ចេអ៊ីន បានបរិភោគមីពិសេសរបស់កូរ៉េខាងជើងនេះ ដោយទឹកមុខរីករាយ និងពេញចិត្តយ៉ាងខ្លាំង។ ការពិភាក្សាគ្នា មិនត្រូវបានផ្សព្វផ្សាយឡើយនាពេលនោះ ប៉ុន្តែគេវាយតម្លៃថា មេដឹកនាំនិយាយបាននូវលទ្ធផលផ្លែផ្កាជាច្រើន។
ទីភ្នាក់ងារព័ត៌មាន KCNA របស់កូរ៉េខាងជើង បានបញ្ជាក់ថា លោក គីម ជុងអ៊ុន ទទូលបាននូវការណែនាំឲ្យប្រើប្រាស់មីការទូត «Pyongyang naengmyeon» ពីសំណាក់មេចុងភៅនៃភោជនីយដ្ឋាន Okryu-gwan ដ៏ល្បីឈ្មោះនៅក្រុងព្យុងយ៉ាង។
ពលរដ្ឋកូរ៉េជាច្រើន ជាពិសេសកូរ៉េខាងត្បូង បានបង្ហោះរូបថតផ្សេងទាក់ទងនឹងម្ហូបនេះនៅតាមបណ្តាញសង្គម ដោយសរសេរ Hashtags ថា #summit និង #peacenaengmyeon ។ លោក Kim Tae-hun ដែលបម្រើការនៅហាង Nampo Myeonok ក្នុងក្រុងសេអ៊ូល បានលើកឡើងថា មីត្រជាក់នេះ ជាអាហារផ្សារភ្ជាប់នៃកូរ៉េទាំងពីរ ក្រោយការបែកបាក់តាំងពីឆ្នាំ១៩៥៣មក៕
នៅហាង Nampo Myeonok ក្នុងក្រុងសេអ៊ូល ម្ចាស់ហាងមិនអាចឆ្លើយតាមតម្រូវការភ្ញៀវបាននោះឡើយ ពីព្រោះពួកគាត់សុទ្ធកុម្ម៉ង់ទិញមីត្រជាក់ «Pyongyang naengmyeon» ដែលជាអាហារនៃជំនួបប្រវត្តិសាស្ត្ររវាងមេដឹកនាំបងប្អូនកូរ៉េទាំងពីរ។
យោងតាមការផ្សាយរបស់ AFP ភ្ញៀវបានរង់ចាំយ៉ាងហោចប្រមាណ៤០នាទី ទើបអាចបានញ៉ាំមី ដោយសារមនុស្សរង់ចាំច្រើនសន្ធឹកសន្ធាប់។ «Pyongyang naengmyeon» ជាប្រភេទមីត្រជាក់ ដែលលាយដោយបន្លែ និងសាច់ ហើយមានរសជាតិឆ្ងាញ់។
នាជំនួបរវាងជាមួយលោក គីម ជុងអ៊ុនកាលពីថ្ងៃសុក្រ លោក មូន ចេអ៊ីន បានបរិភោគមីពិសេសរបស់កូរ៉េខាងជើងនេះ ដោយទឹកមុខរីករាយ និងពេញចិត្តយ៉ាងខ្លាំង។ ការពិភាក្សាគ្នា មិនត្រូវបានផ្សព្វផ្សាយឡើយនាពេលនោះ ប៉ុន្តែគេវាយតម្លៃថា មេដឹកនាំនិយាយបាននូវលទ្ធផលផ្លែផ្កាជាច្រើន។
ទីភ្នាក់ងារព័ត៌មាន KCNA របស់កូរ៉េខាងជើង បានបញ្ជាក់ថា លោក គីម ជុងអ៊ុន ទទូលបាននូវការណែនាំឲ្យប្រើប្រាស់មីការទូត «Pyongyang naengmyeon» ពីសំណាក់មេចុងភៅនៃភោជនីយដ្ឋាន Okryu-gwan ដ៏ល្បីឈ្មោះនៅក្រុងព្យុងយ៉ាង។
ពលរដ្ឋកូរ៉េជាច្រើន ជាពិសេសកូរ៉េខាងត្បូង បានបង្ហោះរូបថតផ្សេងទាក់ទងនឹងម្ហូបនេះនៅតាមបណ្តាញសង្គម ដោយសរសេរ Hashtags ថា #summit និង #peacenaengmyeon ។ លោក Kim Tae-hun ដែលបម្រើការនៅហាង Nampo Myeonok ក្នុងក្រុងសេអ៊ូល បានលើកឡើងថា មីត្រជាក់នេះ ជាអាហារផ្សារភ្ជាប់នៃកូរ៉េទាំងពីរ ក្រោយការបែកបាក់តាំងពីឆ្នាំ១៩៥៣មក៕
Tag:
កូរ៉េខាងជើង
កូរ៉េខាងត្បូង
© រក្សាសិទ្ធិដោយ thmeythmey.com
