អន្តរជាតិ
ឥណ្ឌូណេស៊ី ប្តេជ្ញាជួយដោះស្រាវិបត្តិរ៉ូហ៊ីងយ៉ាពេលជួបប្រធានាធិបតីថ្មីមីយ៉ាន់ម៉ាលើកដំបូង
×![]()
ប្រធានាធិបតីឥណ្ឌូណេស៊ីលោក ចូកូ វីដូដូ (Joko Widodo) បានថ្លែងទៅកាន់សមភាគីមីយ៉ាន់ម៉ាលោក Win Myint ពីការប្តេជ្ញាចិត្តរបស់លោកក្នុងការជួយមីយ៉ាន់ម៉ាដើម្បីដោះស្រាយ និងបញ្ចប់វិបត្តិជនភៀសខ្លួននៅរដ្ឋ Rakhine។ លោកក៏បានបញ្ជាក់ពីហេតុផល នៃការខិតខំរបស់ឥណ្ឌូណេស៊ីលើបញ្ហានេះផងដែរ ។
តាមរយៈជំនួបទ្វេភាគីលើកដំបូង នាក្រៅកិច្ចប្រជុំកំពូលអាស៊ានលើកទី៣២ ប្រមុខរដ្ឋឥណ្ឌូណេស៊ី លោក ចូកូ នៅថ្ងៃ២៧ មេសា បានសម្តែងការព្រួយបារម្ភខ្លាំងរបស់លោកលើវិបត្តិនៅក្នុងរដ្ឋរ៉ាខានរបស់មីយ៉ាន់ម៉ា នៅចំពោះមុខប្រធានាធិបតីមីយ៉ាន់ម៉ាថ្មីលោក Win Myint តែម្តង ។ នេះបើយោងតាមការចុះផ្សាយរបស់សារព័ត៌មានឥណ្ឌូណេស៊ី The Jakarta Post ។
បើតាមប្រភពព័ត៌មានដដែលនោះ តាមរយៈជំនួបនោះ ប្រមុខរដ្ឋឥណ្ឌូណេស៊ី ក៏បានលើកឡើងពីផលលំបាករបស់ជនភៀសខ្លួនពីមីយ៉ាន់ម៉ា ដែលបានចាកចេញពីប្រទេស ហើយបន្តដំណើរយ៉ាងរសាត់អណ្តែត ។ ជាក់ស្តែងនោះ លោក ក៏បានលើកយករឿង ដែលជនជាតិរ៉ូហ៊ីងយ៉ា ដែលបានភៀសខ្លួនពីមីយ៉ាន់ម៉ាតាមរយៈទូក ហើយត្រូវអាជ្ញាធរឥណ្ឌូណេស៊ីសង្គ្រោះជីវិតនៅពេលដែលពួកគេចូលក្នុងទឹកដីឥណ្ឌូណេស៊ីកាលពីសប្តាហ៍មុន ។
តែយ៉ាងណា ទន្ទឹមនឹងការលើកឡើងពីបញ្ហា ប្រមុខឥណ្ឌូណេស៊ីដដែលនោះ ក៏បានបញ្ជាក់ពីការត្រៀមខ្លួនរួចជាស្រេចរបស់ឥណ្ឌូណេស៊ី ក្នុងការផ្តល់ជំនួយចាំបាច់សម្រាប់មីយ៉ាន់ម៉ាក្នុងការសង្គ្រោះ និងធានាក្នុងការដំណើរការនៃនាំជនភៀសខ្លួនរ៉ូហ៊ីងយ៉ារាប់សិបម៉ឺននាក់ពីបង់ក្លាដែសទៅមីយ៉ាន់ម៉ាវិញផងដែរ ។
បន្ថែមពីនេះ លោកប្រធានាធិបតីចូកូ ក៏សង្កត់ធ្ងន់ពីគោលបំណងនៃការផ្សារភ្ជាប់ឥណ្ឌូណេស៊ីយ៉ាងសកម្មទៅនឹងបញ្ហាក្នុងស្រុកមីយ៉ាន់ម៉ាយ៉ាងដូច្នេះថា៖«ឥណ្ឌូណេស៊ី មានផលប្រយោជន៍តែមួយគត់លើបញ្ហានេះ ដែលនោះគឺ ការចង់ឃើញស្ថិរភាព និងសន្តិភាពនៅក្នុងរដ្ឋ Rakhineប៉ុណ្ណោះ» ៕
តាមរយៈជំនួបទ្វេភាគីលើកដំបូង នាក្រៅកិច្ចប្រជុំកំពូលអាស៊ានលើកទី៣២ ប្រមុខរដ្ឋឥណ្ឌូណេស៊ី លោក ចូកូ នៅថ្ងៃ២៧ មេសា បានសម្តែងការព្រួយបារម្ភខ្លាំងរបស់លោកលើវិបត្តិនៅក្នុងរដ្ឋរ៉ាខានរបស់មីយ៉ាន់ម៉ា នៅចំពោះមុខប្រធានាធិបតីមីយ៉ាន់ម៉ាថ្មីលោក Win Myint តែម្តង ។ នេះបើយោងតាមការចុះផ្សាយរបស់សារព័ត៌មានឥណ្ឌូណេស៊ី The Jakarta Post ។
បើតាមប្រភពព័ត៌មានដដែលនោះ តាមរយៈជំនួបនោះ ប្រមុខរដ្ឋឥណ្ឌូណេស៊ី ក៏បានលើកឡើងពីផលលំបាករបស់ជនភៀសខ្លួនពីមីយ៉ាន់ម៉ា ដែលបានចាកចេញពីប្រទេស ហើយបន្តដំណើរយ៉ាងរសាត់អណ្តែត ។ ជាក់ស្តែងនោះ លោក ក៏បានលើកយករឿង ដែលជនជាតិរ៉ូហ៊ីងយ៉ា ដែលបានភៀសខ្លួនពីមីយ៉ាន់ម៉ាតាមរយៈទូក ហើយត្រូវអាជ្ញាធរឥណ្ឌូណេស៊ីសង្គ្រោះជីវិតនៅពេលដែលពួកគេចូលក្នុងទឹកដីឥណ្ឌូណេស៊ីកាលពីសប្តាហ៍មុន ។
តែយ៉ាងណា ទន្ទឹមនឹងការលើកឡើងពីបញ្ហា ប្រមុខឥណ្ឌូណេស៊ីដដែលនោះ ក៏បានបញ្ជាក់ពីការត្រៀមខ្លួនរួចជាស្រេចរបស់ឥណ្ឌូណេស៊ី ក្នុងការផ្តល់ជំនួយចាំបាច់សម្រាប់មីយ៉ាន់ម៉ាក្នុងការសង្គ្រោះ និងធានាក្នុងការដំណើរការនៃនាំជនភៀសខ្លួនរ៉ូហ៊ីងយ៉ារាប់សិបម៉ឺននាក់ពីបង់ក្លាដែសទៅមីយ៉ាន់ម៉ាវិញផងដែរ ។
បន្ថែមពីនេះ លោកប្រធានាធិបតីចូកូ ក៏សង្កត់ធ្ងន់ពីគោលបំណងនៃការផ្សារភ្ជាប់ឥណ្ឌូណេស៊ីយ៉ាងសកម្មទៅនឹងបញ្ហាក្នុងស្រុកមីយ៉ាន់ម៉ាយ៉ាងដូច្នេះថា៖«ឥណ្ឌូណេស៊ី មានផលប្រយោជន៍តែមួយគត់លើបញ្ហានេះ ដែលនោះគឺ ការចង់ឃើញស្ថិរភាព និងសន្តិភាពនៅក្នុងរដ្ឋ Rakhineប៉ុណ្ណោះ» ៕
Tag:
ឥណ្ឌូណេស៊ី
អាស៊ាន
មីយ៉ាន់ម៉ា
© រក្សាសិទ្ធិដោយ thmeythmey.com
