អន្តរជាតិ
បារាំង អាល្លឺម៉ង់ និងអង់គ្លេស ប្រាប់អឺរ៉ុបឲ្យត្រៀមទប់ទល់ការដំឡើងពន្ធរបស់អាមេរិក
មេដឹកនាំបារាំង អង់គ្លេស និងអាល្លឺម៉ង់ក្នុងជំនួបនៅទីក្រុងព្រុចសែល (រូបភាព AFP)
×![]()
ដោយ: តន ចាន់រិទ្ធារ៉ា
មហាអំណាចអឺរ៉ុបបីប្រទេស មាន បារាំង អាល្លឺម៉ង់ និងអង់គ្លេស បានប្រាប់ឲ្យអឺរ៉ុបត្រៀមខ្លួន បើអាមេរិកអនុវត្តការយកពន្ធដ៏ខ្ពស់លើដែកថែប និងអាលុយមីញ៉ូម។ ក្នុងករណីនេះ សង្គ្រាមពាណិជ្ជកម្មរវាងសម្ព័ន្ធមិត្តទាំងពីរ អាចផ្ទុះឡើងមិនខាន បើ រដ្ឋបាលប្រធានាធិបតី ដូណាល់ ត្រាំ ជម្នះយកពន្ធមែននោះ។ មេដឹកនាំបារាំង និងអាល្លឺម៉ង់ សុទ្ធតែបរាជ័យ ក្នុងការបញ្ចុះបញ្ចូលឲ្យលោក ត្រាំ លើកលែងការអនុវត្តពន្ធនេះលើអឺរ៉ុប ទោះជាបានទៅដល់សេតវិមានផ្ទាល់ក្ដី។
នៅថ្ងៃទី១ ខែឧសភា ការលើកលែងការយកពន្ធនាំចូលដែកថែប និងអាលុយមីញ៉ូមរបស់អឺរ៉ុបចូលទីផ្សារអាមេរិក នឹងត្រូវផុតកំណត់។ បើមិនមានការលើកលែងណាមួយទេនោះ អាមេរិក នឹងយកពន្ធលើដែកថែបចំនួន២៥ភាគរយ និងអាលុយមីញ៉ូមចំនួន១០ភាគរយពីអឺរ៉ុប ខណៈអាមេរិក បានអនុវត្តការយកពន្ធនេះ ពីប្រទេសជាច្រើនរួចស្រេចទៅហើយ។ បារាំង អាល្លឺម៉ង់ និងអង់គ្លេស ដែលជាប្រទេសមានសេដ្ឋកិច្ចធំរបស់អឺរ៉ុប បានប្រកាសឲ្យមានការត្រៀមខ្លួនទុកមុន។
ប្រធានាធិបតីបារាំង អេម៉ានុយអែល ម៉ាក្រុង អធិការបតីអាល្លឺម៉ង់ អេនជែឡា មឺហ្គែល និងនាយករដ្ឋមន្ត្រីអង់គ្លេស ថេរ៉េសា ម៉េយ៍ បានជជែកតាមទូរសព្ទពាក់ព័ន្ធករណីនេះ។ វិមានប្រធានាធិបតីបារាំងElysee ប្រកាសនៅថ្ងៃទី២៩ ខែមេសាថា មេដឹកនាំទាំងបីប្រទេស ឯកភាពគ្នា ពីភាពចាំបាច់សម្រាប់អឺរ៉ុប ក្នុងការត្រៀមខ្លួនតបតទៅនឹងការអនុវត្តពន្ធរបស់អាមេរិក។ មេដឹកនាំទាំងបីក៏សង្ឃឹមថា អាមេរិកមិនធ្វើអ្វីដែលផ្ទុយពីប្រយោជន៍ទាំងសងខាងដែរ។ នេះបើតាមទីភ្នាក់ងារព័ត៌មាន AFP ។
កាលពីសប្ដាហ៍មុន លោក ម៉ាក្រុង និងលោកស្រី មឺហ្គែល បានទៅជួបលោក ត្រាំ ដល់សេតវិមាន ប៉ុន្តែពុំបានលទ្ធផលអ្វីឡើយ លើរឿងយកពន្ធនេះ។ លោក ត្រាំ មិនបានសន្យាថា នឹងបន្តលើកលែងការយកពន្ធដ៏ពីអឺរ៉ុបដែលបាននាំចូលដែកថែប និងអាលុយមីញ៉ូម ក្នុងទំហំទឹកប្រាក់ច្រើនជាង៧.៧ពាន់លានដុល្លារ ក្នុងឆ្នាំ២០១៧ ។ បន្ទាប់ពីត្រឡប់មកផ្ទះដោយមិនបានអ្វី លោកស្រីអធិការបតីអាល្លឺម៉ង់បញ្ជាក់ថា អឺរ៉ុប មានការតាំងចិត្តដើម្បីការពារប្រយោជន៍របស់ខ្លួន ក្នុងក្របខណ្ឌពាណិជ្ជកម្ម ពហុភាគី។
តាមពិតទៅ អឺរ៉ុប ព្រមទាំងប្រទេសសម្ព័ន្ធមិត្តជិតដិតរបស់អាមេរិកមួយចំនួនទៀត មានឈ្មោះក្នុងបញ្ជី ដែលត្រូវលើកលែងការអនុវត្តពន្ធ ពីសំណាក់រដ្ឋបាលលោក ត្រាំ ខណៈចិន ជាមុខព្រួញសំខាន់របស់អាមេរិក។ សម្ព័ន្ធមិត្តអាមេរិក បានព្យាយាមចរចាជាមួយរដ្ឋបាលក្រុងវ៉ាស៊ីនតោន ដើម្បីបានរួចផុតពីការដំឡើងងពន្ធដ៏ខ្ពស់នេះ។ អឺរ៉ុប បានគំរាមរួចស្រេចហើយ ក្នុងការដាក់ពន្ធលើទំនិញអាមេរិក បើអាមេរិកហ៊ានយកពន្ធដែកថែប និងអាលុយមីញ៉ូមមែន។
លើករណីពន្ធនេះ លោក ម៉ាក្រុង ក៏ធ្លាប់រំឭកអាមេរិកដែរ និងបានប្រាប់អាមេរិក មិនត្រូវយកសម្ព័ន្ធមិត្តធ្វើសត្រូវឡើយ។ ក្នុងដំណើរទស្សនកិច្ចផ្លូវរដ្ឋនៅអាមេរិក ប្រធានាធិបតីបារាំង បានប្រាប់សភាអាមេរិកថា អាមេរិកមិនត្រូវធ្វើសង្គ្រាមពាណិជ្ជកម្មជាមួយសម្ព័ន្ធមិត្តឡើយ។ យ៉ាងណាមិញ បើអាមេរិកពិតជាយកពន្ធពីអឺរ៉ុបមែន អឺរ៉ុបក៏មិននៅស្ងៀមដែរ និងទំនងចាត់វិធានការឆ្លើយតប ដូចដែលចិនបានធ្វើដាក់អាមេរិកដូច្នោះដែរ៕
នៅថ្ងៃទី១ ខែឧសភា ការលើកលែងការយកពន្ធនាំចូលដែកថែប និងអាលុយមីញ៉ូមរបស់អឺរ៉ុបចូលទីផ្សារអាមេរិក នឹងត្រូវផុតកំណត់។ បើមិនមានការលើកលែងណាមួយទេនោះ អាមេរិក នឹងយកពន្ធលើដែកថែបចំនួន២៥ភាគរយ និងអាលុយមីញ៉ូមចំនួន១០ភាគរយពីអឺរ៉ុប ខណៈអាមេរិក បានអនុវត្តការយកពន្ធនេះ ពីប្រទេសជាច្រើនរួចស្រេចទៅហើយ។ បារាំង អាល្លឺម៉ង់ និងអង់គ្លេស ដែលជាប្រទេសមានសេដ្ឋកិច្ចធំរបស់អឺរ៉ុប បានប្រកាសឲ្យមានការត្រៀមខ្លួនទុកមុន។
ប្រធានាធិបតីបារាំង អេម៉ានុយអែល ម៉ាក្រុង អធិការបតីអាល្លឺម៉ង់ អេនជែឡា មឺហ្គែល និងនាយករដ្ឋមន្ត្រីអង់គ្លេស ថេរ៉េសា ម៉េយ៍ បានជជែកតាមទូរសព្ទពាក់ព័ន្ធករណីនេះ។ វិមានប្រធានាធិបតីបារាំងElysee ប្រកាសនៅថ្ងៃទី២៩ ខែមេសាថា មេដឹកនាំទាំងបីប្រទេស ឯកភាពគ្នា ពីភាពចាំបាច់សម្រាប់អឺរ៉ុប ក្នុងការត្រៀមខ្លួនតបតទៅនឹងការអនុវត្តពន្ធរបស់អាមេរិក។ មេដឹកនាំទាំងបីក៏សង្ឃឹមថា អាមេរិកមិនធ្វើអ្វីដែលផ្ទុយពីប្រយោជន៍ទាំងសងខាងដែរ។ នេះបើតាមទីភ្នាក់ងារព័ត៌មាន AFP ។
កាលពីសប្ដាហ៍មុន លោក ម៉ាក្រុង និងលោកស្រី មឺហ្គែល បានទៅជួបលោក ត្រាំ ដល់សេតវិមាន ប៉ុន្តែពុំបានលទ្ធផលអ្វីឡើយ លើរឿងយកពន្ធនេះ។ លោក ត្រាំ មិនបានសន្យាថា នឹងបន្តលើកលែងការយកពន្ធដ៏ពីអឺរ៉ុបដែលបាននាំចូលដែកថែប និងអាលុយមីញ៉ូម ក្នុងទំហំទឹកប្រាក់ច្រើនជាង៧.៧ពាន់លានដុល្លារ ក្នុងឆ្នាំ២០១៧ ។ បន្ទាប់ពីត្រឡប់មកផ្ទះដោយមិនបានអ្វី លោកស្រីអធិការបតីអាល្លឺម៉ង់បញ្ជាក់ថា អឺរ៉ុប មានការតាំងចិត្តដើម្បីការពារប្រយោជន៍របស់ខ្លួន ក្នុងក្របខណ្ឌពាណិជ្ជកម្ម ពហុភាគី។
តាមពិតទៅ អឺរ៉ុប ព្រមទាំងប្រទេសសម្ព័ន្ធមិត្តជិតដិតរបស់អាមេរិកមួយចំនួនទៀត មានឈ្មោះក្នុងបញ្ជី ដែលត្រូវលើកលែងការអនុវត្តពន្ធ ពីសំណាក់រដ្ឋបាលលោក ត្រាំ ខណៈចិន ជាមុខព្រួញសំខាន់របស់អាមេរិក។ សម្ព័ន្ធមិត្តអាមេរិក បានព្យាយាមចរចាជាមួយរដ្ឋបាលក្រុងវ៉ាស៊ីនតោន ដើម្បីបានរួចផុតពីការដំឡើងងពន្ធដ៏ខ្ពស់នេះ។ អឺរ៉ុប បានគំរាមរួចស្រេចហើយ ក្នុងការដាក់ពន្ធលើទំនិញអាមេរិក បើអាមេរិកហ៊ានយកពន្ធដែកថែប និងអាលុយមីញ៉ូមមែន។
លើករណីពន្ធនេះ លោក ម៉ាក្រុង ក៏ធ្លាប់រំឭកអាមេរិកដែរ និងបានប្រាប់អាមេរិក មិនត្រូវយកសម្ព័ន្ធមិត្តធ្វើសត្រូវឡើយ។ ក្នុងដំណើរទស្សនកិច្ចផ្លូវរដ្ឋនៅអាមេរិក ប្រធានាធិបតីបារាំង បានប្រាប់សភាអាមេរិកថា អាមេរិកមិនត្រូវធ្វើសង្គ្រាមពាណិជ្ជកម្មជាមួយសម្ព័ន្ធមិត្តឡើយ។ យ៉ាងណាមិញ បើអាមេរិកពិតជាយកពន្ធពីអឺរ៉ុបមែន អឺរ៉ុបក៏មិននៅស្ងៀមដែរ និងទំនងចាត់វិធានការឆ្លើយតប ដូចដែលចិនបានធ្វើដាក់អាមេរិកដូច្នោះដែរ៕
Tag:
បារាំង
អាល្លឺម៉ង់
អង់គ្លេស
អាមេរិក
ពន្ធ
© រក្សាសិទ្ធិដោយ thmeythmey.com
