Salah ឈ្នះពាន របស់សមាគមអ្នកសរសេរព័ត៌មានកីឡាអាជីព FWA ប្រចាំឆ្នាំ២០១៨

កីឡាអន្តរជាតិ

អន្តរជាតិ

Salah ឈ្នះពាន របស់សមាគមអ្នកសរសេរព័ត៌មានកីឡាអាជីព FWA ប្រចាំឆ្នាំ២០១៨

01, May 2018 , 5:40 pm

រូបភាព

Salah ក្លាយជានិមិត្តរូបរបស់ពលរដ្ឋអេហ្ស៊ីប។ រូបថត AFP

ដោយ: ទេព ពិទូរ្យ

Mohamed Salah ខ្សែប្រយុទ្ធឆ្នើមរបស់ Liverpool ឈ្នះពានរង្វាន់ FWA of the Year របស់សមាគមអ្នកសរសេរព័ត៌មានកីឡាអាជីព Football Writers' Association Footballer ប្រចាំរដូវកាល ២០១៧-២០១៨។

Salah បានក្លាយជាម្ចាស់ពាន FWA of the Year ឆ្នាំ២០១៨ ក្រោយឈ្នះសំឡេងឆ្នោតលើសគូប្រជែង Kevin De Bruyne ខ្សែបម្រើរបស់ Manchester City ពីការបោះឆ្នោតរបស់សមាជិកអ្នកសរសេរព័ត៌មានកីឡាអាជីព (FWA) ជាង ៤០០នាក់ ចំនួន២០សំឡេង ខណៈ Harry Kane ខ្សែប្រយុទ្ធឆ្នើមរបស់ Tottenham Hostspur បានលេខ៣។

កីឡាករសញ្ជាតិអេហ្ស៊ីបរូបនេះ បានក្លាយជាកីឡាករអាហ្វ្រិកទី១ ដែលទទួលបានពានរង្វាន់របស់សមាគមអ្នកសរសេរព័ត៌មានកីឡាអាជីព មុនពេលឈ្នះពាន PFA Player of the Year រួចហើយកាលពីថ្មីៗនេះ ក្រោយផ្លាស់មកកាន់ទីកដី Anfield សម្រាប់រដូវកាលដំបូង។

ខ្សែប្រយុទ្ធវ័យ២៥ឆ្នាំ បានចាប់ផ្តើមរដូវកាលទី១ដ៏អស្ចារ្យនៅលើទឹកដីអង់គ្លេសនៃក្របខណ្ឌ Premier League ក្រោយចាកចេញពី Roma មកចូលរួមជាមួយ Liverpool រដូវកាលនេះ និងជាកីឡាករទី៣របស់ហង្សក្រហមដែលឈ្នះ FWA of the Year បន្ទាប់ពី Steven Gerrard ឈ្នះកាលពីឆ្នាំ២០០៩ និង Luis Suarez ក្នុងឆ្នាំ២០១៤៕