ជាតិ
នយោបាយជាតិ
លោក សម រង្ស៊ី បង្កើតខិត្តប័ណ្ណ ដែលបង្ហាញថា បើមិនទៅបោះឆ្នោត គឺគាំទ្រ CNRP បើទៅ គឺគាំទ្រ CPP
រូបពីហ្វេសបុករបស់លោក សម រង្ស៊ី
×![]()
ដោយ: ថ្មីៗ
លោក សម រង្ស៊ី អតីតប្រធានគណបក្សសង្គ្រោះជាតិ និងបច្ចុប្បន្នជាប្រធានចលនាសង្គ្រោះជាតិ បានបង្ហោះខិត្តប័ណ្ណលើទំព័រហ្វេសប៊ុក ដែលបង្ហាញពីជម្រើសពីរយ៉ាង ដល់ប្រជាពលរដ្ឋ គឺទី១ ទៅបោះឆ្នោត និងទី២ មិនទៅបោះឆ្នោត។
ខ្លឹមសារក្នុងខិត្តប័ណ្ណរបស់លោក សម រង្ស៊ី បញ្ជាក់ថា អ្នកដែលជ្រើសរើសយកជម្រើសទី១ គឺបង្ហាញពីការគាំទ្រគណបក្សសង្គ្រោះជាតិ (CNRP) ក្នុងចិត្ត ហើយចង់ឲ្យគណបក្សនេះ ដឹកនាំប្រទេស ឯអ្នកដែលជ្រើសរើសយកជម្រើសទី២ គឺបង្ហាញពីការគាំទ្រគណបក្សប្រជាជនកម្ពុជា (CPP)។ លោក បានអំពាវនាវយ៉ាងដូច្នេះថា៖«សូមចែកចាយខិត្តប័ណ្ណនេះ ជុំវិញបងប្អូនជនរួមជាតិ និងក្មួយៗគ្រប់គ្នា»។
លោក សម រង្ស៊ី ដែលកំពុងនិរទេស បានអំពាវនាវដល់ប្រជាពលរដ្ឋ កុំឲ្យទៅបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ ប្រសិនបើមិនមានគណបក្សសង្គ្រោះជាតិ។ លោក បានហៅការបោះឆ្នោត ដែលមិនមានគណបក្សសង្គ្រោះជាតិ ថាជាការបោះឆ្នោតក្លែងក្លាយ។
អតីតប្រធានគណបក្សប្រឆាំងរូបនេះ ថែមទាំងចាត់ទុកការចូលរួមរបស់គណបក្សដទៃ ថាគ្រាន់តែដើម្បីលម្អឆាកល្ខោនឲ្យរបបដឹកនាំសព្វថ្ងៃ បានបន្តកាន់អំណាចប៉ុណ្ណោះ។ សម្រាប់លោក ក្រៅពីគណបក្សសង្គ្រោះជាតិ គណបក្សដទៃ មិនមែនជាដៃគូប្រកួតរបស់គណបក្សកាន់អំណាចឡើយ។
ផ្ទុយពីលោក សម រង្ស៊ី និងក្រុមប្រឆាំង គណបក្សកាន់អំណាច បានសម្តែងស្វាគមន៍ចំពោះគណបក្សនានា ដែលយកពាក្យទៅដាក់នៅគណៈកម្មាធិការជាតិរៀបចំបោះឆ្នោត (គ.ជ.ប.) ដើម្បីចូលរួមប្រកួតក្នុងការបោះឆ្នោត។ ចំពោះការយល់ឃើញរបស់សម្តេច ហ៊ុន សែន ប្រធានគណបក្សប្រជាជនកម្ពុជា ការចូលរួមរបស់គណបក្សទាំងនោះ គឺបង្ហាញថាកម្ពុជា កំពុងគោរពនិងអនុវត្តលទ្ធិប្រជាធិបតេយ្យ។
ចំណែកលោក សុខ ឥសាន អ្នកនាំពាក្យគណបក្សប្រជាជនកម្ពុជា បានអះអាងថា ទោះជាគ្មានគណបក្សសង្គ្រោះជាតិក៏ដោយ ក៏ការបោះឆ្នោត នៅតែដំណើរការតាមគោលការណ៍ច្បាប់ និងប្រជាធិបតេយ្យ។ អ្នកនាំពាក្យគណបក្សកាន់អំណាចរូបនេះ សន្និដ្ឋានថា ប្រជាពលរដ្ឋភាគច្រើន នឹងទៅបោះឆ្នោត ដោយមិនបោះបង់ឱកាសនេះ តាមការអំពាវនាវរបស់មេគណបក្សប្រឆាំងឡើយ។
មកដល់ពេលនេះ គណបក្សប្រជាជនកម្ពុជា ដែលកំពុងដឹកនាំរដ្ឋាភិបាល និងគណបក្សមួយចំនួនទៀត បានយកពាក្យទៅដាក់នៅគ.ជ.ប. រួចហើយ ដើម្បីត្រៀមចូលរួមប្រកួតប្រជែងក្នុងការបោះឆ្នោត។ ការចុះឈ្មោះនេះ នឹងបិទបញ្ចប់នៅថ្ងៃទី១៤ ខែឧសភា ឆ្នាំ២០១៨៕
ខ្លឹមសារក្នុងខិត្តប័ណ្ណរបស់លោក សម រង្ស៊ី បញ្ជាក់ថា អ្នកដែលជ្រើសរើសយកជម្រើសទី១ គឺបង្ហាញពីការគាំទ្រគណបក្សសង្គ្រោះជាតិ (CNRP) ក្នុងចិត្ត ហើយចង់ឲ្យគណបក្សនេះ ដឹកនាំប្រទេស ឯអ្នកដែលជ្រើសរើសយកជម្រើសទី២ គឺបង្ហាញពីការគាំទ្រគណបក្សប្រជាជនកម្ពុជា (CPP)។ លោក បានអំពាវនាវយ៉ាងដូច្នេះថា៖«សូមចែកចាយខិត្តប័ណ្ណនេះ ជុំវិញបងប្អូនជនរួមជាតិ និងក្មួយៗគ្រប់គ្នា»។
លោក សម រង្ស៊ី ដែលកំពុងនិរទេស បានអំពាវនាវដល់ប្រជាពលរដ្ឋ កុំឲ្យទៅបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ ប្រសិនបើមិនមានគណបក្សសង្គ្រោះជាតិ។ លោក បានហៅការបោះឆ្នោត ដែលមិនមានគណបក្សសង្គ្រោះជាតិ ថាជាការបោះឆ្នោតក្លែងក្លាយ។
អតីតប្រធានគណបក្សប្រឆាំងរូបនេះ ថែមទាំងចាត់ទុកការចូលរួមរបស់គណបក្សដទៃ ថាគ្រាន់តែដើម្បីលម្អឆាកល្ខោនឲ្យរបបដឹកនាំសព្វថ្ងៃ បានបន្តកាន់អំណាចប៉ុណ្ណោះ។ សម្រាប់លោក ក្រៅពីគណបក្សសង្គ្រោះជាតិ គណបក្សដទៃ មិនមែនជាដៃគូប្រកួតរបស់គណបក្សកាន់អំណាចឡើយ។
ផ្ទុយពីលោក សម រង្ស៊ី និងក្រុមប្រឆាំង គណបក្សកាន់អំណាច បានសម្តែងស្វាគមន៍ចំពោះគណបក្សនានា ដែលយកពាក្យទៅដាក់នៅគណៈកម្មាធិការជាតិរៀបចំបោះឆ្នោត (គ.ជ.ប.) ដើម្បីចូលរួមប្រកួតក្នុងការបោះឆ្នោត។ ចំពោះការយល់ឃើញរបស់សម្តេច ហ៊ុន សែន ប្រធានគណបក្សប្រជាជនកម្ពុជា ការចូលរួមរបស់គណបក្សទាំងនោះ គឺបង្ហាញថាកម្ពុជា កំពុងគោរពនិងអនុវត្តលទ្ធិប្រជាធិបតេយ្យ។
ចំណែកលោក សុខ ឥសាន អ្នកនាំពាក្យគណបក្សប្រជាជនកម្ពុជា បានអះអាងថា ទោះជាគ្មានគណបក្សសង្គ្រោះជាតិក៏ដោយ ក៏ការបោះឆ្នោត នៅតែដំណើរការតាមគោលការណ៍ច្បាប់ និងប្រជាធិបតេយ្យ។ អ្នកនាំពាក្យគណបក្សកាន់អំណាចរូបនេះ សន្និដ្ឋានថា ប្រជាពលរដ្ឋភាគច្រើន នឹងទៅបោះឆ្នោត ដោយមិនបោះបង់ឱកាសនេះ តាមការអំពាវនាវរបស់មេគណបក្សប្រឆាំងឡើយ។
មកដល់ពេលនេះ គណបក្សប្រជាជនកម្ពុជា ដែលកំពុងដឹកនាំរដ្ឋាភិបាល និងគណបក្សមួយចំនួនទៀត បានយកពាក្យទៅដាក់នៅគ.ជ.ប. រួចហើយ ដើម្បីត្រៀមចូលរួមប្រកួតប្រជែងក្នុងការបោះឆ្នោត។ ការចុះឈ្មោះនេះ នឹងបិទបញ្ចប់នៅថ្ងៃទី១៤ ខែឧសភា ឆ្នាំ២០១៨៕
Tag:
បោះឆ្នោត
សម រង្ស៊ី
ហ៊ុន សែន
© រក្សាសិទ្ធិដោយ thmeythmey.com
