ជាតិ
ទូតជប៉ុននឹងប្រារព្ធខួប២៥ឆ្នាំនៃមរណភាព លោក តាកាតា អតីតមន្ត្រីអ៊ុនតាក់
× ស្ថានទូតជប៉ុនប្រចាំប្រទេសកម្ពុជា នឹងរៀបចំពិធី រំលឹកខួប២៥ឆ្នាំ នៃមរណភាពរបស់លោក ហារីយូគី តាកាតា (Haruyuki Takata) នៅវត្តតាំងកសាងខាងត្បូង រាជធានីភ្នំពេញ នាថ្ងៃទី៤ ខែឧសភា ឆ្នាំ២០១៨។
លោក ហារីយូគី តាកាតា ជាអតីតមន្រី្តប៉ូលីសជប៉ុន ដែលរដ្ឋាភិបាលជប៉ុនបញ្ជូនមកកម្ពុជា ក្នុងប្រតិបត្តិការថែរក្សាសន្តិភាពរបស់អង្គការសហជាតិនៅកម្ពុជា (អ៊ុនតាក់) ។ លោក តាកាតា បានទទួលមរណភាព ក្នុងវ័យ៣៣ឆ្នាំ នៅថ្ងៃទី៤ ខែឧសភា ឆ្នាំ១៩៩៣ ក្រោយខ្មាន់កាំភ្លើងមួយក្រុមបាញ់សម្លាប់ក្នុងអំឡុងពេលបំពេញបេសកម្មនៅកម្ពុជា។
ពិធីរំលឹកខួប២៥ឆ្នាំនៃមរណភាពមន្ត្រីអង្គការសហប្រជាជាតិរូបនេះ នឹងមានការចូលរូមពី ឯកអគ្គរាជទូតជប៉ុនប្រចាំកម្ពុជា តំណាង រាជរដ្ឋាភិបាលកម្ពុជា តំណាងសមាគមន៍ជនជាតិជប៉ុននៅកម្ពុជា និងអ្នកសារព័ត៌មានជាតិ និងអន្តរជាតិ ៕
Tag:
ភ្នំពេញ
ស្ថានទូតជប៉ុន
© រក្សាសិទ្ធិដោយ thmeythmey.com