Cristiano Ronaldo កីឡាករឆ្នើមរបស់ Real Madrid បានប្រាប់មិត្តភក្តិរបស់ខ្លួនថា នៅតែស្រឡាញ់អតីតមិត្តស្រីគឺនាង Irina Shayk ដោយនិយាយថា «នាងគឺជានារីម្នាក់ដែលបានទៅឆ្ងាយពីខ្ញុំហើយ»។
បើតាមការផ្សាយរបស់ The Sun មិត្តភក្តិរបស់ Ronaldo បាននិយាយថា៖« Ronaldo នៅតែស្រលាញ់គេ (Irina) ទោះគេមិនស្រលាញ់វិញក៏ដោយ។ គាត់សោកស្តាយពីការបែកបាក់ ហើយនៅតែយកចិត្តទុកដាក់ចំពោះជីវិតរបស់នាងដដែល»។
CR7 ដែលមានវ័យ៣៣ឆ្នាំ បានប្រាប់ពីមូលហេតុដែលខ្លួនត្រូវចែកផ្លូវជាមួយនាង Irina គឺដោយសារតែនាងចង់បានកូនមួយជាមួយខ្លួន តែត្រូវរូបគេបដិសេធ។ បដិសេធ ក៏ព្រោះកាលនោះ អតីតសមាជិក Manchester United មានកូនប្រុសម្នាក់រួចហើយគឺ Cristiano Jnr ហើយរូបគេចង់ផ្តោតតែលើបាល់ទាត់មួយមុខប៉ុណ្ណោះ។
មិត្តភក្តិ Ronaldo ក៏បានបន្ថែមទៀតថា រូបគេមិនដែលគិតថា Irina ចាកចេញពីខ្លួននោះទេ។
យ៉ាងណាក៏ដោយ រហូតមកដល់បច្ចុប្បន្ននេះ នាង Irina វ័យ ៣២ឆ្នាំ បានមានទំនាក់ទំនងជាមួយតារាភាពយន្តលោក Bradley Cooper ហើយថែមទាំងបានកូនស្រីម្នាក់ឈ្មោះ Lea de Seine ទៀតផង។
Irina និងមិត្តប្រុសជាតារាភាពយន្ត Bradley Cooper រួមទាំងកូនស្រី
ចំណែកម្ចាស់ពាន Ballons d’Or ៥សម័យក៏មានមិត្តស្រីថ្មីសញ្ជាតិអេស្ប៉ាញវ័យ ២៣ឆ្នាំនាង Georgina Rodriguez កាលពីឆ្នាំ២០១៦ ហើយបានបង្កើតកូនស្រីម្នាក់ឈ្មោះ RonaldoAlana Martina កាលពីខែវិច្ឆិកាកន្លងទៅ។ ទារិកា Alana Martina កំពុងរសនៅជាមួយកូនប្រុសច្បង Cristiano Jnr អាយុ ៧ ឆ្នាំនិងកូនភ្លោះអាយុ ១០ ខែ Eva និង Mateo ដែលស្ថិតក្នុងបន្ទុករបស់ ខ្លួន។
Ronaldo ក៏បាននិយាយបែបកំប្លែងថា កូនទាំង៤នាក់នៅមិនទាន់គ្រប់គ្រាន់ទេ ហើយប្រសិនបើអាចរូបគេនឹងយកឲ្យបាន៣នាក់ទៀត ដើម្បីគ្រប់ ៧នាក់៕