កីឡាអន្តរជាតិ
អន្តរជាតិ
Gerrard នឹងក្លាយជាអ្នកចាត់ការថ្មីរបស់ Rangers
× Steven Gerrard នឹងត្រូវប្រកាសជាអ្នកចាត់ការថ្មីរបស់ Rangers នៃលីកកីឡាបាល់ទាត់កំពូលស្កុតឡែននៅថ្ងៃសុក្រទី៤ ខែឧសភានេះ។ នេះបើតាមការផ្សាយរបស់ BBC។
អតីតខ្សែបម្រើក្រុម Liverpool វ័យ៣៧ឆ្នាំ នឹងជំនួសលោក Graeme Murty ដែលដឹកនាំ Rangers បណ្តោះអាសន្ន ក្រោយការបញ្ចប់តំណែងលោក Pedro Caixinha កាលពីខែតុលា ឆ្នាំ២០១៧។
អតីតប្រធានក្រុមជម្រើសជាតិអង់គ្លេសរូបនេះ បានបង្ហាញខ្លួនចំនួន ៧១០លើក និងឈ្នះពានរង្វាន់ចំនួន ៩ អំឡុងពេលរួមរស់ជាមួយ Liverpool រយៈពេល១៩ ឆ្នាំ។
រូបគេក៏បានបង្ហាញខ្លួនឲ្យក្រុមជម្រើស ១១៤ប្រកួតផងដែរ និងបានដឹកនាំក្រុមតោកំណាចនៅក្នុងការប្រកួតសម្រាប់ព្រឹត្តិការណ៍សំខាន់ៗចំនួន ៣ ក្នុងចំណោមការប្រកួតធំៗទាំង៦ ក្នុងនាមជាប្រធានក្រុម។
Gerrard បានសម្រេចចូលនិវត្តន៍ពីកីឡាករបាល់ទាត់នៅឆ្នាំ ២០១៦ ហើយបានចូលរួមជាមួយក្រុមយុវជនរបស់ Liverpool នៅទឹកដី Anfield បន្ទាប់ពីបដិសេធសំណើក្លាយជាអ្នកចាត់ការក្លិប MK Dons នៃក្របខណ្ឌ League One៕
Tag:
បាល់ទាត់
Steven Gerrard
Rangers
Liverpool
© រក្សាសិទ្ធិដោយ thmeythmey.com