ពីនេះ ពីនោះ
×![]()
ដោយ: ថ្មីៗ
ពាក្យ «ខ្មែរក្រហម» ត្រូវបានប្រើសំដៅទៅលើបក្សកុម្មុយនិស្តកម្ពុជា។ ប្រជាជនកម្ពុជាភាគច្រើនមិនបានដឹងថា តើនរណាជាមេដឹកនាំប្រទេសកម្ពុជាក្នុងរយៈកាល២ឆ្នាំដំបូងនៃរបបខ្មែរក្រហមឡើយ។ មិនតែប៉ុណ្ណោះ ប្រជាជនកម្ពុជាភាគច្រើនក៏មិនបានដឹងអំពីការកើតមានបក្សកុម្មុយនិស្តកម្ពុជាតាំងពីពេលណាមកដែរ។ ការសម្ងាត់គឺមានសារៈសំខាន់ណាស់សម្រាប់មេដឹកនាំខ្មែរក្រហម។ 
«អង្គការ»ឬ«អង្គការថ្នាក់លើ» គឺជាពាក្យដែលត្រូវបានប្រើប្រាស់សម្រាប់តំណាងឲ្យអំណាចគ្រប់ជាន់ថ្នាក់របស់កម្មាភិបាលខ្មែរក្រហម និងជាឪពុកម្តាយពិតប្រាកដរបស់ប្រជាជនកម្ពុជាដែលអាចកំណត់ពីអាយុជីវិតរបស់ប្រជាជនទាំងអស់។ កម្មាភិបាលខ្មែរក្រហមបានប្រាប់ប្រជាជនគ្រប់រូបថា អង្គការគឺជា «អង្គការភ្នែកម្នាស់»ដែលតែងតែដឹងអ្វីៗគ្រប់យ៉ាងពីប្រជាជន។ ដូច្នេះប្រជាជនទាំងអស់ត្រូវតែធ្វើអ្វីៗតាមការបញ្ជារបស់ខ្មែរក្រហម។
(ដកស្រង់ពីមជ្ឈមណ្ឌលឯកសារកម្ពុជា)
Tag:
ពន្យល់ពាក្យ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
