FIFA
កីឡាអន្តរជាតិ
អន្តរជាតិ
Ronaldo និង Mourinho កាលជាគ្រូនិងសិស្សនៅ Real Madrid
×![]()
ដោយ: ទេព ពិទូរ្យ
លោក Jose Mourinho ជឿជាក់ថាក្រុមកីឡាបាល់ទាត់ជម្រើសជាតិព័រទុយហ្គាល់មានសមត្ថភាពឈ្នះពានរង្វាន់ FIFA World Cup ឆ្នាំ២០១៨ នៅរុស្ស៊ី ដោយសារមានវត្តមានកីឡាករ Cristiano Ronaldo។ ក្រៅពីនេះអ្នកចាត់ការទូទៅក្រុម Manchester United ក៏បានសរសើរក្រុមអាហ្សង់ទីនដែលមាន Lionel Messi ដែរ។ នេះបើតាមការចុះផ្សាយរបស់ Goal.com។
តារាឆ្នើមរបស់ក្លិប Real Madrid បានដើរតួនាទីយ៉ាងសំខាន់ក្នុងការជួយឲ្យព័រទុយហ្គាល់ទទួលជោគជ័យនៅ Euro ឆ្នាំ២០១៦ ដោយយកឈ្នះម្ចាស់ផ្ទះបារាំង បើទោះបីរូបគេបានរងរបួសនៅដើមតង់ទី១ក្នុងការប្រកួតវគ្គផ្ដាច់ព្រ័ត្រក៏ដោយ។
អ្នកចាត់ការទូទៅសញ្ជាតិព័រទុយហ្គាល់ វ័យ៥៥ឆ្នាំ បានរម្លឹកពីស្នាដៃរបស់ម្ចាស់ពានរង្វាន់ Ballon d'Or ៥សម័យក្នុងព្រឹត្តិពានអឺរ៉ុបនោះ ដោយលើកឡើងថា Ronaldo នៅតែមានឥទ្ធិពលក្នុងការប្រកួតបាល់ទាត់ពិភពលោកលើកទី២២ នៅរុស្ស៊ីដដែល។
«ព័រទុយហ្គាល់មានសមាសភាពកីឡាករគួរឲ្យចាប់អារម្មណ៍។ ប៉ុន្តែបើគ្មាន Ronaldo វានឹងមិនអាចទៅរួចនោះទេ»។ អតីតអ្នកចាត់ការ Real Madrid បានប្រាប់ ESPN ដូច្នេះ។
ទន្ទឹមនឹងនេះដែរ Mourinho ក៏ជឿជាក់ថាអាហ្សង់ទីនជាគូប្រជែងដ៏ខ្លាំងក្លាមួយដែរដើម្បីដណ្តើមពានរង្វាន់នេះ ដោយសារពួកគេមានកីឡាករឆ្នើមម្នាក់គឺ Lionel Messi។
«ខ្ញុំជឿជាក់ថាក្រុមជម្រើសជាតិអាហ្សង់ទីនបើគ្មាន Messi ទេពួកគេនឹងមិនមែនជាគូប្រយុទ្ធដែលគួរឲ្យខ្លាចនោះទេ»។ អ្នកចាត់ការរហស្សនាម Special One និយាយដូច្នេះ ដោយលើកហេតុផលថាវត្តមានរបស់ក្រុមលោក Jorge Sampaoli នៅ World Cup លើកនេះ គឺពឹងផ្អែកលើតារាឆ្នើមរបស់ Barcelona ទាំងស្រុង។ ម្ចាស់ពាន Ballon d'Or ៥សម័យ វ័យ៣១រូបនេះ បានស៊ុតបាល់បញ្ចូលទី៣គ្រាប់ឲ្យអាហ្សង់ទីន ទល់នឹងអេក្វាឌ័រ ក្នុងវគ្គជម្រុះក្នុងតំបន់អាមេរិកឡាទីន ដើម្បីបានកៅអីទៅរុស្ស៊ីខែក្រោយនេះ៕
តារាឆ្នើមរបស់ក្លិប Real Madrid បានដើរតួនាទីយ៉ាងសំខាន់ក្នុងការជួយឲ្យព័រទុយហ្គាល់ទទួលជោគជ័យនៅ Euro ឆ្នាំ២០១៦ ដោយយកឈ្នះម្ចាស់ផ្ទះបារាំង បើទោះបីរូបគេបានរងរបួសនៅដើមតង់ទី១ក្នុងការប្រកួតវគ្គផ្ដាច់ព្រ័ត្រក៏ដោយ។
អ្នកចាត់ការទូទៅសញ្ជាតិព័រទុយហ្គាល់ វ័យ៥៥ឆ្នាំ បានរម្លឹកពីស្នាដៃរបស់ម្ចាស់ពានរង្វាន់ Ballon d'Or ៥សម័យក្នុងព្រឹត្តិពានអឺរ៉ុបនោះ ដោយលើកឡើងថា Ronaldo នៅតែមានឥទ្ធិពលក្នុងការប្រកួតបាល់ទាត់ពិភពលោកលើកទី២២ នៅរុស្ស៊ីដដែល។
«ព័រទុយហ្គាល់មានសមាសភាពកីឡាករគួរឲ្យចាប់អារម្មណ៍។ ប៉ុន្តែបើគ្មាន Ronaldo វានឹងមិនអាចទៅរួចនោះទេ»។ អតីតអ្នកចាត់ការ Real Madrid បានប្រាប់ ESPN ដូច្នេះ។
ទន្ទឹមនឹងនេះដែរ Mourinho ក៏ជឿជាក់ថាអាហ្សង់ទីនជាគូប្រជែងដ៏ខ្លាំងក្លាមួយដែរដើម្បីដណ្តើមពានរង្វាន់នេះ ដោយសារពួកគេមានកីឡាករឆ្នើមម្នាក់គឺ Lionel Messi។
«ខ្ញុំជឿជាក់ថាក្រុមជម្រើសជាតិអាហ្សង់ទីនបើគ្មាន Messi ទេពួកគេនឹងមិនមែនជាគូប្រយុទ្ធដែលគួរឲ្យខ្លាចនោះទេ»។ អ្នកចាត់ការរហស្សនាម Special One និយាយដូច្នេះ ដោយលើកហេតុផលថាវត្តមានរបស់ក្រុមលោក Jorge Sampaoli នៅ World Cup លើកនេះ គឺពឹងផ្អែកលើតារាឆ្នើមរបស់ Barcelona ទាំងស្រុង។ ម្ចាស់ពាន Ballon d'Or ៥សម័យ វ័យ៣១រូបនេះ បានស៊ុតបាល់បញ្ចូលទី៣គ្រាប់ឲ្យអាហ្សង់ទីន ទល់នឹងអេក្វាឌ័រ ក្នុងវគ្គជម្រុះក្នុងតំបន់អាមេរិកឡាទីន ដើម្បីបានកៅអីទៅរុស្ស៊ីខែក្រោយនេះ៕
Tag:
បាល់ទាត់
FIFA World Cup
Jose Mourinho
Cristiano Ronaldo
Lionel Messi
© រក្សាសិទ្ធិដោយ thmeythmey.com
