FIFA
កីឡាអន្តរជាតិ
អន្តរជាតិ
ត្រាំ ធានាដល់ FIFA ថានយោបាយអាមេរិកមិនប៉ះពាល់ដល់ការធ្វើម្ចាស់ផ្ទះ World Cup 2026 ឡើយ
×![]()
ដោយ: ទេព ពិទូរ្យ
ប្រធានាធិបតីអាមេរិកលោក ដូណាល់ ត្រាំ បានធានាដល់សហព័ន្ធកីឡាបាល់ទាត់អន្តរជាតិ (FIFA) ថាគោលនយោបាយរឹតត្បិតលើការធ្វើដំណើរចូលមកសហរដ្ឋអាមេរិកពីបណ្តាប្រទេសមូស្លីមនឹងមិនប៉ះពាល់ដល់សក្តានុពលនៃការធ្វើម្ចាស់ផ្ទះការប្រកួតពានរង្វាន់ FIFA World Cup ឆ្នាំ២០២៦ ពីសំណាក់ប្រទេសអាមេរិកខាងជើងឡើយ។
បើតាមការផ្សាយរបស់ Yahoo Sport នៅក្នុងលិខិតមួយផ្ញើទៅកាន់ស្ថាប័នគ្រប់គ្រងកីឡាបាល់ទាត់ពិភពលោកកាលពីសប្តាហ៍មុន រដ្ឋបាលលោកត្រាំបានសរសេរថាប្រសិនបើអាមេរិក, ម៉ិកស៊ិក និងកាណាដា ឈ្នះការបោះឆ្នោតថ្ងៃទី ១៣ ខែមិថុនាសម្រាប់សិទ្ធិធ្វើម្ចាស់ផ្ទះព្រឹត្តិការណ៍បាល់ទាត់ពិភពលោកឆ្នាំ ២០២៦ មែននោះ «អត្តពលិក មន្ត្រី និងអ្នកគាំទ្រមកពីគ្រប់ប្រទេសទាំងអស់នៅជុំវិញពិភពលោកនឹងអាចចូលទៅកាន់ទឹកដីអាមេរិកដោយគ្មានការរើសអើង»។
ប្រភពដដែលបញ្ជាក់ថា លិខិតនេះមិនត្រូវបានផ្សព្វផ្សាយជាសាធារណៈនោះទេតែលោក Decio de Maria ប្រធានសហព័ន្ធកីឡាបាល់ទាត់ម៉ិកស៊ិកបានបង្ហាញផ្នែកខ្លះនៅក្នុងសុន្ទរកថានៅទីក្រុងប្រ៊ុចសែលកាលពីថ្ងៃទី៨ ខែឧសភា ដោយចង់បញ្ជាក់ពីការប៉ុនប៉ងបំបាត់ការព្រួយបារម្ភអំពីបញ្ហាគោនយោបាយអន្តោប្រវេសន៍របស់អាមេរិក។
លោក De Maria ដែលជាសហប្រធានគណៈកម្មាធិការដេញថ្លៃក្នុងចំណោមប្រទេសទាំង៣បាននិយាយថា៖ «រដ្ឋាភិបាលទាំង៣របស់យើងបានផ្តល់ការធានាដ៏រឹងមាំដែលអ្នកទាំងអស់គ្នាត្រូវការ រួមទាំងសុវត្ថិភាពដែលអាចទុកចិត្តបាន និងផ្តល់ភាពងាយស្រួលសម្រាប់កីឡាករ និងគ្រប់អ្នកគាំទ្រទាំងអស់»។
ដូចអ្វីដែលអាមេរិកបានធានារួចមកហើយក្នុងការប្រកួតកីឡាអូឡាំពិកឆ្នាំ២០២៨ នៅទីក្រុង Los Angeles នោះ ពួកគេលើកឡើងថា មានបំណងចេញទិដ្ឋាការទៅតាមច្បាប់របស់អាមេរិកដោយមិនរើសអើងពូជសាសន៍ ពណ៌សម្បុរ ឬជនជាតិណានោះទេ សម្រាប់អ្នកដែលមកចូលរួមក្នុងព្រឹត្តិការណ៍ពហុកីឡាលំដាប់ពិភពលោក៕
បើតាមការផ្សាយរបស់ Yahoo Sport នៅក្នុងលិខិតមួយផ្ញើទៅកាន់ស្ថាប័នគ្រប់គ្រងកីឡាបាល់ទាត់ពិភពលោកកាលពីសប្តាហ៍មុន រដ្ឋបាលលោកត្រាំបានសរសេរថាប្រសិនបើអាមេរិក, ម៉ិកស៊ិក និងកាណាដា ឈ្នះការបោះឆ្នោតថ្ងៃទី ១៣ ខែមិថុនាសម្រាប់សិទ្ធិធ្វើម្ចាស់ផ្ទះព្រឹត្តិការណ៍បាល់ទាត់ពិភពលោកឆ្នាំ ២០២៦ មែននោះ «អត្តពលិក មន្ត្រី និងអ្នកគាំទ្រមកពីគ្រប់ប្រទេសទាំងអស់នៅជុំវិញពិភពលោកនឹងអាចចូលទៅកាន់ទឹកដីអាមេរិកដោយគ្មានការរើសអើង»។
ប្រភពដដែលបញ្ជាក់ថា លិខិតនេះមិនត្រូវបានផ្សព្វផ្សាយជាសាធារណៈនោះទេតែលោក Decio de Maria ប្រធានសហព័ន្ធកីឡាបាល់ទាត់ម៉ិកស៊ិកបានបង្ហាញផ្នែកខ្លះនៅក្នុងសុន្ទរកថានៅទីក្រុងប្រ៊ុចសែលកាលពីថ្ងៃទី៨ ខែឧសភា ដោយចង់បញ្ជាក់ពីការប៉ុនប៉ងបំបាត់ការព្រួយបារម្ភអំពីបញ្ហាគោនយោបាយអន្តោប្រវេសន៍របស់អាមេរិក។
លោក De Maria ដែលជាសហប្រធានគណៈកម្មាធិការដេញថ្លៃក្នុងចំណោមប្រទេសទាំង៣បាននិយាយថា៖ «រដ្ឋាភិបាលទាំង៣របស់យើងបានផ្តល់ការធានាដ៏រឹងមាំដែលអ្នកទាំងអស់គ្នាត្រូវការ រួមទាំងសុវត្ថិភាពដែលអាចទុកចិត្តបាន និងផ្តល់ភាពងាយស្រួលសម្រាប់កីឡាករ និងគ្រប់អ្នកគាំទ្រទាំងអស់»។
ដូចអ្វីដែលអាមេរិកបានធានារួចមកហើយក្នុងការប្រកួតកីឡាអូឡាំពិកឆ្នាំ២០២៨ នៅទីក្រុង Los Angeles នោះ ពួកគេលើកឡើងថា មានបំណងចេញទិដ្ឋាការទៅតាមច្បាប់របស់អាមេរិកដោយមិនរើសអើងពូជសាសន៍ ពណ៌សម្បុរ ឬជនជាតិណានោះទេ សម្រាប់អ្នកដែលមកចូលរួមក្នុងព្រឹត្តិការណ៍ពហុកីឡាលំដាប់ពិភពលោក៕
Tag:
បាល់ទាត់
FIFA World Cup
ដូណាល់ ត្រាំ
© រក្សាសិទ្ធិដោយ thmeythmey.com
