កីឡាអន្តរជាតិ
អន្តរជាតិ
ទោះបីមិនបានលេងឲ្យ PSG បីខែ តែ Neymar នៅតែឈ្នះពានកីឡាករឆ្នើមប្រចាំឆ្នាំ
រូបភាពពី AFP
×![]()
ដោយ: ទេព ពិទូរ្យ
Neymar ខ្សែប្រយុទ្ធរបស់ Paris Saint-Germain ឈ្នះពានកីឡាករឆ្នើមប្រចាំឆ្នាំ (French player of the year prize) នៃលីគកីឡាបាល់ទាត់កំពូលបារាំង Ligue 1 ក្នុងរដូវកាលដំបូងរបស់ខ្លួន បើទោះជាអវត្តមានពីការរងបួសជើងរយៈពេលជាង៣ខែក៏ដោយ។
កីឡាករថ្លៃជាងគេលើលោកដែល PSG ទិញពី Barcelona កាលពីដើមរដូវកាល រកគ្រាប់បាល់បញ្ចូលទីបាន ១៩ គ្រាប់ក្នុងការបង្ហាញខ្លួនក្នុងលីក ២០ប្រកួត មុនពេលរងរបួសជើងកាលពីចុងខែកុម្ភៈដែលតម្រូវឲ្យរូបគេវះកាត់នៅប្រេស៊ីល និងអាក់ខានចូលទីលានប្រកួតតាំងពីពេលនោះមក។
បើទោះបីមិនបានជួយក្រុមក្នុងរយៈពេលចុងក្រោយក្តី ប៉ុន្តែខ្សែប្រយុទ្ធវ័យ២៦ឆ្នាំរូបនេះបានបង្ហាញទម្រង់លេងដ៏អស្ចារ្យនៅដើមរដូវកាលសម្រាប់ក្រុមដែលមានមូលដ្ឋានក្នុងក្រុងប៉ារីសដើម្បីឈ្នះពាន French player of the year prize ក្នុងរដូវកាលដំបូងរបស់គេនៅបារាំង។
«ខ្ញុំពិតជារំភើប និងសប្បាយរីករាយណាស់ជាមួយនឹងរដូវកាលរបស់យើង ហើយវាជាកិត្ដិយសមួយដោយមានការចូលរួមពីមិត្តរួមក្រុមរបស់ខ្ញុំ។ ខ្ញុំនឹងមិនទទួលបានពាននេះទេ ប្រសិនជាមិនមានពួកគាត់»។ នេះជាការលើកឡើងរបស់ Neymar ក្រោយទទួលពានពីមិត្តរួមជាតិ Ronaldo នៅឯពិធីប្រគល់ពានរង្វាន់នៅទីក្រុងប៉ារីស ថ្ងៃទី ១៣ ខែឧសភា ឆ្នាំ២០១៨។
អតីតសមាជិកក្រុម Sao Paulo ក៏ត្រូវបានអ្នកការសែតសួរសំណួរអំពីអនាគតរបស់គេក្រោយលេចលឺដំណឹងពីការចង់បានពីក្រុមយក្សអេស្ប៉ាញ Real Madrid។ ប៉ុន្តែយ៉ាងណាក៏ដោយ Neymar បានបដិសេធមិនឆ្លើយនឹងសំនួររបស់អ្នកកាសែតនោះឡើយ។
«យើងនិយាយអំពីរឿងទាំងនេះគ្រប់ពេលមុនទ្វារដូរដោះកីឡាករជិតចូលមកដល់។ ប៉ុន្តែ ខ្ញុំមិនចង់និយាយអ្វីនៅពេលនេះទេ។ អ្នករាល់គ្នាដឹងហើយថាហេតុអ្វីបានជាខ្ញុំមកទីនេះ និងអ្វីដែលជាគោលបំណងរបស់ខ្ញុំ។ ឥឡូវនេះខ្ញុំផ្តោតតែលើ World Cup ប៉ុណ្ណោះ រឿងផ្ទេរខ្ញុំមិនចង់និយាយទេ»។ Neymar ប្រាប់អ្នកការសែតដូច្នេះ៕
កីឡាករថ្លៃជាងគេលើលោកដែល PSG ទិញពី Barcelona កាលពីដើមរដូវកាល រកគ្រាប់បាល់បញ្ចូលទីបាន ១៩ គ្រាប់ក្នុងការបង្ហាញខ្លួនក្នុងលីក ២០ប្រកួត មុនពេលរងរបួសជើងកាលពីចុងខែកុម្ភៈដែលតម្រូវឲ្យរូបគេវះកាត់នៅប្រេស៊ីល និងអាក់ខានចូលទីលានប្រកួតតាំងពីពេលនោះមក។
បើទោះបីមិនបានជួយក្រុមក្នុងរយៈពេលចុងក្រោយក្តី ប៉ុន្តែខ្សែប្រយុទ្ធវ័យ២៦ឆ្នាំរូបនេះបានបង្ហាញទម្រង់លេងដ៏អស្ចារ្យនៅដើមរដូវកាលសម្រាប់ក្រុមដែលមានមូលដ្ឋានក្នុងក្រុងប៉ារីសដើម្បីឈ្នះពាន French player of the year prize ក្នុងរដូវកាលដំបូងរបស់គេនៅបារាំង។
«ខ្ញុំពិតជារំភើប និងសប្បាយរីករាយណាស់ជាមួយនឹងរដូវកាលរបស់យើង ហើយវាជាកិត្ដិយសមួយដោយមានការចូលរួមពីមិត្តរួមក្រុមរបស់ខ្ញុំ។ ខ្ញុំនឹងមិនទទួលបានពាននេះទេ ប្រសិនជាមិនមានពួកគាត់»។ នេះជាការលើកឡើងរបស់ Neymar ក្រោយទទួលពានពីមិត្តរួមជាតិ Ronaldo នៅឯពិធីប្រគល់ពានរង្វាន់នៅទីក្រុងប៉ារីស ថ្ងៃទី ១៣ ខែឧសភា ឆ្នាំ២០១៨។
អតីតសមាជិកក្រុម Sao Paulo ក៏ត្រូវបានអ្នកការសែតសួរសំណួរអំពីអនាគតរបស់គេក្រោយលេចលឺដំណឹងពីការចង់បានពីក្រុមយក្សអេស្ប៉ាញ Real Madrid។ ប៉ុន្តែយ៉ាងណាក៏ដោយ Neymar បានបដិសេធមិនឆ្លើយនឹងសំនួររបស់អ្នកកាសែតនោះឡើយ។
«យើងនិយាយអំពីរឿងទាំងនេះគ្រប់ពេលមុនទ្វារដូរដោះកីឡាករជិតចូលមកដល់។ ប៉ុន្តែ ខ្ញុំមិនចង់និយាយអ្វីនៅពេលនេះទេ។ អ្នករាល់គ្នាដឹងហើយថាហេតុអ្វីបានជាខ្ញុំមកទីនេះ និងអ្វីដែលជាគោលបំណងរបស់ខ្ញុំ។ ឥឡូវនេះខ្ញុំផ្តោតតែលើ World Cup ប៉ុណ្ណោះ រឿងផ្ទេរខ្ញុំមិនចង់និយាយទេ»។ Neymar ប្រាប់អ្នកការសែតដូច្នេះ៕
Tag:
បាល់ទាត់
Neymar
Paris Saint-Germain
player of the year prize
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ម៉ោង
