កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
លោក Arsene Wenger បានច្រានចោលឱកាសកាន់តំណែងអ្នកចាត់ការទូទៅក្រុម Paris Saint-Germain ដោយសារលោកចង់បានការងារជាអ្នកដឹកនាំក្រុមជម្រើសជាតិបារាំង ក្រោយចាកចេញពី Arsenal នៅបញ្ចប់រដូវកាល ២០១៧-២០១៨។ នេះបើយោងតាមការផ្សាយរបស់ The Sun។
អ្នកចាត់ការទូទៅសញ្ជាតិបារាំង បានប្រកាសពីការចាកចេញពី Arsenal នៅចុងរដូវកាលនេះ កាលពីថ្ងៃទី២០ ខែមេសា បន្ទាប់ពីលោកបានកាន់តំណែងអស់រយៈពេលជិត២២ឆ្នាំ។
បើទោះបីការដឹកនាំរបស់ Wenger ក្នុងរដូវកាលចុងក្រោយរបស់លោក មិនអាចជួយក្រុមកាំភ្លើងធំទទួលបានជោគជ័យក្តី ក៏មានបណ្តាក្លិបធំៗនៅអឺរ៉ុបមួយចំនួន ចង់បានអ្នកចាត់ការវ័យ៦៨ឆ្នាំនេះទៅដឹកនាំក្រុមដែរ។
តួយ៉ាងដូចជាប្រធានក្លិប PSG លោក Nasser Al-Khelaifi ដែលបានចិញ្ចឹមចិត្ត និងព្យាយាមជាច្រើនដងមកហើយ ក្នុងការចង់បានគ្រូបង្វឹកដែលមានបទពិសោធក្រាស់ក្រែលបែបនេះមកកាន់ទឹកដី Parc des Princes។
បើតាមរបាយការណ៍ពីសារព័ត៌មានអន្តរជាតិបានលើកឡើងថា លោក Thomas Tuchel ជាបេក្ខភាពនាំមុខគេ ក្នុងការជំនួសតំណែងលោក Unai Emery នៅរដូវកាលក្រោយ។ ប៉ុន្តែក្លិបយក្សបារាំងចង់បាន Wenger ដើម្បីជួយស្វែងរកជ័យជម្នះក្នុងក្របខណ្ឌ Champions League។
តែយ៉ាងណាក៏ដោយ ក្តីសង្ឃឹមរបស់ Al-Khelaifi ហាក់ដូចជាបាត់បង់អស់ទៅហើយ ខណៈពេលសារព័ត៌មាន Daily Star បានកត់សម្គាល់ឃើញថា Wenger ចង់ទៅដឹកនាំក្រុមកីឡាបាល់ទាត់ជម្រើសជាតិបារាំងបន្ទាប់ពីការប្រកួត World Cup នៅរុស្ស៊ីត្រូវបញ្ចប់។
ប្រភពដែលជិតស្និទ្ធនឹង Wenger បាននិយាយទៀតថា អ្នកចាត់ការសញ្ជាតិបារាំងរូបនេះ កំពុងចាប់អារម្មណ៍ខ្លាំង ក្នុងការឡើងទៅជំនួសកៅអី លោក Didier Deschamps ដែលបានដឹកនាំក្រុមរហស្សនាមមាន់គក រយៈពេល ៦ ឆ្នាំមកហើយនោះ៕
អ្នកចាត់ការទូទៅសញ្ជាតិបារាំង បានប្រកាសពីការចាកចេញពី Arsenal នៅចុងរដូវកាលនេះ កាលពីថ្ងៃទី២០ ខែមេសា បន្ទាប់ពីលោកបានកាន់តំណែងអស់រយៈពេលជិត២២ឆ្នាំ។
បើទោះបីការដឹកនាំរបស់ Wenger ក្នុងរដូវកាលចុងក្រោយរបស់លោក មិនអាចជួយក្រុមកាំភ្លើងធំទទួលបានជោគជ័យក្តី ក៏មានបណ្តាក្លិបធំៗនៅអឺរ៉ុបមួយចំនួន ចង់បានអ្នកចាត់ការវ័យ៦៨ឆ្នាំនេះទៅដឹកនាំក្រុមដែរ។
តួយ៉ាងដូចជាប្រធានក្លិប PSG លោក Nasser Al-Khelaifi ដែលបានចិញ្ចឹមចិត្ត និងព្យាយាមជាច្រើនដងមកហើយ ក្នុងការចង់បានគ្រូបង្វឹកដែលមានបទពិសោធក្រាស់ក្រែលបែបនេះមកកាន់ទឹកដី Parc des Princes។
បើតាមរបាយការណ៍ពីសារព័ត៌មានអន្តរជាតិបានលើកឡើងថា លោក Thomas Tuchel ជាបេក្ខភាពនាំមុខគេ ក្នុងការជំនួសតំណែងលោក Unai Emery នៅរដូវកាលក្រោយ។ ប៉ុន្តែក្លិបយក្សបារាំងចង់បាន Wenger ដើម្បីជួយស្វែងរកជ័យជម្នះក្នុងក្របខណ្ឌ Champions League។
តែយ៉ាងណាក៏ដោយ ក្តីសង្ឃឹមរបស់ Al-Khelaifi ហាក់ដូចជាបាត់បង់អស់ទៅហើយ ខណៈពេលសារព័ត៌មាន Daily Star បានកត់សម្គាល់ឃើញថា Wenger ចង់ទៅដឹកនាំក្រុមកីឡាបាល់ទាត់ជម្រើសជាតិបារាំងបន្ទាប់ពីការប្រកួត World Cup នៅរុស្ស៊ីត្រូវបញ្ចប់។
ប្រភពដែលជិតស្និទ្ធនឹង Wenger បាននិយាយទៀតថា អ្នកចាត់ការសញ្ជាតិបារាំងរូបនេះ កំពុងចាប់អារម្មណ៍ខ្លាំង ក្នុងការឡើងទៅជំនួសកៅអី លោក Didier Deschamps ដែលបានដឹកនាំក្រុមរហស្សនាមមាន់គក រយៈពេល ៦ ឆ្នាំមកហើយនោះ៕
Tag:
បាល់ទាត់
Arsene Wenger
Paris Saint-Germain
Arsenal
© រក្សាសិទ្ធិដោយ thmeythmey.com
