កីឡាអន្តរជាតិ
×![]()
ដោយ: សារព័ត៌មានថ្មីៗ
ក្រុម Manchester United បើទោះបីទទួលបានត្រឹមជើងឯករងប៉ុន្តែពួកគេអាចរកប្រាក់ចំណូលបានច្រើនជាង Manchester City ដែលឈ្នះជើងឯក Premier League ប្រចាំរដូវកាល ២០១៧-២០១៨។ នេះបើតាមការផ្សាយរបស់ BBC។
ក្រុមរបស់លោក Jose Mourinho ដែលបានបញ្ចប់ទៅក្នុងចំណាត់ថ្នាក់លេខ ២ ទទួលបានប្រាក់ចំណូលសរុបពីក្របខណ្ឌកំពូលអង់គ្លេសចំនួន ១៤៩,៧៧ លានផោន (២០២.៣៤លានដុល្លារ) លើសក្រុមលោក Pep Guardiola ប្រហែល ៤៥ម៉ឺនដុល្លារ។
ការទូទាត់ប្រាក់ចំណូលរបស់ក្រុមទាំង២០ នៅ Premier League ត្រូវបានចែកចេញជា៣ផ្សេងគ្នា ដោយក្នុងនោះប្រាក់៥០ភាគរយត្រូវផ្តល់ឲ្យក្រុមនិមួយៗស្មើគ្នា ២៥ភាគរយត្រូវបង់ឲ្យក្រុមដោយផ្អែកលើចំនួនការប្រកួតដែលបានផ្សាយផ្ទាល់ក្នុងកញ្ជក់ទូរទស្សន៍នៅចក្រភពអង់គ្លេស ហើយ២៥ភាគរយទៀត ត្រូវបង់ឲ្យក្រុមដោយគិតតាមចំណាត់ថ្នាក់ពីលេខ១ ដល់២០ រួមទាំងពាណិជ្ជកម្ម និងការផ្សព្វផ្សាយ។
រាល់ការផ្សាយផ្សាយផ្ទាល់មួយលើក ក្រុមនិមួយៗទទួលបាន ៣លានដុល្លារ ហើយបើសរុបការផ្សាយរបស់ក្រុមទាំងអស់ក្នុងរដូវកាលនេះមានចំនួនទឹកប្រាក់រហូតដល់ ៣.២៧ពាន់លានដុល្លារឯណោះ។
ក្រុមរហស្សនាមបិសាចក្រហមបានផ្សាយការប្រកួតនៅលើទឹកដីអង់គ្លេសបានចំនួន២៨លើកក្នុងរដូវកាលនេះ ដែលស្មើ Liverpool និងArsenal ហើយ Man City បាន២៦លើក។
ក្រុមមេឃខៀវទទួបានទឹកប្រាក់ ៣៨.៦៣លានផោន (៥២.១៩លានដុល្លារ) ក្នុងនាមក្រុមដែលទទួលបានចំណាត់ថ្នាក់ទី១ នៃក្របខណ្ឌលីគកំពូលអង់គ្លេស លើសក្រុម Man Utd ចំនួន ២.៦១លានដុល្លារ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
