អន្តរជាតិ
ភ្នាក់ងារស៊ើអង្កេត៖ លុយដែលរឹបអូសពីខុនដូកូនលោក ណាជីប មានតម្លៃសរុប ២៩លានដុល្លារ
×![]()
ដោយ: ថ្មីៗ
ក្រោយចំណាយពេលបីថ្ងៃរាប់លុយដែលរឹបអូសបានពីខុនដូកូនអតីតនាយករដ្ឋមន្ត្រីលោក ណាជីប រ៉ាហ្សាក់នោះ ប្រធាននាយកដ្ឋានស៊ើបអង្កេតបទឧក្រិដ្ឋពាណិជ្ជកម្មបានប្រកាសថា លុយទាំងនោះមានទំហំសរុប ២៩ លានដុល្លារឯណោះ។ ចំណែកនាឡិកា និងគ្រឿងអលង្ការជាច្រើនផ្សេងទៀតនោះ គេមិនទាន់កំណត់តម្លៃសរុបបាននៅឡើយទេ។
កាលពីថ្ងៃសុក្រសប្តាហ៍មុន ប៉ូលិសរឹបអូសយកកាបូបសរុបទាំងអស់ ៧២ ក្នុងនោះមានកាបូប ៣៥ មានផ្ទុកលុយពេញ ហើយកាបូប ៣៧ ផ្សេងទៀតនោះមានផ្ទុកនាឡិកា និងគ្រឿងអលង្ការប៉ុណ្ណោះ។
បើតាមការចុះផ្សាយរបស់ទូរទស្សន៍សិង្ហបុរី Channel News Asia ទំហំលុយនៅក្នុងកាបូបទាំង ៣៥ នោះត្រូវបានគេដឹងច្បាស់ហើយនៅថ្ងៃសុក ដោយប្រធាននាយកដ្ឋានស៊ើបអង្កេតបទឧក្រិដ្ឋពាណិជ្ជកម្មAmar Singh បានបញ្ជាក់ដោយផ្ទាល់។
លោក Amar Singh បានបកស្រាយថា លុយដែលរឹបអូសបាននោះមានមកពី ២៦ ប្រទេសផ្សេងគ្នា។ វាត្រូវបានគេរាប់ចាប់ពីថ្ងៃ ២១ ដល់ថ្ងៃ ២៣ បានអស់ ដោយប្រើប្រាស់បុគ្គលិកធនាគារ ២២នាក់ (ធនាគារជាតិ និងធនាគារម៉ាឡេស៊ី ឥស្លាម) និងប្រើម៉ាស៊ីនរាប់ ១២ គ្រឿងផង។
ក្រោយរាប់រួចរាល់ គេរកឃើញថា លុយទាំងនោះមានតម្លៃសរុបរហូតដល់ ២៩ លានដុល្លារឯណោះ។ ប៉ុន្តែចំពោះនាឡិកា និងគ្រឿងអលង្ការនៅក្នុងកាបូប ៣៧ ផ្សេងទៀតនោះមិនទាន់ត្រូវបានអ្នកជំនាញវាយតម្លៃជារួមឡើយ។
តាមពិតទៅ លុយនិងគ្រឿងអលង្ការទាំងអស់នោះត្រូវបានរឹបអូសពីខុនដូចំនួនបីផ្សេងគ្នា ដោយខុនដូពីរជារបស់កូនប្រុស និងកូនស្រីរបស់លោក ណាជីប រ៉ាហ្សាក់ ដែលជាអតីតនាយករដ្ឋមន្ត្រី និងជាប់ពាក់ព័ន្ធអំពើពុករលួយក្នុងមូលនិធិ 1MDB នោះ។ ចំណែកខុនដូទីបីនោះមិនមានមនុស្សរស់នៅឡើយ។
លោក Sign ក៏បានបកស្រាយផងដែរថា ការចែកចាយរូបភាពមួយចំនួនដែលបង្ហាញពីលុយនៅតាមជញ្ជាំង និងដុំមាស តាមបណ្តាញទំនាក់ទំនងសង្គមកន្លងមកនោះជារូបភាពក្លែងក្លាយ។ ប្រធានក្រុមស៊ើបអង្កេតនេះបានសង្កត់ធ្ងន់ថា រូបភាពមិនត្រូវបានគេថតឡើយពេលចុះរឹបអូសវត្ថុតាងទាំងនោះ ហើយមន្ត្រីទាំងអស់លើកលែងតែមេក្រុម និងអនុប្រធានប៉ុណ្ណោះដែលមានទូរសព្ទព្រោះពួកគេត្រូវទំនាក់ទំនងមកលោកពេលចុះប្រតិបត្តិការ។
លោក Sign ក៏បានស្នើសុំឲ្យសាធារណជនបញ្ឈប់ការចែកចាយរូបភាពក្លែងក្លាយដែលធ្វើឲ្យប៉ះពាល់ដល់ដំណើរការស៊ើបអង្កេតទៀតដែរ។
សូមបញ្ជាក់ថា កាលពីថ្ងៃសុក្រសប្តាហ៍មុន ប៉ូលិសបានរឹបអូសបានវត្ថុតាងជាច្រើនក្នុងប្រតិបត្តិការឆែកឆេរស្វែងរកឯកសារពាក់ព័ន្ធសំណុំរឿងពុករលួយ 1MDB។ ក្រៅពីកាបូបចំនួន ៧២ ដែលមានដាក់លុយ និងគ្រឿងអលង្ការពេញនោះ ប៉ូលិសបានក៏រឹបអូសបានកាបូបយួរថ្លៃៗចំនួន ២៨៤ ផ្សេងទៀតមានខ្លះជាម៉ាកល្បីៗដូចជា Hermes និង Louis Vuitton។
-បក្ស UMNO សុំឲ្យប៉ូលិសប្រគល់លុយឲ្យបក្សវិញ
ស្របពេលដែលប៉ូលិសបន្តស៊ើបអង្កេត និងចេញផ្សាយតម្លៃលុយដែលគេរឹបអូសបានពីតាំងពាក់ព័ន្ធអតីតប្រធានបក្ស UMNO និងនាយករដ្ឋមន្ត្រី ណាជីប គណបក្ស UMNO ដែលមានមេដឹកនាំថ្មីនោះបានស្នើឲ្យប៉ូលិសប្រគលលុយឲ្យបក្សវិញ។
ទីភ្នាក់ងារព័ត៌មាន Reuters បានស្រង់សេចក្តីថ្លែងការណ៍របស់គណបក្សនេះដូច្នេះ៖« លុយទាំងនោះជាវិភាគទានរបស់សមាជិកបក្សដែលនៅសល់ក្រោយការឃោសនាបោះឆ្នោត ហើយវាត្រូវបានរឹបអូសស្របពេលដែលវិភាគទានទាំងនោះត្រូវផ្ទេរទៅមេដឹកនាំបក្សថ្មី»។
សេចក្តីថ្លែងការណ៍ដដែលនោះបន្តថា៖«ដូចហេតុនេះហើយ ខាងគណបក្សសូមស្នើសុំឲ្យខាងសមត្ថកិច្ចជួយប្រគល់វិភាគទានទាំងនោះត្រឡប់មកបក្សវិញ ក្រោយពេលដែលខ្លួនបញ្ចប់នីតិវិធីស៊ើបអង្កេតហើយនោះ»។
លោក ណាជីប ចុះចេញពីតំណែងជាប្រធានបទ ក្រោយពេលដែលសម្ព័ន្ធបក្សប្រឆាំង Pakatan Harapan ដឹកនាំដោយលោក មហាធៀ មហាម៉ាត់ឈ្នះឆ្នោតថ្ងៃ ៩ ខែឧសភា។ លោក ណា ជីប ទទួលស្គាល់លទ្ធផល ប៉ុន្តែលោកអះអាងថា ការបោះឆ្នោតមិនយុត្តិធម៌ឡើយសម្រាប់បក្សលោក។
ដោយឡែក កាលពីឆ្នាំ ២០០៣ ពេលដែលលោក មហាធៀ មហាម៉ាត់ ចុះចេញពីតំណែងជានាយករដ្ឋមន្ត្រី និងចេញពីតំណែងជាប្រធានបក្សលោក ក៏បានផ្ទេរហិរញ្ញវត្ថុដែលមានទំហំ ៣០១ លានដុល្លាររបស់បក្សទៅឲ្យបក្សវិញដែរ៕
កាលពីថ្ងៃសុក្រសប្តាហ៍មុន ប៉ូលិសរឹបអូសយកកាបូបសរុបទាំងអស់ ៧២ ក្នុងនោះមានកាបូប ៣៥ មានផ្ទុកលុយពេញ ហើយកាបូប ៣៧ ផ្សេងទៀតនោះមានផ្ទុកនាឡិកា និងគ្រឿងអលង្ការប៉ុណ្ណោះ។
បើតាមការចុះផ្សាយរបស់ទូរទស្សន៍សិង្ហបុរី Channel News Asia ទំហំលុយនៅក្នុងកាបូបទាំង ៣៥ នោះត្រូវបានគេដឹងច្បាស់ហើយនៅថ្ងៃសុក ដោយប្រធាននាយកដ្ឋានស៊ើបអង្កេតបទឧក្រិដ្ឋពាណិជ្ជកម្មAmar Singh បានបញ្ជាក់ដោយផ្ទាល់។
លោក Amar Singh បានបកស្រាយថា លុយដែលរឹបអូសបាននោះមានមកពី ២៦ ប្រទេសផ្សេងគ្នា។ វាត្រូវបានគេរាប់ចាប់ពីថ្ងៃ ២១ ដល់ថ្ងៃ ២៣ បានអស់ ដោយប្រើប្រាស់បុគ្គលិកធនាគារ ២២នាក់ (ធនាគារជាតិ និងធនាគារម៉ាឡេស៊ី ឥស្លាម) និងប្រើម៉ាស៊ីនរាប់ ១២ គ្រឿងផង។
ក្រោយរាប់រួចរាល់ គេរកឃើញថា លុយទាំងនោះមានតម្លៃសរុបរហូតដល់ ២៩ លានដុល្លារឯណោះ។ ប៉ុន្តែចំពោះនាឡិកា និងគ្រឿងអលង្ការនៅក្នុងកាបូប ៣៧ ផ្សេងទៀតនោះមិនទាន់ត្រូវបានអ្នកជំនាញវាយតម្លៃជារួមឡើយ។
តាមពិតទៅ លុយនិងគ្រឿងអលង្ការទាំងអស់នោះត្រូវបានរឹបអូសពីខុនដូចំនួនបីផ្សេងគ្នា ដោយខុនដូពីរជារបស់កូនប្រុស និងកូនស្រីរបស់លោក ណាជីប រ៉ាហ្សាក់ ដែលជាអតីតនាយករដ្ឋមន្ត្រី និងជាប់ពាក់ព័ន្ធអំពើពុករលួយក្នុងមូលនិធិ 1MDB នោះ។ ចំណែកខុនដូទីបីនោះមិនមានមនុស្សរស់នៅឡើយ។
លោក Sign ក៏បានបកស្រាយផងដែរថា ការចែកចាយរូបភាពមួយចំនួនដែលបង្ហាញពីលុយនៅតាមជញ្ជាំង និងដុំមាស តាមបណ្តាញទំនាក់ទំនងសង្គមកន្លងមកនោះជារូបភាពក្លែងក្លាយ។ ប្រធានក្រុមស៊ើបអង្កេតនេះបានសង្កត់ធ្ងន់ថា រូបភាពមិនត្រូវបានគេថតឡើយពេលចុះរឹបអូសវត្ថុតាងទាំងនោះ ហើយមន្ត្រីទាំងអស់លើកលែងតែមេក្រុម និងអនុប្រធានប៉ុណ្ណោះដែលមានទូរសព្ទព្រោះពួកគេត្រូវទំនាក់ទំនងមកលោកពេលចុះប្រតិបត្តិការ។
លោក Sign ក៏បានស្នើសុំឲ្យសាធារណជនបញ្ឈប់ការចែកចាយរូបភាពក្លែងក្លាយដែលធ្វើឲ្យប៉ះពាល់ដល់ដំណើរការស៊ើបអង្កេតទៀតដែរ។
សូមបញ្ជាក់ថា កាលពីថ្ងៃសុក្រសប្តាហ៍មុន ប៉ូលិសបានរឹបអូសបានវត្ថុតាងជាច្រើនក្នុងប្រតិបត្តិការឆែកឆេរស្វែងរកឯកសារពាក់ព័ន្ធសំណុំរឿងពុករលួយ 1MDB។ ក្រៅពីកាបូបចំនួន ៧២ ដែលមានដាក់លុយ និងគ្រឿងអលង្ការពេញនោះ ប៉ូលិសបានក៏រឹបអូសបានកាបូបយួរថ្លៃៗចំនួន ២៨៤ ផ្សេងទៀតមានខ្លះជាម៉ាកល្បីៗដូចជា Hermes និង Louis Vuitton។
-បក្ស UMNO សុំឲ្យប៉ូលិសប្រគល់លុយឲ្យបក្សវិញ
ស្របពេលដែលប៉ូលិសបន្តស៊ើបអង្កេត និងចេញផ្សាយតម្លៃលុយដែលគេរឹបអូសបានពីតាំងពាក់ព័ន្ធអតីតប្រធានបក្ស UMNO និងនាយករដ្ឋមន្ត្រី ណាជីប គណបក្ស UMNO ដែលមានមេដឹកនាំថ្មីនោះបានស្នើឲ្យប៉ូលិសប្រគលលុយឲ្យបក្សវិញ។
ទីភ្នាក់ងារព័ត៌មាន Reuters បានស្រង់សេចក្តីថ្លែងការណ៍របស់គណបក្សនេះដូច្នេះ៖« លុយទាំងនោះជាវិភាគទានរបស់សមាជិកបក្សដែលនៅសល់ក្រោយការឃោសនាបោះឆ្នោត ហើយវាត្រូវបានរឹបអូសស្របពេលដែលវិភាគទានទាំងនោះត្រូវផ្ទេរទៅមេដឹកនាំបក្សថ្មី»។
សេចក្តីថ្លែងការណ៍ដដែលនោះបន្តថា៖«ដូចហេតុនេះហើយ ខាងគណបក្សសូមស្នើសុំឲ្យខាងសមត្ថកិច្ចជួយប្រគល់វិភាគទានទាំងនោះត្រឡប់មកបក្សវិញ ក្រោយពេលដែលខ្លួនបញ្ចប់នីតិវិធីស៊ើបអង្កេតហើយនោះ»។
លោក ណាជីប ចុះចេញពីតំណែងជាប្រធានបទ ក្រោយពេលដែលសម្ព័ន្ធបក្សប្រឆាំង Pakatan Harapan ដឹកនាំដោយលោក មហាធៀ មហាម៉ាត់ឈ្នះឆ្នោតថ្ងៃ ៩ ខែឧសភា។ លោក ណា ជីប ទទួលស្គាល់លទ្ធផល ប៉ុន្តែលោកអះអាងថា ការបោះឆ្នោតមិនយុត្តិធម៌ឡើយសម្រាប់បក្សលោក។
ដោយឡែក កាលពីឆ្នាំ ២០០៣ ពេលដែលលោក មហាធៀ មហាម៉ាត់ ចុះចេញពីតំណែងជានាយករដ្ឋមន្ត្រី និងចេញពីតំណែងជាប្រធានបក្សលោក ក៏បានផ្ទេរហិរញ្ញវត្ថុដែលមានទំហំ ៣០១ លានដុល្លាររបស់បក្សទៅឲ្យបក្សវិញដែរ៕
Tag:
ណាជីប រ៉ាហ្សាក់
Amar Signh
© រក្សាសិទ្ធិដោយ thmeythmey.com
