អន្តរជាតិ
លោក ម៉ាក្រុងផ្តល់សញ្ជាតិដល់បុរសម៉ាលីដែលបានប្តូរជីវិតទៅសង្គ្រោះកុមារម្នាក់
×![]()
ដោយ: ធីតា
លោក Mamoudou Gassama បានលោតតាមជញ្ជាំងពីមួយជាន់ទៅមួយជាន់ដើម្បីសង្គ្រោះកុមារអាយុ៤ឆ្នាំម្នាក់ ដែលប្រឹងតោងយ៉រផ្ទះដើម្បីកុំឲ្យធ្លាក់ទៅក្រោម។ សកម្មភាពរបស់យុវជនអន្តោប្រវេសន៍ខុសច្បាប់ម៉ាលីរូបនេះ ទទួលបាននូវការកោតសរសើរយ៉ាងខ្លាំង ហើយគ្រប់គ្នាបានចាត់ទុកលោកជាវីរបុរស ឬបុរសពីងពាង។
រូបភាពវីដេអូ ស្តីពីសកម្មភាពរបស់លោក Gasama កាលពីថ្ងៃសៅរ៍ បានផ្សព្វផ្សាយពេញប្រទេសបារាំង និងពាសពេញពិភពលោក។ នៅថ្ងៃចន្ទ លោកប្រធានាធិបតីបារាំង អេម៉ានុយអែល ម៉ាក្រុង ហៅវីរបុរសនេះទៅជួប។
បើតាមការផ្សាយរបស់ AFP ប្រមុខវិមាន Elysee បានសម្រេចផ្តល់សញ្ជាតិបារាំង ដល់ជនអន្តោប្រវេសន៍ម៉ាលីរូបនោះ និងព្រមទាំងបញ្ចូលឈ្មោះទៅក្នុងក្រុមការងារពន្លត់អគ្គិភ័យផងដែរ។
លោក Benjamin Griveaux អ្នកនាំពាក្យរដ្ឋាភិបាលបារាំង បានបញ្ជាក់នៅលើ Twitter របស់ខ្លួនថា សកម្មភាពរបស់លោក Gassama ដែលប្រឹងតោងទៅជាន់ទីបួនដោយដៃទទេ ដើម្បីជួយសង្គ្រោះកុមារ ពិតជាមានតម្លៃខ្ពស់ខ្លាំងណាស់ និងជាគំរូដល់មនុស្សជាតិ។
តំណាងអង្គការក្រៅរដ្ឋាភិបាល លើកឡើងថា ទង្វើលោក Gassama សរបញ្ជាក់ឲ្យឃើញថា មនុស្សដែលស្ថិតក្នុងស្ថានភាពមិនប្រសើរ ក៏ជាមនុស្សមានតម្លៃខ្ពស់ផងដែរ ជាពិសេសភាពក្លាហានរបស់គាត់។
កាលពីថ្ងៃទី២០ ខែឧសភា មនុស្សជាច្រើនបានឃើញកុមារម្នាក់ប្រឹងតោងយ៉រផ្ទះនៅជាន់ទីបួន ភាគខាងជើងនៃទីក្រុងប៉ារីស។ មុនវត្តមានភ្នាក់ងារសង្គ្រោះ បុរសម្នាក់បានស្ម័គ្រចិត្តប្តូរជីវិតទៅជួយកុមារ ដោយឡើងពីមួយជាន់ទៅមួយជាន់យ៉ាងលឿនដូចជាពីងពាង។
ទីបំផុត Gassama អាយុ២២ឆ្នាំ បានជួយសង្គ្រោះកុមារដោយសុវត្ថិភាព។ គេបានថ្លែងប្រាប់ AFP ថា៖ «ខ្ញុំបានឮសំឡេងមនុស្សជាច្រើនកំពុងស្រែក រថយន្តកំពុងរោទិ៍ម៉ាស៊ីន។ ខ្ញុំបន្តឡើង ហើយអរគុណព្រះជាម្ចាស់ ខ្ញុំបានសង្គ្រោះកុមារទាន់ពេល»។
ជុំវិញករណីនេះ ឪពុករបស់កុមារ ត្រូវបានស្ថិតនៅក្រោមការឃ្លាំមើលរបស់ប៉ូលិស ហើយប្រឈមនឹងការចោទប្រកាន់ពីបទធ្វេសប្រហែស ខណៈពេលនោះ ម្តាយរបស់កុមារមិនបានស្ថិតនៅក្នុងក្រុងប៉ារីសឡើយ។
Gassama បានរៀបរាប់ថា គេបានចាកចេញពីម៉ាលីនៅឆ្នាំ២០១៣ ដោយធ្វើដំណើរឆ្លងប្រទេសនីហ្សេ ប៊ួគីណាហ្វាសូ លីប៊ី ហើយបន្តតាមទូកចូលដល់អ៊ីតាលី មុននឹងទៅដល់បារាំង ក្នុងនាមជាជនអន្តោប្រវេសន៍ខុសច្បាប់៕
រូបភាពវីដេអូ ស្តីពីសកម្មភាពរបស់លោក Gasama កាលពីថ្ងៃសៅរ៍ បានផ្សព្វផ្សាយពេញប្រទេសបារាំង និងពាសពេញពិភពលោក។ នៅថ្ងៃចន្ទ លោកប្រធានាធិបតីបារាំង អេម៉ានុយអែល ម៉ាក្រុង ហៅវីរបុរសនេះទៅជួប។
បើតាមការផ្សាយរបស់ AFP ប្រមុខវិមាន Elysee បានសម្រេចផ្តល់សញ្ជាតិបារាំង ដល់ជនអន្តោប្រវេសន៍ម៉ាលីរូបនោះ និងព្រមទាំងបញ្ចូលឈ្មោះទៅក្នុងក្រុមការងារពន្លត់អគ្គិភ័យផងដែរ។
លោក Benjamin Griveaux អ្នកនាំពាក្យរដ្ឋាភិបាលបារាំង បានបញ្ជាក់នៅលើ Twitter របស់ខ្លួនថា សកម្មភាពរបស់លោក Gassama ដែលប្រឹងតោងទៅជាន់ទីបួនដោយដៃទទេ ដើម្បីជួយសង្គ្រោះកុមារ ពិតជាមានតម្លៃខ្ពស់ខ្លាំងណាស់ និងជាគំរូដល់មនុស្សជាតិ។
តំណាងអង្គការក្រៅរដ្ឋាភិបាល លើកឡើងថា ទង្វើលោក Gassama សរបញ្ជាក់ឲ្យឃើញថា មនុស្សដែលស្ថិតក្នុងស្ថានភាពមិនប្រសើរ ក៏ជាមនុស្សមានតម្លៃខ្ពស់ផងដែរ ជាពិសេសភាពក្លាហានរបស់គាត់។
កាលពីថ្ងៃទី២០ ខែឧសភា មនុស្សជាច្រើនបានឃើញកុមារម្នាក់ប្រឹងតោងយ៉រផ្ទះនៅជាន់ទីបួន ភាគខាងជើងនៃទីក្រុងប៉ារីស។ មុនវត្តមានភ្នាក់ងារសង្គ្រោះ បុរសម្នាក់បានស្ម័គ្រចិត្តប្តូរជីវិតទៅជួយកុមារ ដោយឡើងពីមួយជាន់ទៅមួយជាន់យ៉ាងលឿនដូចជាពីងពាង។
ទីបំផុត Gassama អាយុ២២ឆ្នាំ បានជួយសង្គ្រោះកុមារដោយសុវត្ថិភាព។ គេបានថ្លែងប្រាប់ AFP ថា៖ «ខ្ញុំបានឮសំឡេងមនុស្សជាច្រើនកំពុងស្រែក រថយន្តកំពុងរោទិ៍ម៉ាស៊ីន។ ខ្ញុំបន្តឡើង ហើយអរគុណព្រះជាម្ចាស់ ខ្ញុំបានសង្គ្រោះកុមារទាន់ពេល»។
ជុំវិញករណីនេះ ឪពុករបស់កុមារ ត្រូវបានស្ថិតនៅក្រោមការឃ្លាំមើលរបស់ប៉ូលិស ហើយប្រឈមនឹងការចោទប្រកាន់ពីបទធ្វេសប្រហែស ខណៈពេលនោះ ម្តាយរបស់កុមារមិនបានស្ថិតនៅក្នុងក្រុងប៉ារីសឡើយ។
Gassama បានរៀបរាប់ថា គេបានចាកចេញពីម៉ាលីនៅឆ្នាំ២០១៣ ដោយធ្វើដំណើរឆ្លងប្រទេសនីហ្សេ ប៊ួគីណាហ្វាសូ លីប៊ី ហើយបន្តតាមទូកចូលដល់អ៊ីតាលី មុននឹងទៅដល់បារាំង ក្នុងនាមជាជនអន្តោប្រវេសន៍ខុសច្បាប់៕
© រក្សាសិទ្ធិដោយ thmeythmey.com
