មេទ័ពកម្ពុជា យកបញ្ហាភេរវកម្ម ទៅនិយាយក្នុងកិច្ចប្រជុំកំពូលសន្តិសុខអាស៊ីលើកទី១៧

ជាតិ

មេទ័ពកម្ពុជា យកបញ្ហាភេរវកម្ម ទៅនិយាយក្នុងកិច្ចប្រជុំកំពូលសន្តិសុខអាស៊ីលើកទី១៧

01, Jun 2018 , 11:39 am

រូបភាព

រូបពីទំព័រហ្វេសបុករបស់នាយកដ្ឋានព័ត៌មាន អគ្គនាយកដ្ឋានយោធសេវា

ដោយ:

ឧបនាយករដ្ឋមន្ត្រី និងរដ្ឋមន្ត្រីក្រសួងការពារជាតិ សម្តេច ទៀ បាញ់ ដឹកនាំប្រតិភូយោធាជាន់ខ្ពស់ ទៅចូលរួមកិច្ចប្រជុំកំពូលសន្តិសុខអាស៊ីលើកទី១៧ នៅសាធារណរដ្ឋសឹង្ហបុរី នៅថ្ងៃនេះ រហូតដល់ថ្ងៃទី៣ ខែមិថុនា។

វិសាលភាពថ្មីនៃភេរវកម្ម និងការប្រឆាំងភេរវកម្ម គឺជាប្រធានបទ១ ក្នុងចំណោមប្រធានបទទាំង៥ ដែលសម្តេច ទៀ បាញ់ នឹងលើកឡើង ក្នុងកិច្ចប្រជុំនោះ។ នេះបើតាមសេចក្តីប្រកាសព័ត៌មានរបស់ក្រសួងការពារជាតិ។

ប្រធានបទ៤ទៀត គឺ ភាពជាអ្នកដឹកនាំរបស់អាមេរិក និងបញ្ហាប្រឈមនៃសន្តិសុខឥណ្ឌូប៉ាស៊ីកហ្វិក, ការទប់ស្កាត់វិបត្តិកូរ៉េខាងជើង, ការរៀបចំសណ្តាប់ធ្នាប់សន្តិសុខអាស៊ីដែលកំពុងវិវត្ត និងការលេចឡើងនូវរបាំងសម្រាប់កិច្ចសហប្រតិបត្តិការសន្តិសុខតំបន់។

ប្រភពដដែល បានឲ្យដឹងទៀតថា សម្តេច ទៀ បាញ់ ក៏នឹងជួបសំណេះសំណាលជាមួយលោកស្រី Ana Birchall ឧបនាយករដ្ឋមន្ត្រីរ៉ូម៉ានី ផងដែរ ជុំវិញកិច្ចសហប្រតិបត្តិការ នៃដៃគូយុទ្ធសាស្ត្ររ៉ូម៉ានី៕