ជាតិ
សង្គមជាតិ
សុខភាព
ក្នុងមួយឆ្នាំ អ្នកស្លាប់ដោយសារជក់បារីជាង១ម៉ឺននាក់ និងស្លាប់២លាននាក់ដោយសារតែស្រូបផ្សែងបារី
× ភ្នំពេញ៖ អ្នកស្លាប់ដោយសារតែជក់បារី មានចំនួន ១ម៉ឺននាក់ ខណៈអ្នកមានជំងឺបេះដូងត្រូវបានស្លាប់ដោយសារតែស្រូបផ្សែងបារីពីគេ មានចំនួន ២លាននាក់ជារៀងរាល់ឆ្នាំ។ នេះបើតាមការផ្សាយរបស់ទីភ្នាក់ងារសារព័ត៌មានកម្ពុជា។
បើតាមធានាគារពិភពលោក ក្នុងមួយឆ្នាំៗពិភពលោកចំណាយ ទឹកប្រាក់ចំនួន ២០០ពាន់លានដុល្លារ សម្រាប់ព្យាបាលអ្នកជំងឺដែលបណ្តាលមកពីជក់បារី ដែលក្នុងនោះទឹកប្រាក់៥០ភាគរយសម្រាប់ចំណាយទៅលើប្រទេសដែលកំពុងអភិវឌ្ឍន៍។
លោក លឹម ស៊ីវុតថា ឯកទេសជំងឺបេះដូងសរសៃឈាម នៃមន្ទីរពេទ្យ មិត្តភាពខ្មែរ-សូវៀត បាននិយាយថា ការជក់បារី បង្កឲ្យកកដុំកំណកខ្លាញ់លើផ្ទៃនៃសរសៃឈាម ដែលជាហេតុនាំឲ្យស្ទះសរសៃឈាមបេះដូងនៅពេលណាមួយ។ ជាពិសេសស្ទះសរសៃឈាមបេះដូង និងខួរក្បាល និងសរសៃឈាមផ្សេងទៀតផងដែរ។
បើតាមការបន្ថែមរបស់លោកវេជ្ជបណ្ឌិត ដដែលថា៖«ទោះបីអ្នកជំងឺបេះដូង សរសៃឈាម រួចផុតពីការបាត់បង់ជិវិតក៏ដោយ ប៉ុន្តែពួកគេមិនអាចមានលទ្ធភាពដើម្បីបំពេញការងារបានឡើយ។ ព្រមទាំងត្រូវចំណាយថវិកាសម្រាប់ព្យាបាលជំងឺទៀតផង ដូច្នេះធ្វើឲ្យប៉ះពាល់ដល់សេដ្ឋកិច្ចគ្រួសារយ៉ាងធ្ងន់ធ្ងរផងដែរ»។
ដើម្បីកាត់បន្ថយចំនួនអ្នកស្លាប់ និងពិការដែលបណ្តាលពីការជក់បារី គឺគេត្រូវតែអនុវត្តន៍ច្បាប់ស្តីពីការត្រួតពិនិត្យទៅលើការផលិត និងពង្រឹងភាពហ្មត់ចត់លើការបោះពុម្ពសារព្រមានពីគ្រោះថ្នាក់នៃការជក់បារី និងការហាមជក់បារីនៅតាមទីសាធារណៈ ឬកន្លែងធ្វើការ។ ជាមួយគ្នាផងដែរ ត្រូវមានការហាមឃាត់ការផ្សាយពាណិជ្ជកម្មផលិតផលថ្នាំជក់គ្រប់ទម្រង់ និងការដំឡើងពន្ធផលិតថ្នាំផងដែរ។ នេះជាការលើកឡើងរបស់អ្នកជំនាញផ្នែកថ្នាំជក់រូបនេះ៕
Tag:
បារី
កម្ពុជា
លឹម ស៊ីវុតថា
© រក្សាសិទ្ធិដោយ thmeythmey.com