អន្តរជាតិ
ដែនកោះមួយនៃសមុទ្រចិនខាងត្បូង (រូបភាព AFP)
×![]()
ដោយ: តន ចាន់រិទ្ធារ៉ា
មហាអំណាចពិភពលោកពីរ គឺអង់គ្លេស និងបារាំង នឹងបញ្ជូនកប៉ាល់ចម្បាំងរបស់ខ្លួនទៅកាន់សមុទ្រចិនខាងត្បូងនៅសប្ដាហ៍ក្រោយ។ ក្នុងជំនួបសន្តិសុខនៅសិង្ហបុរី រដ្ឋមន្ត្រីការពារជាតិអង់គ្លេស និងបារាំងនិយាយនៅថ្ងៃទី៣ ខែមិថុនា ថា ការបញ្ជូនកប៉ាល់ទៅកាន់ដែនទឹកមានជម្លោះនេះ ព្រោះវាជាតំបន់ដែនសមុទ្រអន្តរជាតិ និងដើម្បីរក្សាសណ្ដាប់ធ្នាប់អន្តរជាតិនៅទីនោះផង។ ការប្រកាសនេះធ្វើឡើងបន្ទាប់ពីអាមេរិកត្រៀមចាត់វិធានការដើម្បីឆ្លើយតបទៅនឹងសកម្មភាពយោធូបនីយកម្មរបស់ចិន។
កិច្ចសន្ទនាសន្តិសុខ Shangri-La នៅសិង្ហបុរី បានក្លាយវេទិកាឆ្លើយឆ្លងរវាងអាមេរិក និងសម្ព័ន្ធមិត្តជាមួយនឹងចិនជុំវិញបញ្ហានៅសមុទ្រខាងត្បូង។ អាមេរិកបានយកកិច្ចប្រជុំនេះដើម្បីប្រកាសជំហរបង្កើនការតបតទៅនឹងសកម្មភាពរបស់ចិន ឯចិនវិញបានប្រាប់គេឯងពីកម្មសិទ្ធិរបស់ខ្លួនលើដែនទឹកនៃសមុទ្រមួយនេះ។ អង់គ្លេស និងបារាំងវិញក៏បង្ហាញជំហរស្របតាមអាមេរិក និងត្រៀមបញ្ជូនកប៉ាល់ចម្បាំងចូលសមុទ្រចិនខាងត្បូងដែរ។
យោងតាមសារព័ត៌មាន South China Sea Morning Post រដ្ឋមន្ត្រីកងទ័ពបារាំង Florence Parly និយាយថា ក្រុមការងារសមុទ្របារាំង ដែលអមដោយឧទ្ធម្ភាគចក្រ និងកប៉ាល់របស់អង់គ្លេស នឹងទស្សនកិច្ចនៅសិង្ហបុរីនៅសប្ដាហ៍ក្រោយ ហើយបន្តដំណើរទៅកាន់តំបន់ជាក់លាក់ខ្លះនៃសមុទ្រចិនខាងត្បូង។ ដោយមិននិយាយចំឈ្មោះចិន លោកស្រី Parly ទទួលស្គាល់ថា កងទ័ពបារាំង និងអង់គ្លេសនឹងចូលក្នុងដែនទឹករបស់ប្រទេសមួយ តែមេទ័ពបារាំងក៏ប្រាប់ថា វាជាដែនទឹកអន្តរជាតិ។
ថ្លែងក្នុងកិច្ចប្រជុំសន្តិសុខប្រចាំឆ្នាំមួយនេះ ប្រមុខការពាតិបារាំងដដែលបញ្ជាក់ថា ទោះបារាំងមិនមែនជាភាគីទាមទារដែនទឹកមែន តែការបញ្ជូនកងទ័ពមួយក្រុមនេះដែលធ្វើឡើងជាប្រចាំជាមួយសម្ព័ន្ធមិត្ត បានរួមចំណែកដល់ការគោរពច្បាប់។ ចំណែករដ្ឋមន្ត្រីការពារជាតិអង់គ្លេស Gavin Williamson ក៏បានប្រាប់ជំនួបសន្តិសុខនេះដែរថា អង់គ្លេសនឹងបញ្ជូននាវាចម្បាំងបីគ្រឿងទៅសមុទ្រចិនខាងត្បូងដើម្បីទប់ទល់ឥទ្ធិពលចិន និងការពារច្បាប់អន្តរជាតិសម្រាប់រយៈពេលវែង។
ពីវេទិកាសន្តិសុខ Shangri-La នេះដែរ ប្រតិភូរបស់ចិនមិនជំទាស់គម្រោងរបស់អង់គ្លេស និងបារាំង ដែលជាសមាជិកអចិន្ត្រៃយ៍ក្រុមប្រឹក្សាសន្តិសុខអង្គការសហប្រជាជាតិដូចគ្នាឡើយ។ មន្ត្រីយោធាចិនអះអាងថា សមុទ្រចិនខាងត្បូង គឺបើកចំហសម្រាប់ការធ្វើដំណើរដោយសេរី ហើយក៏មិនមានកំហិតលើសេរីភាពនាវាចរណ៍អ្វីដែរ។ ឧត្តមសេនីយ៍ឯក He Lei ប្រធានប្រតិភូចិនព្រមានថា ការបំពានបូរណភាពចិនជារឿងមិនអាចលើកលែងបានឡើយ។
យ៉ាងណាមិញ ប្រមុខការពារជាតិអង់គ្លេស និងបារាំងមិនបានបញ្ជាក់ថា កប៉ាល់ចម្បាំងរបស់ខ្លួននឹងចូលទៅក្នុងតំបន់ដែនទឹកដែលមានចម្ងាយ១២ម៉ាយល៍ពីដែនកោះដែលចិនគ្រប់គ្រងឬយ៉ាងណាឡើយ។ សម្រាប់ចិន វត្តមានកប៉ាល់យោធាបរទេសក្នុងដែនទឹកនេះ គឺជាការរំលោភអធិបតេយ្យរបស់ខ្លួនដោយចេតនា។ ក្រុងប៉េកាំងបានរិះគន់ក្រុងវ៉ាស៊ីនតោនជាញឹកញយដោយសាររឿងនេះ ព្រោះនាវាចម្បាំងអាមេរិកតែងធ្វើដំណើរចូលកៀកទឹកដីចិនត្រួតត្រា៕
កិច្ចសន្ទនាសន្តិសុខ Shangri-La នៅសិង្ហបុរី បានក្លាយវេទិកាឆ្លើយឆ្លងរវាងអាមេរិក និងសម្ព័ន្ធមិត្តជាមួយនឹងចិនជុំវិញបញ្ហានៅសមុទ្រខាងត្បូង។ អាមេរិកបានយកកិច្ចប្រជុំនេះដើម្បីប្រកាសជំហរបង្កើនការតបតទៅនឹងសកម្មភាពរបស់ចិន ឯចិនវិញបានប្រាប់គេឯងពីកម្មសិទ្ធិរបស់ខ្លួនលើដែនទឹកនៃសមុទ្រមួយនេះ។ អង់គ្លេស និងបារាំងវិញក៏បង្ហាញជំហរស្របតាមអាមេរិក និងត្រៀមបញ្ជូនកប៉ាល់ចម្បាំងចូលសមុទ្រចិនខាងត្បូងដែរ។
យោងតាមសារព័ត៌មាន South China Sea Morning Post រដ្ឋមន្ត្រីកងទ័ពបារាំង Florence Parly និយាយថា ក្រុមការងារសមុទ្របារាំង ដែលអមដោយឧទ្ធម្ភាគចក្រ និងកប៉ាល់របស់អង់គ្លេស នឹងទស្សនកិច្ចនៅសិង្ហបុរីនៅសប្ដាហ៍ក្រោយ ហើយបន្តដំណើរទៅកាន់តំបន់ជាក់លាក់ខ្លះនៃសមុទ្រចិនខាងត្បូង។ ដោយមិននិយាយចំឈ្មោះចិន លោកស្រី Parly ទទួលស្គាល់ថា កងទ័ពបារាំង និងអង់គ្លេសនឹងចូលក្នុងដែនទឹករបស់ប្រទេសមួយ តែមេទ័ពបារាំងក៏ប្រាប់ថា វាជាដែនទឹកអន្តរជាតិ។
ថ្លែងក្នុងកិច្ចប្រជុំសន្តិសុខប្រចាំឆ្នាំមួយនេះ ប្រមុខការពាតិបារាំងដដែលបញ្ជាក់ថា ទោះបារាំងមិនមែនជាភាគីទាមទារដែនទឹកមែន តែការបញ្ជូនកងទ័ពមួយក្រុមនេះដែលធ្វើឡើងជាប្រចាំជាមួយសម្ព័ន្ធមិត្ត បានរួមចំណែកដល់ការគោរពច្បាប់។ ចំណែករដ្ឋមន្ត្រីការពារជាតិអង់គ្លេស Gavin Williamson ក៏បានប្រាប់ជំនួបសន្តិសុខនេះដែរថា អង់គ្លេសនឹងបញ្ជូននាវាចម្បាំងបីគ្រឿងទៅសមុទ្រចិនខាងត្បូងដើម្បីទប់ទល់ឥទ្ធិពលចិន និងការពារច្បាប់អន្តរជាតិសម្រាប់រយៈពេលវែង។
ពីវេទិកាសន្តិសុខ Shangri-La នេះដែរ ប្រតិភូរបស់ចិនមិនជំទាស់គម្រោងរបស់អង់គ្លេស និងបារាំង ដែលជាសមាជិកអចិន្ត្រៃយ៍ក្រុមប្រឹក្សាសន្តិសុខអង្គការសហប្រជាជាតិដូចគ្នាឡើយ។ មន្ត្រីយោធាចិនអះអាងថា សមុទ្រចិនខាងត្បូង គឺបើកចំហសម្រាប់ការធ្វើដំណើរដោយសេរី ហើយក៏មិនមានកំហិតលើសេរីភាពនាវាចរណ៍អ្វីដែរ។ ឧត្តមសេនីយ៍ឯក He Lei ប្រធានប្រតិភូចិនព្រមានថា ការបំពានបូរណភាពចិនជារឿងមិនអាចលើកលែងបានឡើយ។
យ៉ាងណាមិញ ប្រមុខការពារជាតិអង់គ្លេស និងបារាំងមិនបានបញ្ជាក់ថា កប៉ាល់ចម្បាំងរបស់ខ្លួននឹងចូលទៅក្នុងតំបន់ដែនទឹកដែលមានចម្ងាយ១២ម៉ាយល៍ពីដែនកោះដែលចិនគ្រប់គ្រងឬយ៉ាងណាឡើយ។ សម្រាប់ចិន វត្តមានកប៉ាល់យោធាបរទេសក្នុងដែនទឹកនេះ គឺជាការរំលោភអធិបតេយ្យរបស់ខ្លួនដោយចេតនា។ ក្រុងប៉េកាំងបានរិះគន់ក្រុងវ៉ាស៊ីនតោនជាញឹកញយដោយសាររឿងនេះ ព្រោះនាវាចម្បាំងអាមេរិកតែងធ្វើដំណើរចូលកៀកទឹកដីចិនត្រួតត្រា៕
Tag:
អង់គ្លេស
បារាំង
ចិន
អាមេរិក
សមុទ្រចិនខាងត្បូង
© រក្សាសិទ្ធិដោយ thmeythmey.com
