អន្តរជាតិ
ក្រុងប៉េកាំងប្រតិកម្មខ្លាំង ក្រោយក្រុងវ៉ាស៊ីនតោនរិះគន់ខ្លួននៅមុខប្រមុខការពារជាតិអាស៊ាន
×![]()
មន្ត្រីយោធាជាន់ខ្ពស់របស់រដ្ឋាភិបាលចិន បានប្រតិកម្មខ្លាំងៗទៅនឹងការចោទប្រកាន់របស់ប្រមុខការពារជាតិអាមេរិកលើការធ្វើយោធូបនីយកម្មនៅក្នុងសមុទ្រចិនខាងត្បូង។ មន្ត្រីយោធាជាន់ខ្ពស់របស់ចិន បានវាយបកដោយប្រយោលវិញថា សកម្មភាពយោធារបស់ចិននៅក្នុងសមុទ្រចិនខាងត្បូង ធ្វើឡើងដើម្បីការពារការឈ្លានពានរបស់ប្រទេសដទៃប៉ុណ្ណោះ។
តាមរយៈវេទិកាសន្តិសុខក្នុងប្រទេសសិង្ហបុរីនៅថ្ងៃទី ២ ខែមិថុនា លោករដ្ឋមន្ត្រីការពារជាតិអាមេរិក ចេម ម៉ាធីស បាននិយាយវាយប្រហារចិននៅចំពោះរដ្ឋមន្ត្រីការពារជាតិអាស៊ានថា ការកសាងមូលដ្ឋានយោធា និងបំពាក់សព្វាវុធនៅក្នុងតំបន់មានជម្លោះសមុទ្រចិនខាងត្បូង របស់ចិនមានទិសដៅបំភិតបំភ័យប្រទេសអ្នកជិតខាង។ នេះបើយោងតាមការចុះផ្សាយរបស់សារព័ត៌មាន The Straits Times របស់សិង្ហបុរី។
ការលើកឡើងរបស់ប្រមុខការពារជាតិអាមេរិក ធ្វើឡើងដោយសម្អាងតាមរបាយការណ៍របស់ក្រុមអ្នកវិភាគអាមេរិក ដែលទើបតែចេញរបាយការណ៍ថ្មីចុងក្រោយពីសកម្មភាពចិននៅក្នុងតំបន់ជម្លោះ។ តាមរបាយការណ៍នោះ ចិនបានបំពាក់សព្វាវុធធុនធ្ងន់ជាច្រើនដែលរាប់បញ្ចូលទាំងមីស៊ីលប្រឆាំងនាវា និងប្រព័ន្ធផ្កាយរណបផ្សេងទៀត។
ការចោទប្រកាន់ចិនចំពោះប្រមុខការពារជាតិអាស៊ានរបស់អាមេរិកបែបនេះ ប្រាកដណាស់ថា ចិនមិននៅស្ងៀមបានឡើយ។ លោកឧត្តមសេនីយ៍ He Lei មន្ត្រីការពារជាតិជាន់ខ្ពស់ចិនបានថ្លែងទៅវេទិកាសន្តិសុខថា ចិនមិនអាចទទួលយកការធ្វើអត្ថាធិប្បាយដែលគ្មានការទទួលខុសត្រូវរបស់បណ្តាប្រទេសមួយចំនួនឡើយ។
លោកឧត្តមសេនីយ៍រូបនេះបានលើកឡើងយ៉ាងដូច្នេះថា៖«សកម្មភាពរបស់ចិននៅក្នុងសមុទ្រចិនខាងត្បូង ធ្វើឡើងក្នុងគោលដៅដើម្បីការពារពីការឈ្លានពានដោយប្រទេសដទៃប៉ុណ្ណោះនោះទេ...។ ដរាបណាសកម្មភាពរបស់អ្នកធ្វើឡើងក្នុងអធិបតេយ្យរបស់អ្នក អ្នកអាចពង្រាយកងទ័ព និងពង្រាយសព្វាវុធអ្វីក៏បាន»។
សូមជម្រាបថា សមុទ្រចិនខាងត្បូង ត្រូវបានស្គាល់ថាជាជម្លោះដែនអធិបតេយ្យមួយដ៏ស្មុគស្មាញដែលមានភាគីពាក់ព័ន្ធដូចជា ព្រុយណេ ម៉ាឡេស៊ី ហ្វីលីពីន វៀតណាម និងចិន។ ចិន បានទាមទារស្ទើរតែទាំងស្រុងនៃតំបន់ជម្លោះនោះ។ ដូច្នេះហើយ ចិនតែងតែការពារ និងអះអាងថា សកម្មភាពនានារបស់ខ្លួននៅទីនោះគឺស្របច្បាប់ ដ្បិតចិនចាត់ទុកថា ដែនអធិបតេយ្យទាំងនោះស្ថិតក្នុងដែនសីមារបស់ខ្លួនរួចទៅហើយ ។
កន្លងមក អាមេរិកតែងរិះគន់ចិនជុំវិញសកម្មភាពបង្ករឿងនៅក្នុងសមុទ្រចិនខាងត្បូង។ មិនត្រឹមតែប៉ុណ្ណោះ ក្រុងវ៉ាស៊ីនតោនថែមទាំងបានបញ្ជូនទាំងនាវាល្បាតនិងយន្តហោះស៊ើបការណ៍ទៅកាន់តំបន់ជម្លោះ រហូតដល់ពេលខ្លះបណ្តាលឲ្យមានការប្រឈមមុខដាក់គ្នាជាមួយកងល្បាតរបស់ចិនទៀតផង ៕
តាមរយៈវេទិកាសន្តិសុខក្នុងប្រទេសសិង្ហបុរីនៅថ្ងៃទី ២ ខែមិថុនា លោករដ្ឋមន្ត្រីការពារជាតិអាមេរិក ចេម ម៉ាធីស បាននិយាយវាយប្រហារចិននៅចំពោះរដ្ឋមន្ត្រីការពារជាតិអាស៊ានថា ការកសាងមូលដ្ឋានយោធា និងបំពាក់សព្វាវុធនៅក្នុងតំបន់មានជម្លោះសមុទ្រចិនខាងត្បូង របស់ចិនមានទិសដៅបំភិតបំភ័យប្រទេសអ្នកជិតខាង។ នេះបើយោងតាមការចុះផ្សាយរបស់សារព័ត៌មាន The Straits Times របស់សិង្ហបុរី។
ការលើកឡើងរបស់ប្រមុខការពារជាតិអាមេរិក ធ្វើឡើងដោយសម្អាងតាមរបាយការណ៍របស់ក្រុមអ្នកវិភាគអាមេរិក ដែលទើបតែចេញរបាយការណ៍ថ្មីចុងក្រោយពីសកម្មភាពចិននៅក្នុងតំបន់ជម្លោះ។ តាមរបាយការណ៍នោះ ចិនបានបំពាក់សព្វាវុធធុនធ្ងន់ជាច្រើនដែលរាប់បញ្ចូលទាំងមីស៊ីលប្រឆាំងនាវា និងប្រព័ន្ធផ្កាយរណបផ្សេងទៀត។
ការចោទប្រកាន់ចិនចំពោះប្រមុខការពារជាតិអាស៊ានរបស់អាមេរិកបែបនេះ ប្រាកដណាស់ថា ចិនមិននៅស្ងៀមបានឡើយ។ លោកឧត្តមសេនីយ៍ He Lei មន្ត្រីការពារជាតិជាន់ខ្ពស់ចិនបានថ្លែងទៅវេទិកាសន្តិសុខថា ចិនមិនអាចទទួលយកការធ្វើអត្ថាធិប្បាយដែលគ្មានការទទួលខុសត្រូវរបស់បណ្តាប្រទេសមួយចំនួនឡើយ។
លោកឧត្តមសេនីយ៍រូបនេះបានលើកឡើងយ៉ាងដូច្នេះថា៖«សកម្មភាពរបស់ចិននៅក្នុងសមុទ្រចិនខាងត្បូង ធ្វើឡើងក្នុងគោលដៅដើម្បីការពារពីការឈ្លានពានដោយប្រទេសដទៃប៉ុណ្ណោះនោះទេ...។ ដរាបណាសកម្មភាពរបស់អ្នកធ្វើឡើងក្នុងអធិបតេយ្យរបស់អ្នក អ្នកអាចពង្រាយកងទ័ព និងពង្រាយសព្វាវុធអ្វីក៏បាន»។
សូមជម្រាបថា សមុទ្រចិនខាងត្បូង ត្រូវបានស្គាល់ថាជាជម្លោះដែនអធិបតេយ្យមួយដ៏ស្មុគស្មាញដែលមានភាគីពាក់ព័ន្ធដូចជា ព្រុយណេ ម៉ាឡេស៊ី ហ្វីលីពីន វៀតណាម និងចិន។ ចិន បានទាមទារស្ទើរតែទាំងស្រុងនៃតំបន់ជម្លោះនោះ។ ដូច្នេះហើយ ចិនតែងតែការពារ និងអះអាងថា សកម្មភាពនានារបស់ខ្លួននៅទីនោះគឺស្របច្បាប់ ដ្បិតចិនចាត់ទុកថា ដែនអធិបតេយ្យទាំងនោះស្ថិតក្នុងដែនសីមារបស់ខ្លួនរួចទៅហើយ ។
កន្លងមក អាមេរិកតែងរិះគន់ចិនជុំវិញសកម្មភាពបង្ករឿងនៅក្នុងសមុទ្រចិនខាងត្បូង។ មិនត្រឹមតែប៉ុណ្ណោះ ក្រុងវ៉ាស៊ីនតោនថែមទាំងបានបញ្ជូនទាំងនាវាល្បាតនិងយន្តហោះស៊ើបការណ៍ទៅកាន់តំបន់ជម្លោះ រហូតដល់ពេលខ្លះបណ្តាលឲ្យមានការប្រឈមមុខដាក់គ្នាជាមួយកងល្បាតរបស់ចិនទៀតផង ៕
Tag:
អាមេរិក
ចិន
អាស៊ាន
© រក្សាសិទ្ធិដោយ thmeythmey.com
