ជាតិ
នយោបាយជាតិ
ព្រះមហាក្សត្រ អំពាវនាវឲ្យពលរដ្ឋទៅបោះឆ្នោត
× ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានអំពាវនាវឲ្យប្រជាពលរដ្ឋទៅបោះឆ្នោតនៅថ្ងៃទី២៩ ខែកក្កដា ឆ្នាំ២0១៨។ ការអំពាវនាវរបស់ព្រះអង្គ ធ្វើឡើងតាមរយៈព្រះរាជសារ ដែលឡាយព្រះហស្ត តាំងពីថ្ងៃទី១៨ ខែឧសភាមកម្ល៉េះ តែទើបនឹងត្រូវបានផ្សព្វផ្សាយនៅថ្ងៃនេះ។
ព្រះមហាក្សត្រ បានមានព្រះបន្ទូលក្នុងព្រះរាជសារនោះថា ការបោះឆ្នោតនាពេលខាងមុខ គឺជាការបោះឆ្នោតដោយសេរី ត្រឹមត្រូវ យុត្តិធម៌ ស្មើភាព និងដោយសម្ងាត់ ស្របតាមគោលការណ៍លទ្ធិប្រជាធិបតេយ្យ សេរីពហុបក្ស ដូច្នេះ កុំមានការព្រួយបារម្ភពីការគាបសង្កត់ ការគំរាមកំហែង ឬការសម្លុតពីជនណាម្នាក់ ឬគណបក្សណាមួយឲ្យសោះ។
ព្រះមហាក្សត្រ មានព្រះបន្ទូលយ៉ាងដូច្នេះថា៖«ខ្ញុំសូមជនរួមជាតិទាំងអស់ មេត្តាប្រើសិទ្ធិសេរីភាពបោះឆ្នោត ទៅតាមសតិសម្បជញ្ញៈរបស់ខ្លួនមា្នក់ៗ ដែលមានទំនុកចិត្តទៅលើបេក្ខជនណាម្នាក់ និងគណបក្សណាមួយដោយសេរី»។
Tag:
បោះឆ្នោត
ព្រះមហាក្សត្រ
© រក្សាសិទ្ធិដោយ thmeythmey.com