អន្តរជាតិ
អាបេ ទៅជួប ត្រាំ ម្ដងទៀតមុនជំនួបមេដឹកនាំអាមេរិក-កូរ៉េខាងជើងនៅសិង្ហបុរី
លោក ស៊ីនហ្សូ អាបេ ជួបលោក ដូណាល់ ត្រាំ កន្លងមក (រូបភាព AFP)
×![]()
ដោយ: តន ចាន់រិទ្ធារ៉ា
នៅសល់៥ថ្ងៃមុនជំនួបមេដឹកនាំអាមេរិក និងកូរ៉េខាងជើងនៅសិង្ហបុរី នាយករដ្ឋមន្ត្រីជប៉ន ស៊ីនហ្សូ អាបេ បានទៅជួបប្រធានាធិបតីអាមេរិក ដូណាល់ ត្រាំ ជាថ្មីទៀត។ របៀបវារៈជាក់លាក់នៃជំនួបនេះមិនត្រូវបានបង្ហាញឡើយ តែគេរំពឹងថា លោក អាបេ នឹងបន្តស្នើឲ្យលោក ត្រាំ យកបញ្ហាទ្វេភាគីជប៉ុន និងកូរ៉េខាងជើងទៅជជែកជាមួយប្រមុខដឹកនាំកូរ៉េខាងជើង គីម ជុងអ៊ុន ផង។ កន្លងមក ជប៉ុនហាក់នៅក្រៅតុចរចាដែលកំពុងរំជើបរំជួលរវាងអាមេរិក កូរ៉េខាងជើង កូរ៉េខាងត្បូង ចិន និងរុស្ស៊ីជាដើម។
មុនធ្វើដំណើរទៅកាណាដាដើម្បីចូលរួមកិច្ចប្រជុំមហាអំណាចសេដ្ឋកិច្ចទាំង៧ នៅថ្ងៃទី៧ ខែមិថុនា នាយករដ្ឋមន្ត្រីជប៉ុន ស៊ីនហ្សូ អាបេ បានឆ្លៀតធ្វើដំណើរទៅជួបប្រធានាធិបតីអាមេរិក ដូណាល់ ត្រាំ នៅឯក្រុងវ៉ាស៊ីនតោនសិន។ នេះជាជំនួបលើកទីពីររវាងលោក អាបេ និងលោក ត្រាំ ក្នុងរយៈពេលមិនដល់មួយខែស្រួលបួលផង ហើយក៏ធ្វើឡើងតែប៉ុន្មានថ្ងៃមុនការមកដល់ជំនួបប្រវត្តិសាស្ត្ររវាងលោក ត្រាំ និងលោក គីម ជុងអ៊ុន នៅសប្ដាហ៍ក្រោយ។
ជប៉ុនត្រូវមើលឃើញថា ស្ថិតនៅឯកោពីដំណើរការការទូតដ៏មមាញឹកដើម្បីឈានដល់ជំនួបរវាងលោក ត្រាំ និងលោក គីម នៅសិង្ហបុរី។ មេដឹកនាំវ័យក្មេងកូរ៉េខាងជើងបានជួបជាមួយសមភាគីចិនពីរដង ជាមួយសមភាគីកូរ៉េខាងត្បូងពីរដង និងបានជួបជាមួយរដ្ឋមន្ត្រីការបរទេសរុស្ស៊ីម្ដងដែរ។ ខណៈភាគីពាក់ព័ន្ធបញ្ហានៅឧបទ្វីបកូរ៉េបានជួបគ្នាជាបន្តបន្ទាប់នោះ មានតែជប៉ុនមួយគត់ដែលហាក់នៅក្រៅរង្វង់ចរចា។
យោងតាមទីភ្នាក់ងារព័ត៌មាន AFP លោក អាបេ នឹងប្រើទស្សនកិច្ចនៅអាមេរិកលើកនេះដើម្បីធានាថា ផលប្រយោជន៍របស់ជប៉ុនមិនត្រូវបានលោក ត្រាំ បំភ្លេចឡើយពេលជួបជាមួយលោក គីម នោះ។ មុនឡើងយន្តហោះទៅអាមេរិក លោក អាបេ បង្ហាញក្ដីសង្ឃឹមថា លោកអាចឯកភាពគ្នាជាមួយមេដឹកនាំអាមេរិកលើមធ្យោបាយដោះស្រាយបញ្ហាកូរ៉េខាងជើង។ អ្វីដែលជប៉ុនចង់ឲ្យមានដំណោះស្រាយ គឺការបញ្ចប់នុយក្លេអ៊ែ និងបញ្ហាជនជាតិជប៉ុនដែលត្រូវបានកូរ៉េខាងជើងជំរិត។
ចន្លោះឆ្នាំ១៩៧០ ដល់ឆ្នាំ១៩៨០ ជនជាតិជប៉ុនជាច្រើននាក់ត្រូវបានកូរ៉េខាងជើងចាប់ខ្លួន ដើម្បីបង្រៀនភាសាជប៉ុនឲ្យចារកម្មរបស់ខ្លួន។ នៅរយៈពេលថ្មីៗនេះទៀត មីស៊ីលកូរ៉េខាងជើងបានហោះលើដែនអាកាសជប៉ុនជាបន្តបន្ទាប់ដែរ។
លើការរំសាយនុយក្លេអ៊ែរនេះ ក្រុងតូក្យូចង់ឲ្យបញ្ចូលការលុបបំបាត់មីស៊ីលចម្ងាយខ្លី និងមធ្យមរបស់កូរ៉េខាងជើងផង ព្រោះជាការគំរាមកំហែងដ៏ធំលើសន្តិសុខជប៉ុន។ នេះក៏ព្រោះតែជប៉ុនបារម្ភថា លោក ត្រាំ អាចផ្ដោតលើការរំសាយមីស៊ីលបាលីស្ទិករយៈចម្ងាយវែងរបស់កូរ៉េខាងជើងតែមួយមុខ ដែលគំរាមសន្តិសុខអាមេរិកខ្លាំង។ មកទល់ពេលនេះ កូរ៉េខាងជើងមានមីស៊ីលដែលអាចបំពាក់ក្បាលនុយក្លេអ៊ែរ និងបាញ់ដល់ទឹកដីអាមេរិកហើយ៕
មុនធ្វើដំណើរទៅកាណាដាដើម្បីចូលរួមកិច្ចប្រជុំមហាអំណាចសេដ្ឋកិច្ចទាំង៧ នៅថ្ងៃទី៧ ខែមិថុនា នាយករដ្ឋមន្ត្រីជប៉ុន ស៊ីនហ្សូ អាបេ បានឆ្លៀតធ្វើដំណើរទៅជួបប្រធានាធិបតីអាមេរិក ដូណាល់ ត្រាំ នៅឯក្រុងវ៉ាស៊ីនតោនសិន។ នេះជាជំនួបលើកទីពីររវាងលោក អាបេ និងលោក ត្រាំ ក្នុងរយៈពេលមិនដល់មួយខែស្រួលបួលផង ហើយក៏ធ្វើឡើងតែប៉ុន្មានថ្ងៃមុនការមកដល់ជំនួបប្រវត្តិសាស្ត្ររវាងលោក ត្រាំ និងលោក គីម ជុងអ៊ុន នៅសប្ដាហ៍ក្រោយ។
ជប៉ុនត្រូវមើលឃើញថា ស្ថិតនៅឯកោពីដំណើរការការទូតដ៏មមាញឹកដើម្បីឈានដល់ជំនួបរវាងលោក ត្រាំ និងលោក គីម នៅសិង្ហបុរី។ មេដឹកនាំវ័យក្មេងកូរ៉េខាងជើងបានជួបជាមួយសមភាគីចិនពីរដង ជាមួយសមភាគីកូរ៉េខាងត្បូងពីរដង និងបានជួបជាមួយរដ្ឋមន្ត្រីការបរទេសរុស្ស៊ីម្ដងដែរ។ ខណៈភាគីពាក់ព័ន្ធបញ្ហានៅឧបទ្វីបកូរ៉េបានជួបគ្នាជាបន្តបន្ទាប់នោះ មានតែជប៉ុនមួយគត់ដែលហាក់នៅក្រៅរង្វង់ចរចា។
យោងតាមទីភ្នាក់ងារព័ត៌មាន AFP លោក អាបេ នឹងប្រើទស្សនកិច្ចនៅអាមេរិកលើកនេះដើម្បីធានាថា ផលប្រយោជន៍របស់ជប៉ុនមិនត្រូវបានលោក ត្រាំ បំភ្លេចឡើយពេលជួបជាមួយលោក គីម នោះ។ មុនឡើងយន្តហោះទៅអាមេរិក លោក អាបេ បង្ហាញក្ដីសង្ឃឹមថា លោកអាចឯកភាពគ្នាជាមួយមេដឹកនាំអាមេរិកលើមធ្យោបាយដោះស្រាយបញ្ហាកូរ៉េខាងជើង។ អ្វីដែលជប៉ុនចង់ឲ្យមានដំណោះស្រាយ គឺការបញ្ចប់នុយក្លេអ៊ែ និងបញ្ហាជនជាតិជប៉ុនដែលត្រូវបានកូរ៉េខាងជើងជំរិត។
ចន្លោះឆ្នាំ១៩៧០ ដល់ឆ្នាំ១៩៨០ ជនជាតិជប៉ុនជាច្រើននាក់ត្រូវបានកូរ៉េខាងជើងចាប់ខ្លួន ដើម្បីបង្រៀនភាសាជប៉ុនឲ្យចារកម្មរបស់ខ្លួន។ នៅរយៈពេលថ្មីៗនេះទៀត មីស៊ីលកូរ៉េខាងជើងបានហោះលើដែនអាកាសជប៉ុនជាបន្តបន្ទាប់ដែរ។
លើការរំសាយនុយក្លេអ៊ែរនេះ ក្រុងតូក្យូចង់ឲ្យបញ្ចូលការលុបបំបាត់មីស៊ីលចម្ងាយខ្លី និងមធ្យមរបស់កូរ៉េខាងជើងផង ព្រោះជាការគំរាមកំហែងដ៏ធំលើសន្តិសុខជប៉ុន។ នេះក៏ព្រោះតែជប៉ុនបារម្ភថា លោក ត្រាំ អាចផ្ដោតលើការរំសាយមីស៊ីលបាលីស្ទិករយៈចម្ងាយវែងរបស់កូរ៉េខាងជើងតែមួយមុខ ដែលគំរាមសន្តិសុខអាមេរិកខ្លាំង។ មកទល់ពេលនេះ កូរ៉េខាងជើងមានមីស៊ីលដែលអាចបំពាក់ក្បាលនុយក្លេអ៊ែរ និងបាញ់ដល់ទឹកដីអាមេរិកហើយ៕
Tag:
អាមេរិក
ជប៉ុន
សិង្ហបុរី
ស៊ីនហ្សូ អាបេ
ដូណាល់ ត្រាំ
© រក្សាសិទ្ធិដោយ thmeythmey.com
