ក្រមាត្បាញបាន១ពាន់ម៉ែត្រហើយ និងនៅបន្តត្បាញទៀតរហូតដល់ថ្ងៃប្រកាសបញ្ចប់

ជាតិ

ក្រមាត្បាញបាន១ពាន់ម៉ែត្រហើយ និងនៅបន្តត្បាញទៀតរហូតដល់ថ្ងៃប្រកាសបញ្ចប់

09, Jun 2018 , 5:39 pm

រូបភាព

រូបភាពពី GoGoCambodia

ដោយ: ថ្មីៗ

ភ្នំពេញ៖ យុទ្ធនាការត្បាញក្រមាវែងជាងគេ ត្បាញបាន១ពាន់ម៉ែត្រហើយ គិតត្រឹមដើមខែមិថុនានេះ ដោយមានមនុស្សទាំងក្មេង និងចាស់ជិត២ម៉ឺននាក់ ចូលរួមត្បាញ។ ទោះយ៉ាងណា យុទ្ធនាការនេះនៅតែបន្តត្បាញរហូតដល់វែងជាង១ពាន់ម៉ែត្រ ដោយផ្អែកលើស្មារតីជឿថាខ្មែរធ្វើបាន ដែលអនុញ្ញាតឲ្យពលរដ្ឋខ្មែរមកចូលរួមត្បាញបន្តទៀត។ នេះបើតាមលោក សាន វឌ្ឍនា ប្រធានក្រុមការងារចលនា GoGo Cambodia ដែលបន្តប្រាប់សារព័ត៌មានថ្មីៗដូច្នេះ៖ «យុទ្ធនាការនេះ មិនយូរទេនឹងបញ្ចប់។ នេះជាជោគជ័យខ្លាំង ដែលមានការចូលរួមត្បាញពីមហាគ្រួសារខ្មែរ ចាប់តាំងពីសរសៃដំបូងរហូតមកដល់សរសៃ១ពាន់ម៉ែត្រនេះ»។

យុទ្ធនាការក្រមា «បំបែកឯតទគ្គកម្ម ក្រមាវែងជាងគេលើពិភពលោក»នេះ ធ្វើឡើងក្នុងបំណង លើកកម្ពស់មោទកភាពជាតិ តាមរយៈស្នាដៃមួយដែលមានការទទួលស្គាល់ជាអន្តរជាតិ និងការបង្កបរិយាកាសចូលរួមចំណែកពីប្រជាពលរដ្ឋ ដើម្បីរួមគ្នាថែរក្សា និងលើកស្ទួយ មរតកវប្បធម៌ខ្មែរ៕