ខ្មែរក្រហម
ជាតិ
នយោបាយជាតិ
×![]()
មួយថ្ងៃបន្ទាប់ពីបានទទួលញត្តិពីលោក ជុំ ម៉ី និងក្រុមបាតុករប្រមាណជាជាង២ម៉ឺននាក់ហើយនោះ នៅថ្ងៃទី១០ ខែមិថុនានេះ គណបក្សសង្គ្រោះជាតិរបស់ លោក កឹម សុខា បានចេញសេចក្ដីថ្លែងការណ៍មួយរបស់ខ្លួន ដើម្បីឆ្លើយតបទៅនឹងញត្តិទាមទាររបស់ពួកគេ។
ជាការកត់សំគាល់នៅក្នុងសេចក្ដីថ្លែងការណ៍របស់ខ្លួននោះ គណបក្សសង្គ្រោះជាតិបានឆ្លើយតបទៅនឹងញត្តិក្រុមជនរងគ្រោះដែលមាន៥ចំណុច ប៉ុន្តែគ្មានចំណុចណាមួយដែលបង្ហាញថា លោក កឹម សុខា បន្ទន់ឥរិយាបទរបស់ខ្លួនសុំទោសជនរងគ្រោះនៃរបបខ្មែរក្រហមដូចការទាមទារក្នុងញត្តិរបស់ពួកគេនោះទេ។
ខ្លឹមសារនៃសេចក្ដីថ្លែងការណ៍របស់ខ្លួននោះ លោក កឹម សុខា និងគណបក្សសង្គ្រោះជាតិ មិនដែលបដិសេធថាគ្មានការកាប់សម្លាប់ ឬធ្វើទារុណកម្មនៅក្នុងគុកទួលស្លែងនោះទេ ហើយថា លោក កឹម សុខា ក៏មិនបានប្រមាថដល់អាយុជីវិតរបស់ជនរងគ្រោះដែលបានបាត់បង់ជីវិតនៅក្នុងសម័យខ្មែរក្រហមនោះដែរ។
គណបក្សសង្គ្រោះជាតិ បានបញ្ជាក់ថា ជារៀងរាល់ឆ្នាំ លោក កឹម សុខា និងគណបក្ស តែងតែបានគោរពវិញ្ញាណក្ខន្ធជនរងគ្រោះនៃរបបខ្មែរក្រហម នៅថ្ងៃទី១៧ ខែមេសា ហើយថា ការគោរពនេះនឹងនៅតែបន្តធ្វើជាបន្តទៀត។
ពាក់ព័ន្ធនឹងការកាត់ទោសមេដឹកនាំខ្មែរក្រហមវិញ ត្រូវបានគណបក្សសង្គ្រោះជាតិ អះអាងថា បុគ្គលលោក កឹម សុខា និងគណបក្ស យកចិត្តទុកដាក់យ៉ាងខ្លាំងចំពោះការទាមទាររកយុត្តិធម៌ពិតជូនប្រជាពលរដ្ឋខ្មែរដើម្បីឲ្យមានការកាត់ទោសជនឧក្រិដ្ឋនៃរបបនេះ។
នៅក្នុងលិខិតឆ្លើយតបទាំង៥ចំណុចនោះ គេសង្កេតឃើញថា លោក កឹម សុខា បានបង្ហាញពីការឯកភាពរបស់គណបក្សសង្គ្រោះជាតិ អំពាវនាវឲ្យមានការផ្សៈផ្សាជាតិ និងបង្ហាញពីការគោរពដ្ឋធម្មនុញ្ញរបស់គណបក្សសង្គ្រោះជាតិផងដែរ៕
ជាការកត់សំគាល់នៅក្នុងសេចក្ដីថ្លែងការណ៍របស់ខ្លួននោះ គណបក្សសង្គ្រោះជាតិបានឆ្លើយតបទៅនឹងញត្តិក្រុមជនរងគ្រោះដែលមាន៥ចំណុច ប៉ុន្តែគ្មានចំណុចណាមួយដែលបង្ហាញថា លោក កឹម សុខា បន្ទន់ឥរិយាបទរបស់ខ្លួនសុំទោសជនរងគ្រោះនៃរបបខ្មែរក្រហមដូចការទាមទារក្នុងញត្តិរបស់ពួកគេនោះទេ។
ខ្លឹមសារនៃសេចក្ដីថ្លែងការណ៍របស់ខ្លួននោះ លោក កឹម សុខា និងគណបក្សសង្គ្រោះជាតិ មិនដែលបដិសេធថាគ្មានការកាប់សម្លាប់ ឬធ្វើទារុណកម្មនៅក្នុងគុកទួលស្លែងនោះទេ ហើយថា លោក កឹម សុខា ក៏មិនបានប្រមាថដល់អាយុជីវិតរបស់ជនរងគ្រោះដែលបានបាត់បង់ជីវិតនៅក្នុងសម័យខ្មែរក្រហមនោះដែរ។
គណបក្សសង្គ្រោះជាតិ បានបញ្ជាក់ថា ជារៀងរាល់ឆ្នាំ លោក កឹម សុខា និងគណបក្ស តែងតែបានគោរពវិញ្ញាណក្ខន្ធជនរងគ្រោះនៃរបបខ្មែរក្រហម នៅថ្ងៃទី១៧ ខែមេសា ហើយថា ការគោរពនេះនឹងនៅតែបន្តធ្វើជាបន្តទៀត។
ពាក់ព័ន្ធនឹងការកាត់ទោសមេដឹកនាំខ្មែរក្រហមវិញ ត្រូវបានគណបក្សសង្គ្រោះជាតិ អះអាងថា បុគ្គលលោក កឹម សុខា និងគណបក្ស យកចិត្តទុកដាក់យ៉ាងខ្លាំងចំពោះការទាមទាររកយុត្តិធម៌ពិតជូនប្រជាពលរដ្ឋខ្មែរដើម្បីឲ្យមានការកាត់ទោសជនឧក្រិដ្ឋនៃរបបនេះ។
នៅក្នុងលិខិតឆ្លើយតបទាំង៥ចំណុចនោះ គេសង្កេតឃើញថា លោក កឹម សុខា បានបង្ហាញពីការឯកភាពរបស់គណបក្សសង្គ្រោះជាតិ អំពាវនាវឲ្យមានការផ្សៈផ្សាជាតិ និងបង្ហាញពីការគោរពដ្ឋធម្មនុញ្ញរបស់គណបក្សសង្គ្រោះជាតិផងដែរ៕
© រក្សាសិទ្ធិដោយ thmeythmey.com
