ពីនេះ ពីនោះ
«ស្លាក»ជាពាក្យខ្មែរ រីឯ«ផ្លាក,ផ្លាកយីហោ,បដា»ជាពាក្យកម្ចីពីបរទេស
× ពាក្យ «ស្លាក» ជាពាក្យខ្មែរ ចំណែក ពាក្យដែលនៅបន្ទាប់ទៀត ជាពាក្យកម្ចីពីបារាំង។ នេះបើយោងតាមការបកស្រាយរបស់សម្តេចព្រះសង្ឃរាជ ជួន ណាត។
«ស្លាក»ជាភាសាខ្មែរ មានន័យថា សំបុត្រជាកំណត់តូចៗ ជាគ្រឿងសម្គាល់ឈ្មោះ,ឆ្នោត,ទីវ,ខ្នាច់ ជាដើម។ «ស្លាក» សម្រាប់ប្រើជា ស្លាកសញ្ញា, បិទស្លាកជាសម្គាល់, ដាក់ស្លាក(ដាក់ស្លាកជាសម្គាល់កុំឲ្យគេច្រឡំ)។
ចំពោះពាក្យ «ផ្លាក ឬផ្លាកយីហោ» ជាពាក្យខ្ចីពីបារាំង Plaque ជាសន្លឹកធ្វើអំពីលោហៈ ឈើ ឬរបស់ផ្សេងៗទៀត ដែលមានលក្ខណៈ រឹង សំប៉ែត និងមានរាងផ្សេងៗ ប៉ុន្តែជាទូទៅសម្រាប់ធ្វើជាគ្រឿងសម្គាល់ អ្វីមួយដូចជាលេខរថយន្ត ម៉ូតូ គេហដ្ឋាន រមណីយដ្ឋានផ្សេងៗ។ ចំណែក ពាក្យថា«បដា» ជាកម្ចីពីបារាំង Banderole ជាផ្ទាំងសំពត់ដែលគេសរសេរជាសុភាសិត ឬជាក្បួនដែលគេចងសន្ធឹងទទឹងផ្លូវ៕
© រក្សាសិទ្ធិដោយ thmeythmey.com