អន្តរជាតិ
មហាធៀ៖ «ម៉ាឡេស៊ីចង់បានបក្សប្រឆាំងខ្លាំងដែលអាចធ្វើជាកញ្ចក់ឆ្លុះសម្រាប់រដ្ឋាភិបាល»
×![]()
នាយករដ្ឋមន្ត្រីម៉ាឡេស៊ីលោក មហាធៀ មហាម៉ាត់ ប្រាប់អ្នកសារព័ត៌មានថ្ងៃ ២៨ ខែមិថុនាថា ម៉ាឡេស៊ីបច្ចុប្បន្នមិនមានបក្សប្រឆាំងដែលល្អ និងខ្លាំងដែលអាចធ្វើជាកញ្ចក់ឆ្លុះសម្រាប់រដ្ឋាភិបាលឡើយ។ លោកមើលឃើញ អតីតបក្សកាន់អំណាច UMNO នៅទន់ខ្សោយព្រោះសមាជិកបក្សនេះបន្តបែកបាក់គ្នាចាប់ពីពេលចាញ់ឆ្នោតខែមុន។
សម្ព័ន្ធបក្សប្រឆាំងដ៏ធំ UMNO ដែលជាផ្នែកមួយនៃសម្ព័ន្ធ Barisan Nasional ធ្លាប់ដឹកនាំប្រទេសម៉ាឡេស៊ីរាប់ទសវត្សរ៍ និងទើបចាញ់ឆ្នោតកាលពីខែឧសភាកន្លងមកនេះនៅមិនទាន់រើសបានមេដឹកនាំថ្មីឡើយ។ នេះជាមូលហេតុធ្វើឲ្យលោក មហាធៀ នាយករដ្ឋមន្ត្រីទីប្រាំពីរយល់ថា បក្សប្រឆាំងនេះមិនទាន់រឹងមាំ និងស័ក្តិសមជាគូប្រជែងដ៏ល្អក្នុងសង្គមប្រជាធិបតេយ្យឡើយ។
ក្នុងបទសម្ភាសក្នុងកម្មវិធី Conversation With របស់ទូរទស្សន៍សិង្ហបុរី Channel News Asia លោក មហាធៀ បានបញ្ជាក់ថា សមាជិកបក្ស UMNO នៅបែកបាក់គ្នានៅឡើយដែលវាធ្វើឲ្យបក្សនេះទន់ខ្សោយ។ ប៉ុន្តែសម្រាប់លោកជានាយករដ្ឋមន្ត្រី លោក មហាធៀ ចង់ឃើញបក្សប្រឆាំងដែលល្អ និងខ្លាំងដែលអាចធ្វើការជាមួយរដ្ឋាភិបាលបានល្អ។
លោកបានថ្លែងដូច្នេះ៖« ការអនុវត្តជាក់ស្តែងសម្ព័ន្ធ Barisan Nasional នៅសល់តែបក្សបីប៉ុណ្ណោះក្នុងនោះមានបក្ស UMNO, បក្សសមាគមជនជាតិចិនម៉ាឡេស៊ី និងបក្សសមាជឥណ្ឌាម៉ាឡេស៊ី»។
លោកបន្តថា៖ «សូម្បីតែនៅក្នុងចំណោមបក្សបីក្តី យើងដឹងថា បក្ស UMNO កំពុងបាត់បង់សមាជិកច្រើន ហើយពួកគេរត់ចូលជាមួយសម្ព័ន្ធបក្ស Pakatan Harapan។ អ្វីដែលនៅសល់នោះគឺក្រុមមនុស្សដែលមិនយល់ពីស្ថានភាពជាក់ស្តែងឡើយ។ ប៉ុន្តែទោះជាបែបណាក៏ដោយ យើងត្រូវការបក្សប្រឆាំងដែលល្អ»។
បក្សល្អ និងខ្លាំងដែលលោក មហាធៀ សំដៅដល់នោះគឺ បក្សដែលមានសមត្ថភាពមិនចាំតែរណបរដ្ឋាភិបាល និងយល់ពីកិច្ចការងាររបស់ខ្លួន។ លោកបានពន្យល់បន្ថែមថា រដ្ឋាភិបាលរបស់លោកផ្ទាល់ពិតជាចង់ឲ្យបក្សប្រឆាំងពង្រឹងសមត្ថភាពខ្លួន និងធ្វើជាកញ្ចក់ឆ្លុះសង្គម ឬកញ្ចក់ឆ្លុះសម្រាប់រដ្ឋាភិបាល។ មានកញ្ចក់ទើបរដ្ឋាភិបាលមើលខ្លួនឯងឃើញថា ខ្លួនធ្វើត្រូវ ឬធ្វើខុសនោះ។
លោក មហាធៀ សង្កត់ធ្ងន់បែបនេះ៖ «យើងចង់បានបក្សប្រឆាំង ព្រោះយើងចាត់ទុក បក្សប្រឆាំងដូចជាកញ្ចក់ឆ្លុះ។ យើងនឹងមើលឃើញថា មុខរបស់យើងមានស្លាកស្នាម ឬមានបញ្ហាអត់។ ប៉ុន្តែក្នុងករណីដែលយើងមិនមានបក្សប្រឆាំងដែលធ្វើជាកញ្ចក់ឆ្លុះនេះទេ យើងនឹងគិតថា ខ្លួនយើងស្រស់ស្អាត ប៉ុន្តែតាមពិតយើងមានច្រមុះវៀចសោះ»។
សូមបញ្ជាក់ថា សម្ព័ន្ធបក្ស Barisan Nasional ចាញ់ឆ្នោតក្នុងការបោះឆ្នោតសាកលលើកទី ១៤ ដើមខែឧសភា ហើយសម្ព័ន្ធបក្ស Pakatan Harapan ដឹកនាំដោយលោក មហាធៀនោះ បានដណ្តើមជ័យជម្នះ។ ក្រោយចាញ់ឆ្នោតលោក ណាជីប រ៉ាហ្សាក់ សម្រេចចុះចេញពីតំណែងជាប្រធានបក្ស UMNO ហើយលោកក៏ត្រូវប្រឈមនឹងការចោទប្រកាន់ជុំវិញករណីពុករលួយក្នុងមូលនិធិរដ្ឋ 1MDBផងដែរ៕
សម្ព័ន្ធបក្សប្រឆាំងដ៏ធំ UMNO ដែលជាផ្នែកមួយនៃសម្ព័ន្ធ Barisan Nasional ធ្លាប់ដឹកនាំប្រទេសម៉ាឡេស៊ីរាប់ទសវត្សរ៍ និងទើបចាញ់ឆ្នោតកាលពីខែឧសភាកន្លងមកនេះនៅមិនទាន់រើសបានមេដឹកនាំថ្មីឡើយ។ នេះជាមូលហេតុធ្វើឲ្យលោក មហាធៀ នាយករដ្ឋមន្ត្រីទីប្រាំពីរយល់ថា បក្សប្រឆាំងនេះមិនទាន់រឹងមាំ និងស័ក្តិសមជាគូប្រជែងដ៏ល្អក្នុងសង្គមប្រជាធិបតេយ្យឡើយ។
ក្នុងបទសម្ភាសក្នុងកម្មវិធី Conversation With របស់ទូរទស្សន៍សិង្ហបុរី Channel News Asia លោក មហាធៀ បានបញ្ជាក់ថា សមាជិកបក្ស UMNO នៅបែកបាក់គ្នានៅឡើយដែលវាធ្វើឲ្យបក្សនេះទន់ខ្សោយ។ ប៉ុន្តែសម្រាប់លោកជានាយករដ្ឋមន្ត្រី លោក មហាធៀ ចង់ឃើញបក្សប្រឆាំងដែលល្អ និងខ្លាំងដែលអាចធ្វើការជាមួយរដ្ឋាភិបាលបានល្អ។
លោកបានថ្លែងដូច្នេះ៖« ការអនុវត្តជាក់ស្តែងសម្ព័ន្ធ Barisan Nasional នៅសល់តែបក្សបីប៉ុណ្ណោះក្នុងនោះមានបក្ស UMNO, បក្សសមាគមជនជាតិចិនម៉ាឡេស៊ី និងបក្សសមាជឥណ្ឌាម៉ាឡេស៊ី»។
លោកបន្តថា៖ «សូម្បីតែនៅក្នុងចំណោមបក្សបីក្តី យើងដឹងថា បក្ស UMNO កំពុងបាត់បង់សមាជិកច្រើន ហើយពួកគេរត់ចូលជាមួយសម្ព័ន្ធបក្ស Pakatan Harapan។ អ្វីដែលនៅសល់នោះគឺក្រុមមនុស្សដែលមិនយល់ពីស្ថានភាពជាក់ស្តែងឡើយ។ ប៉ុន្តែទោះជាបែបណាក៏ដោយ យើងត្រូវការបក្សប្រឆាំងដែលល្អ»។
បក្សល្អ និងខ្លាំងដែលលោក មហាធៀ សំដៅដល់នោះគឺ បក្សដែលមានសមត្ថភាពមិនចាំតែរណបរដ្ឋាភិបាល និងយល់ពីកិច្ចការងាររបស់ខ្លួន។ លោកបានពន្យល់បន្ថែមថា រដ្ឋាភិបាលរបស់លោកផ្ទាល់ពិតជាចង់ឲ្យបក្សប្រឆាំងពង្រឹងសមត្ថភាពខ្លួន និងធ្វើជាកញ្ចក់ឆ្លុះសង្គម ឬកញ្ចក់ឆ្លុះសម្រាប់រដ្ឋាភិបាល។ មានកញ្ចក់ទើបរដ្ឋាភិបាលមើលខ្លួនឯងឃើញថា ខ្លួនធ្វើត្រូវ ឬធ្វើខុសនោះ។
លោក មហាធៀ សង្កត់ធ្ងន់បែបនេះ៖ «យើងចង់បានបក្សប្រឆាំង ព្រោះយើងចាត់ទុក បក្សប្រឆាំងដូចជាកញ្ចក់ឆ្លុះ។ យើងនឹងមើលឃើញថា មុខរបស់យើងមានស្លាកស្នាម ឬមានបញ្ហាអត់។ ប៉ុន្តែក្នុងករណីដែលយើងមិនមានបក្សប្រឆាំងដែលធ្វើជាកញ្ចក់ឆ្លុះនេះទេ យើងនឹងគិតថា ខ្លួនយើងស្រស់ស្អាត ប៉ុន្តែតាមពិតយើងមានច្រមុះវៀចសោះ»។
សូមបញ្ជាក់ថា សម្ព័ន្ធបក្ស Barisan Nasional ចាញ់ឆ្នោតក្នុងការបោះឆ្នោតសាកលលើកទី ១៤ ដើមខែឧសភា ហើយសម្ព័ន្ធបក្ស Pakatan Harapan ដឹកនាំដោយលោក មហាធៀនោះ បានដណ្តើមជ័យជម្នះ។ ក្រោយចាញ់ឆ្នោតលោក ណាជីប រ៉ាហ្សាក់ សម្រេចចុះចេញពីតំណែងជាប្រធានបក្ស UMNO ហើយលោកក៏ត្រូវប្រឈមនឹងការចោទប្រកាន់ជុំវិញករណីពុករលួយក្នុងមូលនិធិរដ្ឋ 1MDBផងដែរ៕
Tag:
មហាធៀ មហាម៉ាត់
ម៉ាឡេស៊ី
UMNO
© រក្សាសិទ្ធិដោយ thmeythmey.com
