ជាតិ
ស្ថានីយទន្លេមេគង្គ-ក្រចេះ មានកម្ពស់ទឹកដល់ទៅជាង២០ម៉ែត្រ ដែលត្រូវប្រយ័ត្ន រូបភាពបានពីក្រសួងធនធានទឹក និងឧតុនិយម
× ភ្នំពេញ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករពីកម្ពស់ទឹកប្រចាំថ្ងៃទី២៦ ខែកក្កដា ដែលបានបញ្ជាក់ពីស្ថានភាពកម្ពស់ទឹក នៅតាមស្ថានីយជលសាស្ត្រនីមួយៗ។
ស្ថានីយជលសាស្ត្រទាំងនោះរួមមាន ស្ថានីយទន្លេមេគង្គ-ស្ទឹងត្រែង មានកម្ពស់ទឹក៩,៨៣ម៉ែត្រ ដែលកម្រិតឲ្យប្រុងប្រយ័ត្នក្នុងកម្ពស់១០,៧០ម៉ែត្រ។ ស្ថានីយទន្លេមេគង្គ-ក្រចេះមានកម្ពស់ទឹក២០,១៦ម៉ែត្រ ដែលកម្រិតឲ្យប្រុងប្រយ័ត្នក្នុងកម្ពស់២២ម៉ែត្រ។ ស្ថានីយទន្លេមេគង្គ-កំពង់ចាម មានកម្ពស់ទឹក១៣,៤១ម៉ែត្រ កម្រិតឲ្យប្រុងប្រយ័ត្ន១៥,២០ម៉ែត្រ។
ស្ថានីយបាសាក់-ចតុមុខ មានកម្ពស់ទឹក៧,៩០ម៉ែត្រ កម្រិតឲ្យប្រុងប្រយ័ត្ន១០,៥០ម៉ែត្រ។ ស្ថានីយមេគង្គ-អ្នកលឿងមានកម្ពស់ទឹក៥,៦៦ម៉ែត្រ កម្រិតប្រុងប្រយ័ត្នក្នុងកម្ពស់៧,៥០ម៉ែត្រ។ ស្ថានីយបាសាក់-កោះខែ មានកម្ពស់ទឹក៦,៨៣ម៉ែត្រ កម្រិតឲ្យប្រុងប្រយ័ត្នក្នុងកម្ពស់៧,៤០ម៉ែត្រ។ ស្ថានីយទន្លេសាប -ព្រែកក្តាម មានកម្ពស់ទឹក៦,៤៥ម៉ែត្រ កម្រិតឲ្យប្រុងប្រយ័ត្ននៅក្នុងកម្ពស់៩,៥០ម៉ែត្រ និងបឹងទន្លេសាប-កំពង់លួង មានកម្ពស់ទឹក៣,៧៨ម៉ែត្រ៕
© រក្សាសិទ្ធិដោយ thmeythmey.com