អន្តរជាតិ
×![]()
ដោយ: តន ចាន់រិទ្ធារ៉ា
អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស (Antonio Guterres) បានផ្ញើសារមួយទៅកាន់ប្រទេសសមាជិកទាំងអស់ ដោយបានបង្ហាញពីការខ្វះខាតផ្នែកហិរញ្ញវត្ថុរបស់ស្ថាប័នពិភពលោកមួយនេះ។ នេះបើតាមលិខិតដែលផ្សាយដោយទីភ្នាក់ងារព័ត៌មាន Reuters នៅថ្ងៃទី២៧ ខែកក្កដា។ លោក ហ្គូតេរ៉េស ក៏បានទទូចឲ្យសមាជិកគ្រប់ប្រទេសបង់ថ្លៃវិភាគទានដែលពួកគេជំពាក់ឲ្យបានឆាប់រហ័យតាមតែអាចធ្វើបាន ដើម្បីឲ្យអង្គការអន្តរជាតិមួយនេះបន្តដំណើរការទៅមុខជាប្រក្រតី។
ក្នុងលិខិតដែលចុះហត្ថលេខានៅថ្ងៃទី ២៥ ខែកក្កដា ប្រមុខអង្គការសហប្រជាជាតិ (UN) អាន់តូនីញ៉ូ ហ្គូតេរ៉េស បានប្រាប់សមាជិកទាំង ១៩៣ប្រទេស ថា នៅត្រឹមថ្ងៃទី៣០ ខែមិថុនា កញ្ចប់ថវិការបស់ស្ថាប័ននេះមានឱនភាពដល់ទៅ១៣៩លានដុល្លារឯណោះ។ លោកនិយាយថា អង្គការសហប្រជាជាតិមិនដែលជួបបញ្ហាលំបាកផ្នែកលំហូរសាច់ប្រាក់នៅពេលឆាប់រហ័សក្នុងរយៈពេលមួយឆ្នាំនៃឆ្នាំសារពើពន្ធបែបនេះឡើយ។
យោងតាមទីភ្នាក់ងារព័ត៌មាន Reuters អគ្គលេខាធិការជនជាតិព័រទុយហ្គាល់រូបនេះបន្តថា ស្ថាប័នពិភពលោកដូចជាអង្គការសហប្រជាជាតិ មិនគួរជួបបញ្ហាក្ស័យធនម្ដងហើយម្ដងទៀតឡើយ។ កាលពីខែធ្នូ ឆ្នាំ២០១៧ គណៈកម្មាធិការថវិការបស់អង្គការនេះបានអនុម័តទឹកប្រាក់ចំណាយចំនួន៥,៤ពាន់លានដុល្លារសម្រាប់ឆ្នាំ២០១៨-២០១៩ ដោយថយចុះចំនួន២៨៥លានដុល្លារ ប្រៀបធៀបទឹកប្រាក់ចំណាយឆ្នាំ២០១៦-២០១៧ ។
ការថយចុះថវិកានេះ ក៏បណ្ដាលមកពីនយោបាយរបស់រដ្ឋបាលប្រធានាធិបតីអាមេរិក ដូណាល់ ត្រាំ ដែរ។ អាមេរិកដែលជាម្ចាស់វិភាគទានធំជាងគេ បានស្នើឲ្យកំណែទម្រង់ស្ថាប័នពិភពលោកមួយនេះដើម្បីកាត់បន្ថយការចំណាយដ៏ច្រើនលើសលប់។ អគ្គរដ្ឋទូតអាមេរិកប្រចាំអង្គការសហប្រជាជាតិ Nikki Haley ធ្លាប់លើកឡើងថា អាមេរិកមិនអាចឲ្យទឹកចិត្តទូលាយរបស់ខ្លួន ត្រូវបានកេងចំណេញដោយគ្មានការត្រួតពិនិត្យទៀតឡើយ។
មកទល់ពេលនេះ សមាជិកចំនួន១១៣ក្នុងចំណោម១៩៣ប្រទេសបានបង់ប្រាក់វិភាគទានរបស់ខ្លួនរួចហើយ។ ចំណែកអាមេរិក ដែលត្រូវបង់វិភាគទានដល់ទៅ២២ភាគរយនៃចំនួនទឹកប្រាក់ទាំងអស់ នឹងបង់ក្រោយគេ។ ជាមួយនឹងការខ្វះខាតថវិកាដើម្បីធ្វើប្រតិបត្តិការនេះ លោក ហ្គូតេរ៉េស បានបង្ហាញក្ដីបារម្ភពីផលប៉ះពាល់ដល់បុគ្គលិកទាំងអស់ ព្រោះលោកត្រូវបានចាត់វិធានការសន្សំសំចៃដូចជាការកាត់បន្ថយចំនួនបុគ្គលិកជាដើម។
សូមបញ្ជាក់ថា ក្រោមច្បាប់របស់ខ្លួន សមាជិកអង្គការសហប្រជាជាតិដែលជំពាក់វិភាគទានរបស់ខ្លួន ស្មើ ឬលើសវិភាគទានរបស់ខ្លួននៅពេលពីរឆ្នាំមុន ប្រទេសនោះអាចបាត់បង់សិទ្ធិបោះឆ្នោតនៅឯមហាសន្និបាតអង្គការសហប្រជាជាតិ លុះត្រាតែប្រទេសនោះបង្ហាញថា អសមត្ថភាពក្នុងការបង់វិភាគទាននោះ គឺហួសពីសមត្ថភាព។ សព្វថ្ងៃ កូម័រ ហ្គីណេប៊ីស្សូ សៅតូម៉េនិងប្រាំងស៊ីប បានជំពាក់ថ្លៃវិភាគទានរបស់ខ្លួន តែនៅមានសិទ្ធិបោះឆ្នោតបាន តែលីប៊ីគ្មានសិទ្ធិឡើយ៕
ក្នុងលិខិតដែលចុះហត្ថលេខានៅថ្ងៃទី ២៥ ខែកក្កដា ប្រមុខអង្គការសហប្រជាជាតិ (UN) អាន់តូនីញ៉ូ ហ្គូតេរ៉េស បានប្រាប់សមាជិកទាំង ១៩៣ប្រទេស ថា នៅត្រឹមថ្ងៃទី៣០ ខែមិថុនា កញ្ចប់ថវិការបស់ស្ថាប័ននេះមានឱនភាពដល់ទៅ១៣៩លានដុល្លារឯណោះ។ លោកនិយាយថា អង្គការសហប្រជាជាតិមិនដែលជួបបញ្ហាលំបាកផ្នែកលំហូរសាច់ប្រាក់នៅពេលឆាប់រហ័សក្នុងរយៈពេលមួយឆ្នាំនៃឆ្នាំសារពើពន្ធបែបនេះឡើយ។
យោងតាមទីភ្នាក់ងារព័ត៌មាន Reuters អគ្គលេខាធិការជនជាតិព័រទុយហ្គាល់រូបនេះបន្តថា ស្ថាប័នពិភពលោកដូចជាអង្គការសហប្រជាជាតិ មិនគួរជួបបញ្ហាក្ស័យធនម្ដងហើយម្ដងទៀតឡើយ។ កាលពីខែធ្នូ ឆ្នាំ២០១៧ គណៈកម្មាធិការថវិការបស់អង្គការនេះបានអនុម័តទឹកប្រាក់ចំណាយចំនួន៥,៤ពាន់លានដុល្លារសម្រាប់ឆ្នាំ២០១៨-២០១៩ ដោយថយចុះចំនួន២៨៥លានដុល្លារ ប្រៀបធៀបទឹកប្រាក់ចំណាយឆ្នាំ២០១៦-២០១៧ ។
ការថយចុះថវិកានេះ ក៏បណ្ដាលមកពីនយោបាយរបស់រដ្ឋបាលប្រធានាធិបតីអាមេរិក ដូណាល់ ត្រាំ ដែរ។ អាមេរិកដែលជាម្ចាស់វិភាគទានធំជាងគេ បានស្នើឲ្យកំណែទម្រង់ស្ថាប័នពិភពលោកមួយនេះដើម្បីកាត់បន្ថយការចំណាយដ៏ច្រើនលើសលប់។ អគ្គរដ្ឋទូតអាមេរិកប្រចាំអង្គការសហប្រជាជាតិ Nikki Haley ធ្លាប់លើកឡើងថា អាមេរិកមិនអាចឲ្យទឹកចិត្តទូលាយរបស់ខ្លួន ត្រូវបានកេងចំណេញដោយគ្មានការត្រួតពិនិត្យទៀតឡើយ។
មកទល់ពេលនេះ សមាជិកចំនួន១១៣ក្នុងចំណោម១៩៣ប្រទេសបានបង់ប្រាក់វិភាគទានរបស់ខ្លួនរួចហើយ។ ចំណែកអាមេរិក ដែលត្រូវបង់វិភាគទានដល់ទៅ២២ភាគរយនៃចំនួនទឹកប្រាក់ទាំងអស់ នឹងបង់ក្រោយគេ។ ជាមួយនឹងការខ្វះខាតថវិកាដើម្បីធ្វើប្រតិបត្តិការនេះ លោក ហ្គូតេរ៉េស បានបង្ហាញក្ដីបារម្ភពីផលប៉ះពាល់ដល់បុគ្គលិកទាំងអស់ ព្រោះលោកត្រូវបានចាត់វិធានការសន្សំសំចៃដូចជាការកាត់បន្ថយចំនួនបុគ្គលិកជាដើម។
សូមបញ្ជាក់ថា ក្រោមច្បាប់របស់ខ្លួន សមាជិកអង្គការសហប្រជាជាតិដែលជំពាក់វិភាគទានរបស់ខ្លួន ស្មើ ឬលើសវិភាគទានរបស់ខ្លួននៅពេលពីរឆ្នាំមុន ប្រទេសនោះអាចបាត់បង់សិទ្ធិបោះឆ្នោតនៅឯមហាសន្និបាតអង្គការសហប្រជាជាតិ លុះត្រាតែប្រទេសនោះបង្ហាញថា អសមត្ថភាពក្នុងការបង់វិភាគទាននោះ គឺហួសពីសមត្ថភាព។ សព្វថ្ងៃ កូម័រ ហ្គីណេប៊ីស្សូ សៅតូម៉េនិងប្រាំងស៊ីប បានជំពាក់ថ្លៃវិភាគទានរបស់ខ្លួន តែនៅមានសិទ្ធិបោះឆ្នោតបាន តែលីប៊ីគ្មានសិទ្ធិឡើយ៕
Tag:
UN
អាន់តូនីញ៉ូ ហ្គូតេរ៉េស
© រក្សាសិទ្ធិដោយ thmeythmey.com
