អន្តរជាតិ
តុលាការធម្មនុញ្ញអ៊ូហ្កង់ដាត្រួសត្រាយផ្លូវឲ្យប្រធានាធិបតី Museveni អាចកាន់«អំណាចមួយជីវិត»
លោកប្រធានាធិបតី Yoweri Museveni ដែលមានវ័យ ៧៣ឆ្នាំ
×![]()
ដោយ: ថ្មីៗ
ស្ថានភាពនយោបាយអ៊ូហ្កង់ដាចាប់ផ្តើមតានតឹងជាងមុន ក្រោយតុលាការធម្មនុញ្ញាសម្រេចការពារការលុបចោលមាត្រាកំណត់អាយុប្រធានាធិបតីក្នុងរដ្ឋធម្មនុញ្ញ។ មេដឹកនាំបក្សប្រឆាំងទិតៀនការសម្រេចរបស់តុលាការ ហើយក៏បារម្ភថា ប្រធានាធិបតី Yoweri Museveni ដែលមានវ័យ ៧៣ឆ្នាំហើយនោះអាចនឹងកាន់អំណាចមួយជីវិតផង។
មេធាវីតំណាងក្រុមបក្សប្រឆាំង Ladislaus Rwakafuzi បានព្រមានថា លោកប្រធានាធិបតី Yoweri Museveni ដែលមានវ័យ ៧៣ឆ្នាំហើយនោះកំពុងឆ្ពោះទៅក្តោបក្តាប់អំណាចជាប្រធានាធិបតីមួយជីវិត បន្ទាប់ពីព្យាយាមបញ្ចប់បទបញ្ញត្តិដែលកំណត់អាណត្តិប្រធានាធិបតី។
បើតាមទីភ្នាក់ងារព័ត៌មាន AFP ក្រុមប្រឆាំងចេញមុខប្រតិកម្ម ក្រោយតុលាការធម្មនុញ្ញអ៊ូហ្កង់ដានាថ្ងៃព្រហស្បតិ៍ទី ២៦ ខែកក្កដានេះបានចេញសេចក្តីសម្រេចមួយតបនឹងបណ្តឹងរបស់ពួកគេដែលទាមទារឲ្យមានការអនុវត្តមាត្រាកំណត់អាណត្តិប្រធានាធិបតីឡើយវិញ។
លោក Ladislaus Rwakafuzi អះអាងដូច្នេះ៖« តុលាការធម្មនុញ្ញាចាប់ផ្តើមដាក់អនុវត្តអាណត្តិប្រធានាធិបតីមួយជីវិតឡើងវិញ ដោយមានមនុស្សតែម្នាក់គ្រប់គ្រងប្រទេស។ ខ្ញុំគិតថា ចៅក្រមតុលាការទាំងនោះមិនហ៊ានប្រាប់ប្រធានាធិបតីឡើយថា លោកស្ថិតក្នុងតំណែងយូរល្មមទៅហើយ»។
យ៉ាងណាមិញចៅក្រមតុលាការដែលមានអំណាចបកស្រាយរដ្ឋធម្មនុញ្ញនេះបានចាត់ទុកថា ការបញ្ចប់ការកំណត់អាយុប្រធានាធិបតីនេះជារឿងសមរម្យ ហើយពួកគេក៏ហៅការស្នើសុំដាក់អនុវត្តច្បាប់កំណត់អាណត្តិឡើងវិញថា ជាការបំពាននីតិវិធីរបស់សភា។ ដូច្នេះហើយវាច្បាស់ណាស់ថា លោកប្រធានាធិបតីលោក Museveni នឹងបន្តកាន់អំណាចទៅមុខទៀត រហូតដល់ចាស់ជរាផង។
អ៊ូហ្កង់ដាធ្លាប់មានមាត្រាដែលកំណត់អាយុប្រធានាធិបតីមកត្រឹម ៧៥ឆ្នាំប៉ុណ្ណោះ។ ប៉ុន្តែមាត្រានេះត្រូវបានគេស្នើលុបចោលតាំងពីខែកញ្ញាឆ្នាំមុន ហើយក៏ធ្វើឲ្យមានចលនាប្រឆាំងច្រើនដែរ។ ការលុបចោលបទបញ្ញត្តិនេះដោយសារតែ វាជាឧបសគ្គសម្រាប់លោក Museveni ដែលមានមហិច្ឆតាចូលរួមប្រកួតប្រជែងតំណែងប្រធានាធិបតីជាថ្មីនៅឆ្នាំ ២០២១។ លោក Museveni មានឈ្មោះជាមេដឹកនាំកាន់អំណាចយូរជាងគេប្រចាំអាហ្វ្រិកពោលគឺចាប់តាំងពីឆ្នាំ ១៩៨៦មកម្ល៉េះ។
តាមពិតទៅ លោក Museveni ឡើងកាន់តំណែងតាមរយៈការដឹកនាំចលនាក្រុមឧទ្ទាមឆ្នាំ ១៩៨៦ ហើយលោកធ្លាប់និយាយថា បញ្ហានៅអាហ្វ្រិកភាគច្រើនកើតឡើងដោយសារតែការកាន់អំណាចយូរហួសហេតុពេក។ ប៉ុន្តែក្រោយបានតំណែងកាន់ច្រើនឆ្នាំ លោក Museveni ស្រាប់តែក្រឡាស់សម្តី ដោយអះអាងលោកមិនអាចចាកចេញឆាប់ពេកទេព្រោះលោកមានការងារត្រូវដោះស្រាយច្រើនដើម្បីជួយប្រទេសជាតិឲ្យលូតលាស់ទៅមុខ៕
មេធាវីតំណាងក្រុមបក្សប្រឆាំង Ladislaus Rwakafuzi បានព្រមានថា លោកប្រធានាធិបតី Yoweri Museveni ដែលមានវ័យ ៧៣ឆ្នាំហើយនោះកំពុងឆ្ពោះទៅក្តោបក្តាប់អំណាចជាប្រធានាធិបតីមួយជីវិត បន្ទាប់ពីព្យាយាមបញ្ចប់បទបញ្ញត្តិដែលកំណត់អាណត្តិប្រធានាធិបតី។
បើតាមទីភ្នាក់ងារព័ត៌មាន AFP ក្រុមប្រឆាំងចេញមុខប្រតិកម្ម ក្រោយតុលាការធម្មនុញ្ញអ៊ូហ្កង់ដានាថ្ងៃព្រហស្បតិ៍ទី ២៦ ខែកក្កដានេះបានចេញសេចក្តីសម្រេចមួយតបនឹងបណ្តឹងរបស់ពួកគេដែលទាមទារឲ្យមានការអនុវត្តមាត្រាកំណត់អាណត្តិប្រធានាធិបតីឡើយវិញ។
លោក Ladislaus Rwakafuzi អះអាងដូច្នេះ៖« តុលាការធម្មនុញ្ញាចាប់ផ្តើមដាក់អនុវត្តអាណត្តិប្រធានាធិបតីមួយជីវិតឡើងវិញ ដោយមានមនុស្សតែម្នាក់គ្រប់គ្រងប្រទេស។ ខ្ញុំគិតថា ចៅក្រមតុលាការទាំងនោះមិនហ៊ានប្រាប់ប្រធានាធិបតីឡើយថា លោកស្ថិតក្នុងតំណែងយូរល្មមទៅហើយ»។
យ៉ាងណាមិញចៅក្រមតុលាការដែលមានអំណាចបកស្រាយរដ្ឋធម្មនុញ្ញនេះបានចាត់ទុកថា ការបញ្ចប់ការកំណត់អាយុប្រធានាធិបតីនេះជារឿងសមរម្យ ហើយពួកគេក៏ហៅការស្នើសុំដាក់អនុវត្តច្បាប់កំណត់អាណត្តិឡើងវិញថា ជាការបំពាននីតិវិធីរបស់សភា។ ដូច្នេះហើយវាច្បាស់ណាស់ថា លោកប្រធានាធិបតីលោក Museveni នឹងបន្តកាន់អំណាចទៅមុខទៀត រហូតដល់ចាស់ជរាផង។
អ៊ូហ្កង់ដាធ្លាប់មានមាត្រាដែលកំណត់អាយុប្រធានាធិបតីមកត្រឹម ៧៥ឆ្នាំប៉ុណ្ណោះ។ ប៉ុន្តែមាត្រានេះត្រូវបានគេស្នើលុបចោលតាំងពីខែកញ្ញាឆ្នាំមុន ហើយក៏ធ្វើឲ្យមានចលនាប្រឆាំងច្រើនដែរ។ ការលុបចោលបទបញ្ញត្តិនេះដោយសារតែ វាជាឧបសគ្គសម្រាប់លោក Museveni ដែលមានមហិច្ឆតាចូលរួមប្រកួតប្រជែងតំណែងប្រធានាធិបតីជាថ្មីនៅឆ្នាំ ២០២១។ លោក Museveni មានឈ្មោះជាមេដឹកនាំកាន់អំណាចយូរជាងគេប្រចាំអាហ្វ្រិកពោលគឺចាប់តាំងពីឆ្នាំ ១៩៨៦មកម្ល៉េះ។
តាមពិតទៅ លោក Museveni ឡើងកាន់តំណែងតាមរយៈការដឹកនាំចលនាក្រុមឧទ្ទាមឆ្នាំ ១៩៨៦ ហើយលោកធ្លាប់និយាយថា បញ្ហានៅអាហ្វ្រិកភាគច្រើនកើតឡើងដោយសារតែការកាន់អំណាចយូរហួសហេតុពេក។ ប៉ុន្តែក្រោយបានតំណែងកាន់ច្រើនឆ្នាំ លោក Museveni ស្រាប់តែក្រឡាស់សម្តី ដោយអះអាងលោកមិនអាចចាកចេញឆាប់ពេកទេព្រោះលោកមានការងារត្រូវដោះស្រាយច្រើនដើម្បីជួយប្រទេសជាតិឲ្យលូតលាស់ទៅមុខ៕
Tag:
អ៊ូហ្កង់ដា
Yoweri Museveni
ប្រធានាធិបតីមួយជីវិត
© រក្សាសិទ្ធិដោយ thmeythmey.com
