អន្តរជាតិ
លោក ត្រាំ អរគុណលោក គីម ក្រោយកូរ៉េខាងជើងបញ្ជូនអដ្ឋិធាតុទ័ពអាមេរិកមកវិញ
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ នៅថ្ងៃទី២៧ ខែកក្កដា បានបង្ហាញការអរគុណចំពោះមេដឹកនាំកូរ៉េខាងជើង គីម ជុងអ៊ុន បន្ទាប់ពីកូរ៉េខាងជើងបញ្ជូនអដ្ឋិធាតុទាហានអាមេរិកមកវិញ។ ការបញ្ជូនត្រឡប់មកវិញនេះ ជាផ្នែកមួយនៃលទ្ធផលជំនួបប្រវត្តិសាស្ត្ររវាងលោក ត្រាំ និងលោក គីម នៅថ្ងៃទី១២ ខែមិថុនា នៅសិង្ហបុរី។ អាមេរិកចាត់ទុកសកម្មភាពរបស់កូរ៉េខាងជើង ជាជំហានវិជ្ជមានដើម្បីដោះស្រាយបញ្ហានុយក្លេអ៊ែរនៅឧបទ្វីបកូរ៉េ។
នៅថ្ងៃទី២៧ ខែកក្កដា យន្តហោះយោធាអាមេរិកមួយគ្រឿងបានហោះទៅកាន់កូរ៉េខាងជើងដើម្បីដឹកត្រឡប់មកវិញនូវអដ្ឋិធាតុទាហានចំនួន៥៥នាក់ ដែលបានស្លាប់ក្នុងសម័យសង្គ្រាមកូរ៉េឆ្នាំ១៩៥០-១៩៥៣ ។ នៅថ្ងៃដដែល យន្តហោះអាមេរិកបានចុះចតនៅនៅមូលដ្ឋានអាកាស Osan ដោយទាហានអន្តរជាតិនៅកូរ៉េខាងត្បូងក្រោមឆត្រអង្គការសហប្រជាជាតិ បានទទួលយកអដិធាតុទាំងនេះ មុននឹងបញ្ជូនបន្តទៅអាមេរិកនៅសប្ដាហ៍ក្រោយ។
ការបញ្ជូនអដ្ឋិធាតុត្រឡប់វិញនេះ ធ្វើឡើងចំពេលខួបទី៦៥ឆ្នាំនៃការចុះហត្ថលេខាលើយុទ្ធសន្តិភាពបញ្ចប់សង្គ្រាមកូរ៉េ ដែលសម្លាប់ជីវិតមនុស្សជាងពីរលាននាក់។ នេះជាសញ្ញាបង្ហាញពីឆន្ទៈរបស់កូរ៉េខាងជើងក្នុងការស្វែងរកសន្តិភាពនៅឧបទ្វីបកូរ៉េ ហើយក៏ជាការបង្ហាញឲ្យឃើញពីភាពល្អប្រសើរក្នុងទំនាក់ទំនងរវាងអតីតគូសត្រូវទាំងពីរ។
រូបភាព China Daily
នៅអាមេរិកឯណោះ ប្រធានាធិបតីអាមេរិក ដូណាល់ ត្រាំ បានអរគុណមេដឹកនាំកូរ៉េខាងជើង គីម ជុងអ៊ុន ចំពោះសកម្មភាពនេះ។ តាមរយៈ Twitter របស់ខ្លួន លោក ត្រាំ បានសរសេរថា៖ «បន្ទាប់ពីពេលលជាច្រើនឆ្នាំ ថ្ងៃនេះពិតជាពេលវេលាដ៏អស្ចារ្យសម្រាប់ក្រុមគ្រួសារជាច្រើន។ សូមអរគុណលោក គីម ជុងអ៊ុន»។ ជាមួយគ្នានេះ សេតវិមានក៏បានចេញសេចក្ដីថ្លែងការណ៍មួយ ដែលបានចាត់ទុកទង្វើកូរ៉េខាងជើងជាការផ្លាស់ប្ដូរជាវិជ្ជមាន។
យោងតាមទីភ្នាក់ងារព័ត៌មាន AFP សេតវិមានអាមេរិកបញ្ជាក់ថា សកម្មភាពកូរ៉េខាងជើងពេលនេះតំណាងឲ្យជំហានដំបូងក្នុងការចាប់ផ្ដើមធ្វើមាតុភូមិនិវត្តន៍ធាតុទាហានអាមេរិក និងការស្វែងរកអដ្ឋិធាតុទាហានអាមេរិកចំនួនជាង៥ពាន់ផ្សេងទៀត។ មេបញ្ជាការទ័ពអាមេរិកនៅកូរ៉េខាងត្បូង ឧត្តមសេនីយ៍ Vincent Brooks និយាយថា អដ្ឋិធាតុទាំង៥៥ នឹងត្រូវរៀបចំពិធីមួយដើម្បីផ្ដល់កិត្តិយស មុននឹងចាកចេញទៅអាមេរិក។
យោងតាមទិន្នន័យមន្ទីរបញ្ចកោណ ទាហានអាមេរិកច្រើនជាង៣៥០០០នាក់ បានបាត់បង់ជីវិតក្នុងសង្គ្រាមបីឆ្នាំនៅឧបទ្វីបកូរ៉េ ហើយក្នុងចំណោមនេះមានចំនួនជិត៨ពាន់នាក់បាត់ខ្លួន។ នៅទឹកដីកូរ៉េខាងជើង ទាហានអាមេរិកចំនួន៥៣០០នាក់បានស្លាប់នៅទីនោះ។ នៅចន្លោះឆ្នាំ១៩៩០-២០០៥ អដិ្ឋធាតុចំនួន២២៩ ត្រូវបានបញ្ជូនទៅអាមេរិកវិញ ប៉ុន្តែប្រតិបត្តិការបានផ្អាក ព្រោះទំនាក់ទំនងទ្វេភាគីតែងឡើងចុះមិនទៀង៕
នៅថ្ងៃទី២៧ ខែកក្កដា យន្តហោះយោធាអាមេរិកមួយគ្រឿងបានហោះទៅកាន់កូរ៉េខាងជើងដើម្បីដឹកត្រឡប់មកវិញនូវអដ្ឋិធាតុទាហានចំនួន៥៥នាក់ ដែលបានស្លាប់ក្នុងសម័យសង្គ្រាមកូរ៉េឆ្នាំ១៩៥០-១៩៥៣ ។ នៅថ្ងៃដដែល យន្តហោះអាមេរិកបានចុះចតនៅនៅមូលដ្ឋានអាកាស Osan ដោយទាហានអន្តរជាតិនៅកូរ៉េខាងត្បូងក្រោមឆត្រអង្គការសហប្រជាជាតិ បានទទួលយកអដិធាតុទាំងនេះ មុននឹងបញ្ជូនបន្តទៅអាមេរិកនៅសប្ដាហ៍ក្រោយ។
ការបញ្ជូនអដ្ឋិធាតុត្រឡប់វិញនេះ ធ្វើឡើងចំពេលខួបទី៦៥ឆ្នាំនៃការចុះហត្ថលេខាលើយុទ្ធសន្តិភាពបញ្ចប់សង្គ្រាមកូរ៉េ ដែលសម្លាប់ជីវិតមនុស្សជាងពីរលាននាក់។ នេះជាសញ្ញាបង្ហាញពីឆន្ទៈរបស់កូរ៉េខាងជើងក្នុងការស្វែងរកសន្តិភាពនៅឧបទ្វីបកូរ៉េ ហើយក៏ជាការបង្ហាញឲ្យឃើញពីភាពល្អប្រសើរក្នុងទំនាក់ទំនងរវាងអតីតគូសត្រូវទាំងពីរ។
រូបភាព China Daily
នៅអាមេរិកឯណោះ ប្រធានាធិបតីអាមេរិក ដូណាល់ ត្រាំ បានអរគុណមេដឹកនាំកូរ៉េខាងជើង គីម ជុងអ៊ុន ចំពោះសកម្មភាពនេះ។ តាមរយៈ Twitter របស់ខ្លួន លោក ត្រាំ បានសរសេរថា៖ «បន្ទាប់ពីពេលលជាច្រើនឆ្នាំ ថ្ងៃនេះពិតជាពេលវេលាដ៏អស្ចារ្យសម្រាប់ក្រុមគ្រួសារជាច្រើន។ សូមអរគុណលោក គីម ជុងអ៊ុន»។ ជាមួយគ្នានេះ សេតវិមានក៏បានចេញសេចក្ដីថ្លែងការណ៍មួយ ដែលបានចាត់ទុកទង្វើកូរ៉េខាងជើងជាការផ្លាស់ប្ដូរជាវិជ្ជមាន។
យោងតាមទីភ្នាក់ងារព័ត៌មាន AFP សេតវិមានអាមេរិកបញ្ជាក់ថា សកម្មភាពកូរ៉េខាងជើងពេលនេះតំណាងឲ្យជំហានដំបូងក្នុងការចាប់ផ្ដើមធ្វើមាតុភូមិនិវត្តន៍ធាតុទាហានអាមេរិក និងការស្វែងរកអដ្ឋិធាតុទាហានអាមេរិកចំនួនជាង៥ពាន់ផ្សេងទៀត។ មេបញ្ជាការទ័ពអាមេរិកនៅកូរ៉េខាងត្បូង ឧត្តមសេនីយ៍ Vincent Brooks និយាយថា អដ្ឋិធាតុទាំង៥៥ នឹងត្រូវរៀបចំពិធីមួយដើម្បីផ្ដល់កិត្តិយស មុននឹងចាកចេញទៅអាមេរិក។
យោងតាមទិន្នន័យមន្ទីរបញ្ចកោណ ទាហានអាមេរិកច្រើនជាង៣៥០០០នាក់ បានបាត់បង់ជីវិតក្នុងសង្គ្រាមបីឆ្នាំនៅឧបទ្វីបកូរ៉េ ហើយក្នុងចំណោមនេះមានចំនួនជិត៨ពាន់នាក់បាត់ខ្លួន។ នៅទឹកដីកូរ៉េខាងជើង ទាហានអាមេរិកចំនួន៥៣០០នាក់បានស្លាប់នៅទីនោះ។ នៅចន្លោះឆ្នាំ១៩៩០-២០០៥ អដិ្ឋធាតុចំនួន២២៩ ត្រូវបានបញ្ជូនទៅអាមេរិកវិញ ប៉ុន្តែប្រតិបត្តិការបានផ្អាក ព្រោះទំនាក់ទំនងទ្វេភាគីតែងឡើងចុះមិនទៀង៕
Tag:
អាមេរិក
កូរ៉េខាងជើង
ដូណាល់ ត្រាំ
គីម ជុងអ៊ុន
© រក្សាសិទ្ធិដោយ thmeythmey.com
