អន្តរជាតិ
លោក ត្រាំ ប្រាប់រដ្ឋមន្ត្រីយុត្តិធម៌ឲ្យបញ្ចប់ការស៊ើបអង្កេតរឿងរុស្ស៊ីជ្រៀតជ្រែកការបោះឆ្នោត
ប្រធានាធិបតីអាមេរិក ដូណាល់ ត្រាំ ក្នុងជំនួបមួយនៅសេតវិមាន (រូបភាព AFP)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ នៅថ្ងៃទី១ ខែសីហា បានប្រាប់ឲ្យរដ្ឋមន្ត្រីយុត្តិធម៌របស់លោក Jeff Sessions បញ្ចប់ការស៊ើបអង្កេតករណីរុស្ស៊ីជ្រៀតជ្រែកការបោះឆ្នោតអាមេរិកឆ្នាំ២០១៦ ដោយលោកចាត់ទុកវាជាការព្យាយាមតាមចាប់កំហុសលោកប៉ុណ្ណោះ។ សម្ដីរបស់លោក ត្រាំ ធ្វើអ្នកនយោបាយអាមេរិកខ្លះចាត់ទុកជាការរារាំងដំណើរការយុត្តិធម៌ ដែលអាចឈានដល់ការបោះឆ្នោតទម្លាក់លោក ត្រាំ បាន។ ប៉ុន្តែមន្ត្រីសេតវិមាននិយាយថា នេះជាមិនមែនជាបញ្ជារបស់លោក ត្រាំ ទេ។
សំណុំរឿងរុស្ស៊ីលូកលាន់ការបោះឆ្នោតអាមេរិកក្នុងឆ្នាំ២០១៦ កំពុងរំខានប្រធានាធិបតីអាមេរិក ដូណាល់ ត្រាំ ជាខ្លាំងរហូតស្នើឲ្យបញ្ចប់ការស៊ើបជាបន្ទាន់។ ក្រុមមន្ត្រីជាច្រើនដែលធ្លាប់ធ្វើការឲ្យយុទ្ធនាការស្វែងរកសំឡេងឆ្នោតរបស់លោក ត្រាំ កំពុងស្ថិតក្រោមការស៊ើបអង្កេតរបស់រដ្ឋអាជ្ញាពិសេស Robert Mueller ខណៈជនជាតិរុស្ស៊ីជាច្រើននាក់ទៀត ត្រូវបានចោទប្រកាន់រួចហើយ។ នៅថ្ងៃទី១ ខែសីហា លោក ត្រាំ បានបញ្ចេញប្រតិកម្មខ្លាំងៗ និងចាត់ទុកករណីនេះជាអំពើថោកទាបផង។
តាមរយៈ Twitter របស់ខ្លួន លោក ត្រាំ បានប្រាប់ឲ្យរដ្ឋមន្ត្រីយុត្តិធម៌ Jeff Sessions បញ្ឈប់ករណីឲ្យបានឆាប់។ ប្រធានាធិបតីអាមេរិកបញ្ជាក់ថា៖ «នេះគឺជាស្ថានភាពអាក្រក់បំផុត ហើយលោក Jeff Sessions គួរបញ្ចប់ការតាមចាប់កំហុសនេះជាបន្ទាន់ មុនពេលករណីនេះធ្វើឲ្យអាមេរិកខូចឈ្មោះកាន់តែខ្លាំងថែមទៀត។» លោកក៏ចោទលោក Mueller ថា កាន់ជើងក្រុមប្រជាធិបតេយ្យផង។
ក្រោយការប្រកាសរបស់លោក ត្រាំ តាមបណ្ដាញសង្គម Twitter មន្ត្រីសេតវិមានក៏ប្រញាប់ចេញមកបកស្រាយអត្ថន័យពិត ព្រោះសំណេររបស់លោកអាចនាំឲ្យមានបញ្ហាធំមិនខាន។ អ្នកនាំពាក្យសេតវិមាន Sarah Sanders និយាយថា លោក ត្រាំ គ្រាន់តែបង្ហាញយោបល់ផ្ទាល់ខ្លួនប៉ុណ្ណោះ មិនមែនជាការដាក់បញ្ជាក្នុងនាមជាមេកើយរបស់លោក Sessions ឡើយ។ អ្នកនាំពាក្យរូបនេះបន្តថា លោក ត្រាំ ពិតជាបំណងឲ្យការស៊ើបអង្កេតបញ្ចប់មែន។ នេះបើតាមការផ្សាយរបស់ទីភ្នាក់ងារព័ត៌មាន AFP ។
យ៉ាងណាមិញ សំណេររបស់លោក ត្រាំ ខាងលើនេះ បង្កើតជាការសង្ស័យរួចទៅហើយ ទោះជាមន្ត្រីថ្នាក់ក្រោមរបស់ប្រឹងបកស្រាយក្ដី។ សមាជិកសភាបក្សប្រជាធិបតេយ្យ Adam Schiff បានចែករំលែកសំណេររបស់លោក ត្រាំ ដោយភ្ជាប់នូវឃ្លាថា ប្រធានាធិបតីអាមរិករូបនេះបានទើបស្នើឲ្យរដ្ឋមន្ត្រីយុត្តិធម៌របស់ខ្លួនបញ្ចប់ការស៊ើបអង្កេតដែលអាចរាលដាលដល់ខ្លួនផ្ទាល់ ក្រុមគ្រួសារ និងយុទ្ធនាការផង។ លោក Schiff ចាត់ទុកទង្វើនេះជាការបង្អាក់ដំណើរការយុត្តិធម៌។
តាមពិតទៅ ទាំងលោក ត្រាំ ទាំងរុស្ស៊ី សុទ្ធតែបានបដិសេធការពាក់ព័ន្ធក្នុងសំណុំរឿងមួយនេះ ប៉ុន្តែក្រុមស៊ើបអង្កេតពិសេស និងក្រុមចារកម្មអាមេរិកបានអះអាងស្រដៀងគ្នាថា រុស្ស៊ីពិតជាបានកកូរកកាយការបោះឆ្នោតអាមេរិក ដែលនាំឲ្យលោក ត្រាំ ឈ្នះឆ្នោតមែន។ លោក ត្រាំ ចាត់ទុកសំណុំរឿងនេះ ជាការសងសឹករបស់ក្រុមបក្សប្រជាធិបតេយ្យដែលចាញ់ឆ្នោតលោក៕
សំណុំរឿងរុស្ស៊ីលូកលាន់ការបោះឆ្នោតអាមេរិកក្នុងឆ្នាំ២០១៦ កំពុងរំខានប្រធានាធិបតីអាមេរិក ដូណាល់ ត្រាំ ជាខ្លាំងរហូតស្នើឲ្យបញ្ចប់ការស៊ើបជាបន្ទាន់។ ក្រុមមន្ត្រីជាច្រើនដែលធ្លាប់ធ្វើការឲ្យយុទ្ធនាការស្វែងរកសំឡេងឆ្នោតរបស់លោក ត្រាំ កំពុងស្ថិតក្រោមការស៊ើបអង្កេតរបស់រដ្ឋអាជ្ញាពិសេស Robert Mueller ខណៈជនជាតិរុស្ស៊ីជាច្រើននាក់ទៀត ត្រូវបានចោទប្រកាន់រួចហើយ។ នៅថ្ងៃទី១ ខែសីហា លោក ត្រាំ បានបញ្ចេញប្រតិកម្មខ្លាំងៗ និងចាត់ទុកករណីនេះជាអំពើថោកទាបផង។
តាមរយៈ Twitter របស់ខ្លួន លោក ត្រាំ បានប្រាប់ឲ្យរដ្ឋមន្ត្រីយុត្តិធម៌ Jeff Sessions បញ្ឈប់ករណីឲ្យបានឆាប់។ ប្រធានាធិបតីអាមេរិកបញ្ជាក់ថា៖ «នេះគឺជាស្ថានភាពអាក្រក់បំផុត ហើយលោក Jeff Sessions គួរបញ្ចប់ការតាមចាប់កំហុសនេះជាបន្ទាន់ មុនពេលករណីនេះធ្វើឲ្យអាមេរិកខូចឈ្មោះកាន់តែខ្លាំងថែមទៀត។» លោកក៏ចោទលោក Mueller ថា កាន់ជើងក្រុមប្រជាធិបតេយ្យផង។
..This is a terrible situation and Attorney General Jeff Sessions should stop this Rigged Witch Hunt right now, before it continues to stain our country any further. Bob Mueller is totally conflicted, and his 17 Angry Democrats that are doing his dirty work are a disgrace to USA!
— Donald J. Trump (@realDonaldTrump) August 1, 2018
ក្រោយការប្រកាសរបស់លោក ត្រាំ តាមបណ្ដាញសង្គម Twitter មន្ត្រីសេតវិមានក៏ប្រញាប់ចេញមកបកស្រាយអត្ថន័យពិត ព្រោះសំណេររបស់លោកអាចនាំឲ្យមានបញ្ហាធំមិនខាន។ អ្នកនាំពាក្យសេតវិមាន Sarah Sanders និយាយថា លោក ត្រាំ គ្រាន់តែបង្ហាញយោបល់ផ្ទាល់ខ្លួនប៉ុណ្ណោះ មិនមែនជាការដាក់បញ្ជាក្នុងនាមជាមេកើយរបស់លោក Sessions ឡើយ។ អ្នកនាំពាក្យរូបនេះបន្តថា លោក ត្រាំ ពិតជាបំណងឲ្យការស៊ើបអង្កេតបញ្ចប់មែន។ នេះបើតាមការផ្សាយរបស់ទីភ្នាក់ងារព័ត៌មាន AFP ។
យ៉ាងណាមិញ សំណេររបស់លោក ត្រាំ ខាងលើនេះ បង្កើតជាការសង្ស័យរួចទៅហើយ ទោះជាមន្ត្រីថ្នាក់ក្រោមរបស់ប្រឹងបកស្រាយក្ដី។ សមាជិកសភាបក្សប្រជាធិបតេយ្យ Adam Schiff បានចែករំលែកសំណេររបស់លោក ត្រាំ ដោយភ្ជាប់នូវឃ្លាថា ប្រធានាធិបតីអាមរិករូបនេះបានទើបស្នើឲ្យរដ្ឋមន្ត្រីយុត្តិធម៌របស់ខ្លួនបញ្ចប់ការស៊ើបអង្កេតដែលអាចរាលដាលដល់ខ្លួនផ្ទាល់ ក្រុមគ្រួសារ និងយុទ្ធនាការផង។ លោក Schiff ចាត់ទុកទង្វើនេះជាការបង្អាក់ដំណើរការយុត្តិធម៌។
តាមពិតទៅ ទាំងលោក ត្រាំ ទាំងរុស្ស៊ី សុទ្ធតែបានបដិសេធការពាក់ព័ន្ធក្នុងសំណុំរឿងមួយនេះ ប៉ុន្តែក្រុមស៊ើបអង្កេតពិសេស និងក្រុមចារកម្មអាមេរិកបានអះអាងស្រដៀងគ្នាថា រុស្ស៊ីពិតជាបានកកូរកកាយការបោះឆ្នោតអាមេរិក ដែលនាំឲ្យលោក ត្រាំ ឈ្នះឆ្នោតមែន។ លោក ត្រាំ ចាត់ទុកសំណុំរឿងនេះ ជាការសងសឹករបស់ក្រុមបក្សប្រជាធិបតេយ្យដែលចាញ់ឆ្នោតលោក៕
Tag:
អាមេរិក
រុស្ស៊ី
ដូណាល់ ត្រាំ
Jeff Sessions
© រក្សាសិទ្ធិដោយ thmeythmey.com
